السلام عليكم ورحمة الله وبركاته
حبيت اعمل مشروع مشغل صغير في بيتي لأن عندي دور ثالث وأكثر غرفه فاضية وتشطيبة حلو ورائع ومناسب لعمل مثل هذه المشاريع.
رأس المال 15000 ريال.
أحتاج لثلاث كوفيرات وخياطة أو ثنتين.
الموقع في بيتي وهو داخل حاره سكنية .
احتاج معرفة :
هل رأس المال كافي؟
هل عدد العاملات كافي؟
وما هي أفضل عمالة للكوفيرات والخياطات؟
هل احتاج إجراءات حكومية والا اسكت واشغل المشروع في بيتي؟وهل ستلاحقني اجراءات قانونية في هذه الحالة؟
ماهي الادوات اللي احتاجها في البداية؟

أرجو منكم مساعدتي في هذه الاستفسارات .
غداً يوم جديد
حرام عليكممممممممممممممممم
كيف ولا واحدة ردت عليه والله مستغربة
الله يسامحكم
غداً يوم جديد
اختي الـ15 الف حق شنو ؟؟
حق المواد والمعدات .. ولا حق الفيز .. ولا حق تكلفة قدوم العاملات ..ولا حق تاثيث سكن والمعيشه حق العاملات .. ولا رواتب العاملات في السنه الاولى لان بعض الاشهر انت تدفعين رواتبهم كامله من جيبج .. ولا حق الفواتير الكهرب والتلفون و اجرائات الترخيص اللي تعور الراس واللوحه الاعلانيه وغيره زايد مصاريف تتفاجئين بها وما تتوقعينها لان والله هذا اللي تذكرته واللي ماجاء على بالي اعظم

نصيحتي

اذا عندج خبره بالكوافيره ابدي بنفسج اول وبعدين لما تثبتين وجودج و تكونين زباين ويكون عندج فلوس تستاهل تجيبين عماله
اما اذا ماعندج خبره وراس المال 15 الف فقط فللاسف مشرووع فااااااشل
لان مشروع مثل هذا يبي راس مال وخبره ولا بيلعبون عمالتج بالناس و انت تتفرجين ولاتقدرين تتصرفين

شوفي اختي اذا انت فعلا ماعندج خبره فوالله راح تتعبين بشكل ما تتصورينه لانج تفتقرين لاهم مقومات نجاح المشغل اللي هم الخبره والمال
اما اذا عندج خبره فشي طيب بس مثل ماقلت لج ابدي انت اول . خصوصا ان الموقع ملك وهذا افضل شي ذكرتيه مراح تتعبين كثير وهو راح يكون البدايه الناجحه
واتمنى التوفيق لج اختي
مرحبا ختيه

يمكن انا ما اقدر اساعدج ذاك الزود بس عندي اقتراحات ممكن تساعدج


مب شرط تيبين العاملات من بلادهن لانه تكلفتهن بتكون اكثر ,,, يعني اول شي تذاكرهن والفيز والفحص هذا يكلف لكل وحده اكثر من 5000 درهم

فافضل شي انج تيبينهن من المنطقه اللي انتي فيها ويفضل انها على كفالة زوجها او حد من هلها اضمن لج وما يحتاي توفريلها سكن واكل وتخافين اذا بتشرد او شي

وانتي المبلغ اللي حاطتنه بسيط شوي ,,, يعني اذا انتي الغرف اللي بتسوين فيهن مأثثه فشي طيب اما اذا محتاجه اثاث لا تبالغين حطي اشياء بسيطه والاشياء الرئيسية ووممكن تبدين تخلين غرفة للخياطة وغرفة يكون فيها كامل الاجهزة اللي بتحتاجينه للكوافيرة

يعني ممكن تحطين مرايتين مع كراسيهن وتكون للاستشوار والتسريحات والمكياج ,, وتحطين مثلا جهاز واحد لحمام الزيت واشياء بسيطه في البداية


وإن شاء الله بعد ما تشوفين اقبال عليه تقدرين تزيدين الخدمات والأغراض
اقترح عليك ان تستقدمي خياطة واحده فقط وجربي حظك ولا تدوخين نفسك بأشياء رسمية خلي شغلك منزلي ولن يلحقك أي مخالفة نظامية أبداً

ولكن ولكي تستقدمي الخياطة لن يسمح لك إلا اذا كان لديك محل او سجل تجاري وللحيلوله دون ذلك استقدميها على انها شغاله او مربيه او طباخة ،، اهم شيء تشرطين على مكتب الإستقدام انها تجيد الخياطه 100% والأفضل هو ان تطلبي من اي شخص قريب لك وله سفر لدول شرق اسيا وخاصة الفبين ان يختارها من هناك بعناية ويجري عليها اختبار.

وبعد ان تتم هذه الخطوه وتجدي اقبال كبير حينها استقدمي اخرى وثالثة وكوافيره وغيره.

ومتى ما كان العمل يحقق ربح كبير حينها افتتحي مشغلاً رسمياً وبالتوفيق


الساعة الآن 08:02 .