ولكِ بالمثل ياغاليه
اشكرك على الدعوات الطيبات بظهر الغيب يعطيك العافية
بس حبيت افيدك بخصوص البن والقهوة .. امي دائما توصي ابوي يشتري بن افضل نوعية بالسوق بن هرري يمني .. يجيبه الوالد امي تحطه على المحمصه على النار او في صاج كبير وتحمصه ع النار الى ان يتحمص حسب اللون اللي تبينه .. تجلس احيان تآخذ كرسي وتحرك بالملعقه على نار هادية نصف ساعه او ساعه او ثلث ساعه فتره زمنيه معينه ثم تتركه الى ان يبرد وتطحنه بالطحانه .. تاخذ جزء منه تغليه بماء مغليه ثم تضيف في ثلاجة القهوه زنجبيل مبشور وقرفه وشوي يانسون وتطلع احلى قهوه .. وحتى القشر نفس الشي تحمصه ثم تطحنه بنفسها .. والله يااختي جربنا اللي يجي من السوق مطحون وجاهز الله يكرم النعمة تنكب القهوه مرررره مانستسيغها وماتنشرب ابد طعمها قديمه وتحميصتهم ربي يعلم بها !
حنا من زمان بطلنا ناخذ من برى .. امي الله يعطيها طول العمر ع الطاعه والعافيه هي تسويها بنفسها .. فأنصحك ياقلبي الله يعينك الشغله شوي متعبه لكن النتيجه مبهره راح تغنيك عن الجااااااهز اللي ماتدرين كيف مسوينه ..
كل ماتعبتي في تجهيز البن كل ماكانت القهوه الذ واطعم
بالتوفيق غلاتي
يارب أرزقني الجسم الرويان الممتليء صحة وعافية ولياقة ورشاقة
اقتباس مشاركة  (موزة مش مأكولة)
أختي بارك الله فيك ووين هذا بخور ال مسيب في جدة ؟ ولا جنيد هو محل أو بخور ووين موقعه السعر

مناسب شوي ياليت تساعديني وجزاك الله خيرا
هلا ياعسل بخور ال مسيب تلاقيه ممكن في محلات البخور العادية مو المحلات المشهورة مثل العربية هذي تبيع الانتاج الخاص بيها ،، وكمان في العربيات اللي تبيع المستكة والبخور،، ولهم محل في سوق الخاسكية المعروف في جدة اسمه ال مسيب وبالنسبة لسيد جنيد هذا اسم المحل في فرع لهم في الخاسكية وفي الاندلس مول وفي هيفاء مول


الساعة الآن 04:17 .