Analysis Services
مساءالخير بنات
حبيت أذكر لكم تجربتى للفائده لانى قبل حسسسست وأنا أبحث بالنت
المهم بتكلم باختصار شديد عشان ماأطول عليكم

أنا بحثت كثير بالنت عن الليزك للعيون لان هذى عيون مولعبه أبي دكتور شااااااااااطر
وبنفس الوقت مليت من العدسات والنظارات وشوفى جدا ضغيف
بعد البحث أستقريت على مستشفى الحرس الوطنى بالرياض قسم العيادات الخارجيه لان دكاتره العيون بعد البحث عنهم كلهم شاطرين
فا أتصلت وأخذت موعد وأصلا أنا ماعندى ملف عندهم بس سويتها على حسابي
وقالى لازم تتركين العدسات أسبوع قبل الكشف ورحت لهم وسوو لى كشوفات كثييرررره وبالنهايه دخلت على الدكتور عبدالعزيز الحواس و سوى لى الكشف النهائي وسألنى أذا أنا أستخدم العدسات كثير قلت لا بس برى البيت
قال تمام بكرى العمليه وفعلا جيتهم وكانت العمليه جدا سهله تقريبآ عشر دقايق ولبسنى الدكتور عدسات يقول هذى مثل الضماد على العين وأعطانى موعد مراجعه بعد 5 أيام رحت للبيت كان فيه ألم خفييييف والعيون تدمع يومين بس وبعدها عادى وكمان لبست نظارات شمسيه وأعطانى قطرات ومرهم ومنعنى من العطور والروائح القويه مثلالكلوركس وبعد قال لايجى المويا عيونك وكنت أمسح خفيف للوضوء و اليوم الخامس رحت للدكتور وشال العدسات وشفت تماااااااااااااااام ولا ألم ولاشئ وبعدنزلت النظارات الشمسيه وقال ممنوع العطور والمكياج لعشر أيام
وأعطانى موعد بعد شهر وبس

والنتيجه وااااااااو وياليتنى مسويه الليزك من زمااااااااااااااان
أنا بالرياض والعمليه كلفت مع الكشوفات 5800 ريال
26-07-1433 هـ, 02:48 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
بالبركه عند اي دكتور
وايش نوع العمليه
وطول الكشف بعدالعمليه؟
والكشف بكم الله يهنيك يارب
26-07-1433 هـ, 02:55 مساءً
 
جزاك الله خير على الافاده
26-07-1433 هـ, 02:58 مساءً
 
جزاك الله خيرا

أختي ودها تسويها بس محتارة في المستشفى

أخذت موعد في النخبة ولسى مترددة
26-07-1433 هـ, 03:06 مساءً
 
طيب ياختي كم جلس حجز الموعد كم جلستي من يوم تنتظرين
طيب لازم اروح لهم احجز
ان كان فية رابط اعطينياها لاني ناويةرالسوي العملية
ومشكورة الله يجزاك خير
26-07-1433 هـ, 03:15 مساءً
 


الساعة الآن 08:44 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏