هلا بحبايبي
حبيباتي انا عندي عزومة بعد كم يوم ومحتارة ايش اسوي من اطباق
زوجي راح يجيب الرز من برة وماني عارفة ايش اسوي اطباق من حلى وسلطات واطباق جانبية
بس ياريت تدلوني على اشياؤ سهلة لاني دوبي عروسة ومو مرة في الطبخ
وانتوا ماتقصروا

أي وحدة تشوف توقيعي تدعيلي بانه ربي يشافني مما انا فية ويرزقني الذرية الصالحة الكاملة الخلقة المعافى الباره بي وبزوجي وبوالدينا عاجلا غير اجل يارب
.......................
حبيبتي سوي صينية التوست مع اللحمة المفرومة
جيبي توسن قصي حوافه وجيبي صينية حطي فيها شوي من الصوص الي هي علبة قشطة وملعقتين جبن سايل وشوي ملح وفلفل أسمر بهار وخلطيهم وحطي شوي في قاع الصينية وبعدين صفي التوست وحطي فوقه خلطة اللحم ، قطعي بصل وحطي في قدر شوي زيت وحطي البصل بعدين اللحم المفروم وقلبيه لحد ما ينشف مايه بعدين حطي عليه ملح وبهر وصبيه فوق التوست بعدين طبقة توست ثانية وباقي خلطة الصوص مديها فوق التوست وحطيها في لفرن شوي من تحت ومن فوق لحد ما تتحمر
وسوي بعد حمص وسلطة الفتوش الي هي خيار وطماطم وخس وبصلة صغيرة مقطعة قطع صغيرة اخلطيهم مع بعض وحطي ملح وليمون وزيت زيتون وجيبي خبز لبناني الخفيف وقطعيه مكعبات وقليه في الزيت واخر شي عند التقديم حطيه على وجه السلطة.

وسوي معكرونه باللحم المفروم والصلصة قطعي بصل صغير وحطي في قدر شوي زيت لين يذبل حطي لحم مفروم أو دجاج وقلبيهم معبعض بعدين حطي حبة طماطم مفرومة وحبة فلفل بارد واذا تحبونها حارة حطي فلفل حار أخضر قعيهم صغار وحطيهم على خلطة البصل واللحم لحد ما يستو قلبيهم زين وحطي ملح وبهار ودارسين ناعمة (القرفة) .

في هاي الاثناء جيبي قدر حطي فيه ماي وشوي زيت وشوي ملح لحد ما يغلي حطي فوقه المعكرونه وخلي لحد ما تستوي المعكرونه صفيه من الماي وجيبي الصينين وحطي فيها المعكرونة وخلطة اللحم وذوبي معجون طماطم مع ماي وشوي ملح وبهار وحطيهم على الخلطة وحركي كله مع بعض بعدين حطي شوي زيت على الوجه وحطي في الفرن من فوق وتحت

وان شاء الله تطلعي ببياض الوجه في عزومتك بس جربي الاطباق الي قلتلك راح تدعيلي
ممكن شوربة
نوعين او ثلاث من السلطات
نوعين حلا قهوة
نوعين حلا بعد العشا
واذا حابة سوي مقليات كبة سمبوسة سبرنغ رول


والله ييسر لك ويوفقك وتكون احلى عزومة
نصيحه مني لا تكثرين مرره لان الرجال ما يحبون كثره الحلا والصواني وخاصه فيه رز راح يدقون فيه ماشاء الله
على القهوه تمر وشي خفيف واكيد بعدين راح يتعشون سوي 3 انواع سلطه او نوعين وخلي زوجك يقول للمطعم يسوي الكرش وملاحقاتها ايدام وحطيه على العشاء اهم شي سوي حلا بعد العشاء سوي حلا الكاسات هذي طريقه حلا روعه

اسهل من هذا ما أظن وطعم روعه وياخذ العقل صدقيني سويه وبيعجب الكل
ط1 بسكوت شاي مكسر مو ﻷزم مطحون بس كسريه بيدك + ربع كاس حليب سايل
واخلطيه بملعقه و وزعيه بالكاسات
ط2 في الخلاط 2 دريم ويب + 4 جبن كيري +1 قشطه + نص كاس حليب سايل
أخلطيه ووزعيه بالكاسات
ط3 في قدر على أنار ظرف كريم كراميل + بياله شاي ماء + بياله ونص فيمتو حركيه لمت يغلى وبعدين وزعيه وبلعافيه
وسوي حلا بصنيه وحطي فواكه وسويها سلطه فواكه
والله ييسرها لك
والله يعينك يارب دعواتك لي الله ينحفني 20 ك من دون شر عاجلا غير اجلا


الساعة الآن 03:37 .