السلام عليكم ورحمة الله وبركاته


اخباركم ياااالغاليااات

انا خاطري بحلى اللى يتكون من طبقتين طبقة مهلبيه وفوقها جيلي

كل ماسويها ماتضبط معي

اسوي المهلبيه وبعد ماتبرد اسوي جيلي واصب على المهلبيه
طبقة مهلبيه تطلع بفوق ويخترب الشكل



الله يخليكم حد يعلمني عليه خاطري اضبطه
وراح ادعي لها

على العموووم انا دائما ادعي لكم
الله يسعدكم ويوفقكم دنيا واخره


اختكم// ام خالد


حبيبتي أم خالد انت سوي المهلبية شوي ثقيلة وخليها تبرد وبعدين سوي الجلي وخلي يبرد نسبيا قبل لا تحطينه على المهلية..
وهذي طريقة لمهليه للأخت xMo0oNx بس لاتسوين التغطيه حطي بدالها جلي، إن شاء الله تعجبج ياعمري ، والجلي معروفة طريقته..
[]

الطريقة هذى تراها وايد حلوة ولذيذة جدا جدا و مقاديرها متوفرة
المقادير:
4 اكواب حليب ( كل كوب ماء له 3 ملاعق حليب بودر مليانة )
5 ملاعق نشاء ( الذرة ) + فنجان سكر ( على حسب الرغبة )
ماء ورد أو فانيليا .
للتغطية :
باكيت دريم ويب + 1 علبة قشطة + فنجان شعرية نصف سلق ( بلاليط)
شراب الورد ( يجى فى غرشة مثل الفيمتو ولونة وردى غامق )
الطريقة :
يخلط الحليب مع السكر ويوضع على النار
يذوب النشاء ويسكب على الحليب ويحرك بسرعة
وقبل لايجمد يضاف ماء الورد أو الفانيليا
وتغرف فى الكاسات وتدخل الثلاجة.
التالى :
يخفق الدريم ويب + القشطة جيد ويضاف شراب الورد ربع فنجان ويخلط
الى ان يمتزج يضاف البلاليط ويحرك باحتراس ثم يصب على المحلبية
ويدخل الثلاجة لحين التقديم .

وإن شاء الله أكون أفدتج ياعمري..
مبارك عليكم الشهر الفضيل
هلا غرومه

تسلمين يااعمري والله يبارك في عمرج ياقلبي
انا اسوي المهلبيه اشوي ثقيله واخليها تبرد واسوي
جيلي فراوله وبعد اخليها يبرد ويوم احطهم فوق المهلبيه اتفاجاء
المهلبيه تطلع لفوق ويخترب الشكل

مااادري ليش ؟؟؟

على العموم مشكوره ياااعمري
انا بجرب طريقتك وان شاء الله تضبط معي

الله يوفقج ويسعدج مشكوره ياااالغاليه


اختج// ام خالد


حيا الله أم خالد.....حبيبتي يمكن المشكلة في طريقة السكب...

يعني لما تحطي الجلي....لازم تحطي تحته ملعقة أكل عادية...وتصبي فوقها ...

يعني ما تصبي على المهلبية مباشرة....صبي على الملعقة...ومنها ينزل على

المهلبية بهدوء وما يخرب الشكل ان شاء الله....

ويارب اكون افدتك بشي...وبالتوفيق
* سبحانك اللهم وبحمدك..أشهد أن لا إله إلا أنت ..أستغفرك وأتوب إليك*


الرجاء الرد من الأخوات فقط..
بلبونه


مشكوره على النصيحه ياااقلبي والله يعطيج الف عافيه
اكيد راح اجربها ويارب تضبط

الله يوفقج ويسعدج يااااعمري ويحقق كل ماافي خاطرج




الساعة الآن 05:17 .