أختي مرووج :
راح أحكي لك كل ايلي أعرفه بس ترى لاتطفشي لان الكلام كثيررررررر ...خخخخخخخ :39:
أنا بحملي الاول كنت أتابع في فقيه طول الشهور وولدت عندهم ..
وهذا ثاني حمل ,ونفس الشي أتابع عندهم , وناويه الولاده باذن الله كمان ..
وكل اخواتي وأقاربي هناك يولدو لانها بصراحه ممتازه من ناحية النظافه والدكاترة , والخياطه وكل شي والخدمات حقتهم .. وبالصراحه كل الدكاترة ممتاااااااازين ..
سواء كانت استشاريه او أخصاءيه ..
بس أنا مافكرت أروح ل عفاف النوري أو فاطمه العتيبي , لانهم دكاترة بمستشفى الجامعه بجده وفاتحين عيادات في فقيه , وأخاف لمن وقت الولاده يكون ضغط عليهم وماتجيني الا بالاخير .. رغم انهم ممتاااااازين ..

بس متابعتي عند الدكتورة سحر ملودي وهي استشاريه بس قمه من ناحية التاعمل , وممتازة واخلاق والله تحسي بالحنان معاها .. مو زي اي دكتورة , لكن دحين في اجازة وماتجي الا (1 شعبان) ..وحولتني على دكتورة اسمها (فاطمه عبدالله) استشاريه سعوديه جابوها بدل سحر (انتداب) يعني ..
وبالنسبه للدكاترة الثانين في (هدى زغلول , ايمان , أمل صفوت) كلهم ممتازين ..كمان ..
وانا راح أقول لك عن نظامهم في التوليد سواء لي ولأخواتي نفس الشي :
اذا رحتي يحطو لك التخطيط حق دقات الجنين على بطنك , ومحلول فيه ابره مهدئه , ولمن يصير الرحم (5)سم مفتوح , على طول يودوكي غرفة الولاده ويحطو لك الكمام وتستنشقيه , بس انتي اول مايحطوه حتى لو ضايقك لاتدفعيه لأ؟؟ بالعكس أشتنشقي وراح تحسي انك خلاص في عالم ثاني وجسمك زي المخدر ..وماتدري عن شي ..وطول الوقت جنبك دكتورة التخدير واقفه ..
بس بين فترة وفترة ممكن تفتحي عيونك بس ياااااااادوبك ماتسمعي الا همس الممرضات وكذا ماتقدري حتى ترفعي يدك من التخدير حق الاكسجين , والدكتورة طبعا رايحه جايه تشوف الرحم (بس انتي ماتحسي ابدااااا بيها ) ولمن خلاص ينفتح مره الرحم يعطو لك ابرة البنج في الوريد , وخلاص هي تسوي الباقي.
نزول الرأس والخياطه >>>هذا ابدااااا ابداااااا ماتحسي بيه ..
وخلاص أنا عن نفسي ما حسيت الا زوجي يحاول يصحيني ويقول لي مبروك جبتي ولد .. :icon28: :icon28: >>>زي الافلام الهنديه صح ؟؟ بس طبعا تبدئي تفوقي بعد ساعه ونص من الولاده .. تقريبا ..

وبالنسبه لابرة الظهر , بنت عمتي أخذتها هناك وبصراحه ممتااااااازة وماعانت منها ابدااا ..
بس أنا أشوف ان الوحده مالو داعي تجرب ابرة الظهر لان بصراحه الكمام يغنيكي في فقيه ..

ومن ناحية الاهتمام روووووووعه .. ولاخمسه نجووووم ...هههههه
على طول الممرضات رايحين جايين , وتدخلك الحمام وحتى تعرض عليكي انها تساعدك في الاستحمام >> بس طبعا انا أنكسفت وقلت لها لأ؟؟
وثاني يوم في الظهر تجيكي وحده ومعاها شنطه تجميل كبيرة وتسوي لك (بودي كير ) وسشوار ومعاها مكياج ..
غير كذا تجي وحده تسوي لك مساج وتدليك ..وطبعا البيبي أول مايخرجوه من بطنك .. رعايه فظيعه للاطفال ويصوروه بعد مايخرجوه من بطنك وبعد الاستحمام ويلبسوه (يصوروه صورة ويعطوها لك مكتوب عليها (اول صورة في حياتي ) ..


بالنسبه للحساب حق الحمل :
أنا كذا يحسبو لي الدكاترة ..
تزودي 14 يوم على أخر دورة ..
يعني انتي 8-1-1426آخر دورة وبالميلادي (17-2-2005)
معناه صار الحمل في 22-1-1426
وفي 22-7-1426 تخلصي السادس باذن الله ..
وفي 22 رمضان تدخلي التاسع وفي 22 شوال تخلصيه باذن الله ..
يعني انتي بحساب الاسابيع
أدخلي على الرابط هذا :
http://hala.freewebspace.com/birth.htm

فمعناه ايلي تأخذي عليه هو الحساب بالاشهر لانه أدق ..

~دااانه~

لا يكون دخلتي معاياه وانا اولد !!!!!!

انا مع دانه 100%

سحر اخلاقها عاليه والمستشفى اكثر من روعه

أطيب قلب :
ههههههه .. شكله أتقابلنا أكيد ؟؟
تصدقي الحمد لله بحملي هذا ماني شايله هم الولاده ابدااااااا ولاخايفه .. >>>شكلي بأحسد نفسي ..خخخخ

لاني جربتها والحمد لله موذاك الرعب زي مايحكو الناس .. يعني تعدي والحمد لله .. ولاماكان نحمل ثاني وثالث .. خخخخخخخ

اختي وصايف الله يعطيكي الف عافيه
والله يرزقك انشالله باخو لولدك زي القمر وخليلك ولدك الاول
""""""""""""""""""""""""""""""""""""""""
"""""""""""""""""""""""""""""""""""""""""
"""""""""""""""""""""""""""""""""""""""""""
"""""""""""""""""""""""""""""""""""""""""""""
""""""""""""""""""""""""""""""""""""""""""""""
دانه
يابعد عمري كفيتي وفيتي وتسلمين تعبتك بالكتابه صح
والله اني ميته من الخوف كل ماتذكر الولاده لاني جربتها مره وبغت تطلع روحي
ومن كثر مالناس تمدح فقيه قلت اولد هينا في جده لانه المفروض انه اروح عند اهلي بس الناس مدحولي فقيه والله اعلم
حبيبتي اللي اخذت ابرة الظهر متى اعطوها .. لمن فتح الرحم كم
لاني ناويه اخذها
وسحر ملودي دايما موجزده بالمستشفي وتجيكي بسرعه اذا طلبتيها
معليش حبيبتي كثرت عليكي الاسئله بس والله مومني من الخوف اللي مصيطر عليا
"""""""""""""""""""""""""""""""""""""""""""""
"""""""""""""""""""""""""""""""""""""""""""""""
"""""""""""""""""""""""""""""""""""""""""""""""""""
""""""""""""""""""""""""""""""""""""""""""""""""""""
"""""""""""""""""""""""""""""""""""""""""""""""""""""
اطيب قلب يعطيكي العافيه
وتره الاسئله كمان موجهه لكي ........ياويلك الله يعينك انتي كمان على كثر اسئلتي




ومشكورات حبيباتي

آآآآآآآآآآآآآآ مين يا مروج