راعيت زوجي بس في الاخير نفسي بدت تلومني

السلام عليكم

بنات حواء الغاليات

حابه استشيركم

الحين زواج حماتي ان شاء الله الاسبوع الجاي

والست شريطه قرررت انها ماتشتري ولاتفصل

ليش

لاني متزوجه من سنتين و9 شهور

ويوم جيت اقضي ماخليت فستان

شريت 3 من غير فستان الخطبه من غير فستان جاني هديده تقولون مابزيد انزل السوق ولا من كثر الزواجات اللي بحضرها

مالكم في الطويله ، هذي الفساتين اندفنت في الدولاب

بس اثنين اللي لبستها والباقي والله انه بس قياس

فقلت بما اني ماسبق ولبست هالاثنين واحد فخم والثاني ناعم قلت بلبس الفخم

بس المشكله اني يوم جا الحين وقرب موعد الزواج قام بطني يمغصني هٍْـٌَِْ?:P?ـٌَِْعٌِ.

والله افكر اقول الحين بروح بلاقي الحريم بترتر وتيفاتي وحركات جديده

وانا بفستاني تل ومشغول ولونه ابيض وفيه تركواز اهيء اهيء

حسيت اني قديييييييمه

لكن ظروف زوجي ماتسمح ازيد عليه هم فستان مديون لا راسه

وينزلي حافز بس انه رحت تعالجت بها للحمل وراحت كلها مصاريف مستشفيات الحمدلله

وفكرت قلت ليه اشتري فستان بهذيك القيمه واخرته في الدولاب مع هذي الاثنين اللي ما انلبست وكلها 4 ساعات

يعني فكرت في ظروف زوجي وفي انه العلاج اولى من انه اشتري فستان

صراحة زوجي ماقصر وداني السوق بس ماشريت غير كم بلوزه وتنوره قلت بستفيد منها اكثر من الفستان والفستان عندي

زوجي انبسط وقال والله كبررتي بعيني

بس وش اسوي مع ذا المغص والخرعه اليي جتني فجأه خخخخخخ

من جد كأني رايحه اختبار

بس باقي في مناسبتين بعد العيد ان شاء الله. لبنت حماتي ولبنت خالتي ببطل علاج هذا الشهر ورمضان واجمع الفلوس اشري لي بها فساتين مترتره خخخخخخخ

عطوني رايكم في فكرتي

هل انا كذا عملت صح ولا كان المفروض اضغط زوجي واشتري فستان ؟

عادي انه احضر بفستان موديله من كم سنه ولا كان المفروض اغيره ؟