السلام عليكم بنات
سويت كب كيك واريد ازينه بالتوفي وسويت نوعين نوع حطيت مي وسكر ووقشطة نقعتها بمي حار
والاخر فقط سكر وقشطة وزبدة والاثنين خربو تكفون ردو علي بسرعة اريد ارسلة لجارتي وعدته به اليوم باليل تكفون لاتفشلوني معها اريد طريقة صحيحة واريد نوع القدر المستخدم يعني تيفال او المنيوم او غير شي؟؟؟؟؟؟؟؟؟
جزاكم ربي خير
والله لدعي للي تنقذني
هذي طريقتي في عمل التوفي معتمدتنها من زمااااان
ولا قد خرب معي التوفي بيوم ولله الحمد ..دايم أسويه وأنا مطمئنة وواثقة من نجاحه..

حطي في قدر صغير ربع كوب ماي وخليه لحد ما يغلي زين...وبعدها حطي عليه كوب سكر وارفعي درجة الحرارة عليه ولا تحركية بملعقة بس يا دوب تحركي القدر يمين وشمال ...
بعد دقايق لمن يتغير لون السكر ويغمق ابدي حركي القدر عدل حتى يتحول كل السكر للون البني مب بس الأطراف وحذاري لا تخليه يحترق يطلع طعمه مب حلو بعدين
...
ولما يغمق السكر زين حطي عليه علبة قشطة وحركيه بالسلك الناعم بشكل سريع وضيفي ملعقة أو ملعقتين زبدة..وظلي اخلطي وهو على النار لحد ما تحسي أنه صار متجانس وبعدها استخدمية
إما سادة أو إذا حابه حطي معاه مكسرات مجروشة أو تقدري تحطي ملعقتين عسل حق النكهه
وبالعافية ,,,ربي يوفقك..


(( فقل حسبي الله لا إله إلا هو عليه توكلت وهو رب العرش الكريم))
بالنسبة للقدر عادي تقدري تستخدمي أي نوع تبي على راحتك


(( فقل حسبي الله لا إله إلا هو عليه توكلت وهو رب العرش الكريم))
حطي 3 فناجيل سكر في قدر تيفال وخليه لين يصير كاراميل وفي نفس الوقت حطي علبه اقشطه مع فنجال شاهي حليب سايل في قدر اخر وخليه لين يغلي وبعدين ابعدي الكاراميل من على النار شوي وحطي عليها القشطه مع التحريك المستمر ورجعيه على النار ثانيه مع التحريك وتكون النار هاديه شوي لين تتجانس وبس
بس انبهكي ادا حطيتي القشطه على السكر الكاراميل بيثور عليك لا تخافين شي عادي
سكر عالنار الين يصير ذهبي ويذوب اضافة الى ملعقة زبدة ثم نضع القشطة بس بعد مانرفعها من النار ونقلبها مضبوط


الساعة الآن 11:02 .