انا لي سنه وانا متضايقه من شي صارلي من اعز الناس

تكلمي ياااختي وان شاء الله نخفف عنك هنا كلنا اخوااات

توضي وصلي ركعتين واقري القران بذا سوره يوسف فيه صبر ورزق وقصص حلوه <<< او اي سوره من القران

^^^^^

وكل شي له حكمه والله يكون بعونك وقولي قصتك امكن فيه اللي يساعدك باذن الله

وسعي صدىك والدنيا متسوى حبيبتي
الله يوفقك ويشرح صدرك

قبل سنه في الاجازه كنت عند اهلي ... عندي توئم ولد وبنت كانوا يسهرون الليل كله وانا معهم وعالساعه سبع ثمان ينامون اخليهم بعدها مع الشغاله ... عند اهلي نفس النظام ماقدرت اعدلهم عمرهم سنه ونص .... بيت اهلي صغير الصاله بالوسط اللي يبي المطبخ لازم يمرها والحمام اعزكم الله يكشفها ... ابوي كبير في السن مايحب الشغالات ..... بعد ماصلى ابوي الفجر جاء ونام بالصاله كيف اسوي عيالي حبستهم في غرفه نايمين فيها عيالي الكبار والشغاله علشان مايزعجونه كنت امره اذا احتجت المطبخ ولا اغير لهم مع الوقت ملوا من الحبسه وصار ودهم يطلعون وانا اصلا تعبانه من السهر وعيوني ماقدر افتحها اغصبهم ينامون مايطيعون مصحصحين قاموا يبكون عند الباب بهدوء رحت بهم المطبخ سووا ازعاج ورجعتهم قامت الشغاله اصلا ماخليناها تنام من الازعاج استلمتهم عني بس ابي انام لو شوي اكسر عني التعب والارهاق طلعت الشغاله مره تجيب لهم ماء مره حليب مره حمام وانتوا بكرامه ابوي صحى وقام يصرخ انا ماقلت لك مابي اشوفها اقلعيها من وجهي ورقدي الصغار ازعجتوني ليه تخلينها تمر من قدامي ومن هالكلام قمت حبست الشغاله بالغرفه وطلعت مع الصغار بالحوش نصه شمس وربعه ظل وانا دايخه ابي انام تعبت تضايقت لعبوا لين نعسوا وناموا دخلت وحطيت راسي اللحين ضحى مدري وش كثر نمت الساعه كنها دقايق شوي الا واسمع اصوات آآآآه النايمين صحوا امي اختي وعيالها وعيالي الكبار اذن الظهر قمت غسلت وصليت وقعدت معهم بالصاله وانا هلكانه من التعب فيني صيحه مكبوته في صدري ... المهم قبلها دقيت على زوجي يجي ياخذنا استغرب لاني قلتله ابقعد يومين وانا لي يوم وليله ... جهزت اغراضي في الممر قبل الحوش جاء ابوي من المسجد شاف اغراضي دخل الصاله يضحك وانا جالسه منزله راسي والدموع في عيني احاول مااحد يشوفها قرب يبي يبوسني فهاللحظه انا مدري ليش وخرت براسي عنه الشيطان حركني مدري مستغربه من نفسي المهم دق جرس الباب وصل زوجي قمت البس عباتي وانا ماسكه نفسي علشان مااصيح امي واختي استغربوا وشفيكم علامكم وش صار اقعدي توك جايه ... بس ركبت السياره وانا اقعد اصيح مثل البزر ماقدرت امسك نفسي ليش صار كذا مدري زوجي تركني ماكلمني خلاني لين هديت بعدها قال اكيد سوالف عمي الله يهديه رجعت البيت نمت ارتحت اول الليل دق جوالي هلا ابوي والله يابنات سمعني كلام ماتوقعت اسمعه كنه من زمان ينتظر هاللحظه ... انا تعبان ماعاد ارتاح في بيتي تسهرون طول الليل وتنامون بالنهار اسمعي لاعاد اشوفك انتي وخواتك الا وجايبه مصروف عيالها معها انصدمت كلام كثييير قاله بس من الصدمه مااتذكر شي سكر الجوال في وجهي ... مامسكت نفسي بكيييييت بكيييت جاء زوجي سال وش فيني ماقدرت اقوله شي ماعلمته الا بعد مده .... ابوي متقاعد انا الوحيده من خواني وخواتي اذا جيت يديني مليانه شي اسويه من بيتي وشي من برا واغلب الاوقات اطلبلهم عشاء من برا اذا اجتمعنا امي وخواتي ... واذا زرتهم مااطول بالاجازه بالكثير اربع خمس ايام وفي المدرسه ويكند اروح ويكند لا ... ابوي فالاساس مايحب البنات يفرق بينا وبين خواني وحنا مطنشينه علشان امي مهما تكون الحرمه جامعيه يقول عقلها ناقص .... هذي الحقيقه من سنه صرت ازورهم بعد شهر بدون عيالي اخليهم بالبيت اروح اشوف امي العصر للمغرب وارجع واحيانا شهر ونص اذا اشتقت لامي اعزمها عندي يومين ...... قولولي عارفه اني غلطانه احس اني مشوشه دلوني كيف اعدل الوضع يشهد الله اني ماني زعلانه منه احبه اموت فيه بس كسرني بعيالي ارجووكم ابي حل؟؟؟؟؟؟؟؟؟

قبل سنه في الاجازه كنت عند اهلي ... عندي توئم ولد وبنت كانوا يسهرون الليل كله وانا معهم وعالساعه سبع ثمان ينامون اخليهم بعدها مع الشغاله ... عند اهلي نفس النظام ماقدرت اعدلهم عمرهم سنه ونص .... بيت اهلي صغير الصاله بالوسط اللي يبي المطبخ لازم يمرها والحمام اعزكم الله يكشفها ... ابوي كبير في السن مايحب الشغالات ..... بعد ماصلى ابوي الفجر جاء ونام بالصاله كيف اسوي عيالي حبستهم في غرفه نايمين فيها عيالي الكبار والشغاله علشان مايزعجونه كنت امره اذا احتجت المطبخ ولا اغير لهم مع الوقت ملوا من الحبسه وصار ودهم يطلعون وانا اصلا تعبانه من السهر وعيوني ماقدر افتحها اغصبهم ينامون مايطيعون مصحصحين قاموا يبكون عند الباب بهدوء رحت بهم المطبخ سووا ازعاج ورجعتهم قامت الشغاله اصلا ماخليناها تنام من الازعاج استلمتهم عني بس ابي انام لو شوي اكسر عني التعب والارهاق طلعت الشغاله مره تجيب لهم ماء مره حليب مره حمام وانتوا بكرامه ابوي صحى وقام يصرخ انا ماقلت لك مابي اشوفها اقلعيها من وجهي ورقدي الصغار ازعجتوني ليه تخلينها تمر من قدامي ومن هالكلام قمت حبست الشغاله بالغرفه وطلعت مع الصغار بالحوش نصه شمس وربعه ظل وانا دايخه ابي انام تعبت تضايقت لعبوا لين نعسوا وناموا دخلت وحطيت راسي اللحين ضحى مدري وش كثر نمت الساعه كنها دقايق شوي الا واسمع اصوات آآآآه النايمين صحوا امي اختي وعيالها وعيالي الكبار اذن الظهر قمت غسلت وصليت وقعدت معهم بالصاله وانا هلكانه من التعب فيني صيحه مكبوته في صدري ... المهم قبلها دقيت على زوجي يجي ياخذنا استغرب لاني قلتله ابقعد يومين وانا لي يوم وليله ... جهزت اغراضي في الممر قبل الحوش جاء ابوي من المسجد شاف اغراضي دخل الصاله يضحك وانا جالسه منزله راسي والدموع في عيني احاول مااحد يشوفها قرب يبي يبوسني فهاللحظه انا مدري ليش وخرت براسي عنه الشيطان حركني مدري مستغربه من نفسي المهم دق جرس الباب وصل زوجي قمت البس عباتي وانا ماسكه نفسي علشان مااصيح امي واختي استغربوا وشفيكم علامكم وش صار اقعدي توك جايه ... بس ركبت السياره وانا اقعد اصيح مثل البزر ماقدرت امسك نفسي ليش صار كذا مدري زوجي تركني ماكلمني خلاني لين هديت بعدها قال اكيد سوالف عمي الله يهديه رجعت البيت نمت ارتحت اول الليل دق جوالي هلا ابوي والله يابنات سمعني كلام ماتوقعت اسمعه كنه من زمان ينتظر هاللحظه ... انا تعبان ماعاد ارتاح في بيتي تسهرون طول الليل وتنامون بالنهار اسمعي لاعاد اشوفك انتي وخواتك الا وجايبه مصروف عيالها معها انصدمت كلام كثييير قاله بس من الصدمه مااتذكر شي سكر الجوال في وجهي ... مامسكت نفسي بكيييييت بكيييت جاء زوجي سال وش فيني ماقدرت اقوله شي ماعلمته الا بعد مده .... ابوي متقاعد انا الوحيده من خواني وخواتي اذا جيت يديني مليانه شي اسويه من بيتي وشي من برا واغلب الاوقات اطلبلهم عشاء من برا اذا اجتمعنا امي وخواتي ... واذا زرتهم مااطول بالاجازه بالكثير اربع خمس ايام وفي المدرسه ويكند اروح ويكند لا ... ابوي فالاساس مايحب البنات يفرق بينا وبين خواني وحنا مطنشينه علشان امي مهما تكون الحرمه جامعيه يقول عقلها ناقص .... هذي الحقيقه من سنه صرت ازورهم بعد شهر بدون عيالي اخليهم بالبيت اروح اشوف امي العصر للمغرب وارجع واحيانا شهر ونص اذا اشتقت لامي اعزمها عندي يومين ...... قولولي عارفه اني غلطانه احس اني مشوشه دلوني كيف اعدل الوضع يشهد الله اني ماني زعلانه منه احبه اموت فيه بس كسرني بعيالي ارجووكم ابي حل؟؟؟؟؟؟؟؟؟