سلام بنات
كيفكم
حبيت طبعا قولكم انا انسانه ماعرف المطبخ نادرا مادخل اطبخ وطبعا اليوم دخلت القسسسم ونا مصره اتعلم الطبخ والسبب اني سمعت كلام يغث من زوجه ابوي سمعتهاتكلم اختها وانا ماررره تقول مايعرفون للطبخ رفلات بالذات فلانه تقصدني مع اني والله اهتم بنظافه ملابسي ودولابسي واستحمامي بس للاسف المطبخ ابد ماااعرف اطبخ ولا لي خبره بهالشي وامي متوفيه الله يرحمها وماعندي من يعلمني وهي اصلا بعمرها ماقالت تعالي اعلمك او تساعدني بشي وانا مافكرت فيها ولا بكلامها علي بس ودي اتعلم للطبخ لانو اصلا ببالي هالشي من زمان ولما سمعت كلامها عزمت وقررت
ابي تعلموني وش اتعلم بالطبخ لاني ماعرف لشي لا لشاهي ولا لقهوه ابي كل شي على اصوله ابي اعلمها من الرفلاء واسوي اطيب الماكولات واحرهاااااا
ابي اتفنن وابيكم تساعددوني من وين ابدا وش تعلم ساعدني ياليت تكون المقادير بسيطه لاني اعاني من المقادير بعض الاكلات تجي مقاديرها كثيره تهدر الميزانيه بقوه
19-07-1433 هـ, 01:13 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رفع ان شاء الله البنات يفيدوك جربي تسوى صينية التوست بالتونه سهله وحلوه تلقيها بالمنتدي
19-07-1433 هـ, 01:26 صباحاً
 
انصحك غاليتي بكتاب اطباق النخبة ممتااااااااااااز وبيعلمك كل شي باسهل الطرق
19-07-1433 هـ, 01:37 صباحاً
 
ابدئي اول شي بالاساسيات مثل قهوة وشاهي كبسة وحلويات مكرونه ادخلي ع النت شوفي كيف ادخلي ع اليوتب شوفي طبخ منال العالم....انتي طوووري من نفسك حتى لو فشلتي حاووولي اكثر......مو لازم زوجة ابوك تعلمك احرصي ع نفسك وطوريها....راح تتزجين ان شاء واكيد بتدخلييين المطبخ...

بالتووفيق ي قلبي
19-07-1433 هـ, 01:40 صباحاً
 
الله يكون بعونك وان شاء الله ترفعين الطبخ وتكونين احلى طباخه

اتنا اقول سوي صينيه كرات البطاطس بالدجاج حلو وخفيفه

طريقتها
تسلقين بطاطس
مويه + ملح شوي+كمون شوي

اتركيه يسلق
وصدور دجاج اسلقيها بدون اي شي

وقطعي بصل صغار وطماط حطيه على النار حركيه وجيبي فلفل رومي قطعيه صغار وحركيهم بعدين تبليهم
بالملح والتوابل اللي تبين

هنا يكون الدجاج استوا
طلعيه خليه يبرد شوي
بعدين نتفيه وحطيه على البصل والطماط
وحركيهم الين يتسبك واتركيه على نار هاديه
والبطاطس بعد مايستوي
طلعيه واهرسيه وحطي جبن سايل بس لاتكثيرين
يمكن 3 الى 4 ملاعق كبار
بعد ماتخلطين الجبن والبطاطس
كوريهم كور صغار
وجيبي صينيه بايركس
حطي الدجاج بعد مايستوي زين
وحطي فوقه كور البطاطس
واخلطي علبه قشطه مع 3 ملاعق كبار جبن سايل
وحطيه عليه

جيبي شوي جبن مبشور
وسماق لزينه
دخليه الفرن من تحت
ثم من فوق
بعد ماتتحمر
قدميها مع الخبزز وبالعااافيه عليكم

واتمنى وصفتي تعجبك
19-07-1433 هـ, 01:46 صباحاً
 


الساعة الآن 10:37 .