السلام هلاااااااااا
انا اريد الاشتراك مع الشركه لكن متردده هل الاشتراك مربح ام متعب بدون فائده مع العلم ان الاشتراك غالي وان اريد اسوق للمكياج فقط بكم اعرض علبة المكياج احسن سعر وهل ابعيها بالحبه او كامله
اريد من المشتركات نصائح لوسمحتو
هلا أختي

أنا مشتركه بالشركه وشغلهم مربح وحلو...

وأنصحج ما تسوقين المكياج بس عندهم مستحضرات وايد حلوه ومطلوبه أقصد طبعا مستحضرات العنيه بالبشره اللوشنات والكريمات .... عندج مزيل رائحة العرق وايد يطلبونه ومرطب الشفايف .... مزيل مكياج العيون الشامبو والبلسم....
يعني كل مستحضرات العنايه بابشره والعنايه الشخصيه حلوه ومطلوبه .... طبعا غير المكياج أنصحج تاخذين الألوان اللي انتي تحسينها مطلوبه عند البنات...
طبعا اذا اشتركتي انتي تاخذين بسعر الجمله وتردين تبيعينه بالتجزئه ... وهم بيعطونج لائحه بأسعارهم والثانيه بالسعر اللي انتي تقدرين تبيعين فيه ...
يعني مثلا اللوشن المرطب انتي تاخينه ب 35 درهم وتردين تبيعينه ب 50 درهم تقريبا ...
الشادو اللون ب 32.5 تقريبا وتبيعينه ب 45 درهم...
وينباع ومطلوب أقولج هالشي عن تجربه ... من يومين كنت شاريه طلبيه ب 500 درهم حق ناس اول ما وصلت البيت كانوا عندنا ربيعات امي خذوهم واضطريت اييب طلبيه ثانيه...
لأي استفسار أنا حاضره أختي

واللي تبي تشترك بعد ممكن اساعدها وأسجلها بنفسي وأعطيها رقم الآي دي الخاص فيها للجادات فقط والراغبات في العمل بطموح.... وبعدين تبدأ تشتغل من أي مكان تحبه يعني أقرب فرع لها...

لكم مني أعذب تحيه
هل تقصدون شركة فور ايفر ليفينغر
او شركة فورايفر الامريكية
مشكوره على الرد
اقصد شركة فور ايفر ليفينغر هي تسوق عن طريق المندوبات وهل هي تختلف عن فور ايفر الموجوده في محلات المكياج
لو سمحتي اختي اماراتيه خليجيه كم الاشتراك بالمكياج و الكريمات
شركة فوريفر ليفينغ برودكتس الأمريكيه تختلف عن ميك آب فوريفر ....
أختي الاشتراك واحد ما يتغير بمجرد إنج تشتركين تقدرين تسوقين كل منتجاتهم بس أنا أللي قصدته انه تسويق الكريمات والمكياج وغيره من منتجات العنايه بالبشره والعنايه الشخصيه مطلوبه أكثر من الأدويه الطبيعيه...إلا إذا بتسوقينها لصيدلي أو دكتور يعني أنا أبتعد عن هالسوالف حق الناس العاديين خوفا من أي آثار جانبيه...مع إنها طبيعيه...
الاشتراك ب 100 درهم ويعطونج الكتالوجات وهني تقدرين تبدين التسويق عن طريق عرض الكتالوج على معارفج وأهلج وصديقاتج...
هذا في حالة بغيتي تبدين كموزعه بس...ويوم توصل مبيعاتج 1050 درهم تقدرين تبدين في بناء شبكة مسوقين تحت اسمج...
من السعوديه الاشتراك ب 100 ريال وشراء منتجات بقيمة 150 ريال يعني المجموع 250 ريال وتبدين كمسوقه...
وإذا حبيتي أساعدج أنا حاضره ...


الساعة الآن 04:26 .