اليوم كيكتنا غييييير شكل على قول السوريين << سماجه صح هههههههه
و هي : * كـب كــيـك الجـزر بـكـريمـة الجبنة *
هاذي الكيكه لو امدح فيها لسنيييين ما يكفي و لا يوفي لانو بصراحه طعمها مميز و يذوووب بالفم :32:
و هي تنباع في محلات منش للكيك بس ابدااااا مو زي اللي تسويه الشيفة سكررة :cook:
و كل من ذاقها طلب طريقتها و صحبتي سوتها لاهلها و اتجننووو عليها و امي تعششق ذي الكيكه
بمنعى الكلمة ..
يلا بلا كلام كثير و نبدأ بوصفة الكيكة القميلة
كب كيك الجزر ..
المقادير :
3 بيضات + م.ص فانيليا
3/4 كوب زيت
1 كوب سكر
1. 1/2 كوب دقيق
2 م.ص بيكنج بودر
2 م.ص قرفة مطحونة
3/4 م.ص ملح
2 كوب جزر مبشور (تقريبا 5 حبات وسط )
(و زي منتو ملاحظين مستخدمة صحون بلاستيك لانها اوفر و على طول بعد ما اخلص ارميها )
الطريقة:
تضعي اوراق الكب في الصينية تقريبا يكفي 16 حبة كب كيك كبير ..
اولا تخلطي المقادير الجافة مع بعض في صحن الملح و الدقيق و البيكنج بودر و القرفة و اتركيهم ..
تخفقي البيض و السكر و الزيت و الفانيليا مع بعض حنى ينفشو و تطلع فقاعات ..
تضيفي نصف خليط الدقيق بعد نخلهم و تخفقي شوية ..
بعدين تاخذي ملعقتين من خليط الدقيق و تخلطيهم مع الجزر عشان الجزر ما يترسب الجزر تحت ..
اضيفي باقي الدقيق ..
و دحين اضيفي نصف الجزر المبشور ..
يـــــــــــتبـــــع لا احد يرد بليز ..
و هنا وضعت الخليط على الصينية و قبل دي الخطوة انا شخصيا اسخن الفرن على درجه 160 لانو
اطول في ذي العمليه ..
و دخلتو الفرن تقريبا 25 دقيقة او لما تشوفيه نضج ..
و دحين نروح لطريقة كريمة الجبنة ..
المقادير :
جبنة فيلادلفيا 300 غرام ( اقل من نصف العلبة )
كوبين سكر بودرة ناعم
م.ص فانيليا
ذرة ملح
نص م.ص عصير ليمون
اصبع زبدة ( اقل من نصف الاصبع )
الطريقة :
تخفقي الجبنة و الزبدة مع بعض حتى يصبح خليط لونو بيج بعدين تضيفي السكر البودرة بالتدريج
و باقي المقادير و تخفقي حتى تصير كريمة بيضاء ناعمة المفروض ادخلها الثلاجة عشان تبرد
الكريمة بس نسيت
و هنا لما جهزت الكريمة و طلعت الكب كيك و حطيتو في صحن بعد ما برد ..
و حطيت الكريمة في كيس نايلون و قصيتو من الطرف و زينت بيه الكب كيك و الصورة واضحة بس
للأسف ساحت شوية الكريمة ..
و هنا زينتها بالسكر ملون لون اخضر و برتقالي على لون الجزر ..
شوفو كيف هشة من جوه جناااااااااان ..
و هنا لما قدمتو لمامي ..
و هذا الصحن طلعناه للجيران عشان ادونا كب كيك في نفس الصحن ..
و بالهناء و العافيه .. و القادم اجمل ان شاء الله
لا تنسونا من الدعاء ..