كيفكم يابنات حواء


وش رايكم نسوي ملف للأكلات الشعبيه اللي تعتبر تراث عندنا

وفي نفس الوقت مفيده وصحيه


يلا نبدا واللي عندها مشاركه تفيدنا فيها \



أبغى تفاعل يا بنات لا تطنشوني

أم وعودي

معقوله ولا وحده مرت على الموضع ولو حتى مرور الكرام

أفا ما هقيتها منكم



راح أبدأ بأول طبق وهو العصيده لكن بطريقه سهله وما تاخذ منكم مجهود

المقادير :

دقيق ( بر أو أبيض ) والمقدار حسب الكميه اللي بتسوينها

ماء للعجن لا تستغربون جايتكم بالطريقه

شوية ملح حسب الرغبه

الطريقه :

تعجنين عجينه عاديه زي عجينة القرص وتحطينها بكيس بلاستيك حق اللحم

وتكونين طابخه مرقه بالدجاج أو اللحم أو بالماجي والبهارات وأول ما تغلي المرقه

تحطين فيها الكيس اللي فيه العجينه يعني وسط القدر وتغطين القدر وتخلينه على النار لحد

ما يستوي اللحم أو الدجاج أو خليه ربع ساعه وبعدها طلعي الكيس وفكيه بتكون العصيده

استوت واكليها بالعافيه
أم وعودي
مسااااااااااااء الخير اختي ام وعودي

معليش على الرد المتأخر بس والله اول مره اشوف موضوعك هذا
وانا راح اكتب طبخة السليق لاني احبه مرررره .

السليق

المقادير ::
دجاجة
كأس رز مصري
2كأس حليب طازج
2ملعقة زبدة

الطريقة ::
تطبخ الدجاجة عادي مع بهارات وملح وماء .
يغسل الارز وينقع في ماء دافئ .
بعد استواء الدجاجة نخرجها من الماء وتدخل الفرن وتحمر .
يوضع الرز في الماء الذي استخرجنا منه الدجاجة ويكون الماء كثير ويترك على النار مع التقليب ولاكن الماء لا يتنشف وبعد ان تستوي حبة الارز نضيف له الحليب الطازج وترك على نار هادئة لمدة ساعة ونصف مع التقليب الى ان ينهرس الارز ويصبح ثقيل قليلا ثم نضع الزبدة فوق السليق..
وعند التقديم نضعه في صحن ويرش عليه قليلا من الليمون الاسود المطحون وقليل من الزبدة .
ويقدم مع الدجاج المحمر والسلطة الخاصة به .

مقادير السلطة ::

نصف حزمة بقدونس او اقل مع 2 حبة طماطم ونصف ليمون بالخلاط وتقدم باردة .

وصحتين وعافية.
اختي انا احب اشارك
البلاليط
المقادير كيس بلاليط بنزاني
اربع فناجيل سكر ملعقتين اكل زبده
هيل وزعفران 8بيضات
بصلتين شوي زيت
الطريقه
حطي جدر فيه ماي على النار لين يغلي عدل وحطي الزبد معاه
حطي البلاليط ما ياخذ غلوتين
واشخليه في الصفايه
والبلاليط في الصفايه حطي السكر والزعفران والهيل
في الجدر احمسي البصل وكسري عليه اربع بيضات مع ملح وفلفل اسود لين نشف حطي البلاليط ودخليه الفرن يسكر وجهزي اقراص البيض للوجه
وبالهنا والشفا
انا بقولكم عن الساقو بالمكسرات ...

كاسين سكر
هيل وزعفران
ملعقتين كبار سمن
شوية مكسرات
3 كؤوس ساقو ابيض منقوع في ماي ومغسول


الطريقة:

تحمرين السكر الى ان يذوب ويصير ذهبي الى احمر
وتصبين عليه كاسين ماي حار
تحركين شوي ..وتضيفين الزعفران والهيل المطحون وشوية سمن ..وتخلينهم على النار الى ان يذوب السكر كلش
تضيفين كاسين ماي زيادة الى ان يغلي تضيفين الساقو وتحركين بسرعه الى ان يغلظ القوام وتسكرينه وعند التقديم ترشينه بالمكسرات وشوية سمن اضافي


الساعة الآن 04:46 .