sososayma @sososayma
عضوة فعالة
الله على كل ظالم .. قال : سلبت عقلي.. هي الأنوثة .. اليوم يبكي يبغاني أرجع له
السلام عليكم و رحمة الله
أبغى أحكي لكم قصتي للعبرة ، حتى يطمئن قلب كل مظلومة و تعرف أن الله فوق كل ظالم عاجلا أم أجلا.
قصتي بدأت منذ تقريبا خمس سنوات . كنت مخطوبة لشاب و ألحق يقال أنه كان وسيم لدرجة ... و غير وسامته ما عنده شي .. كان جذاب و سمعته عال العال والكل يعتقد أنه إنسان رائع لآن المظاهر كذابة.
و ما أبغى أمدح في نفسي و لا أذمها و لكن كان على حد علمي يعجبه شكلي. المهم
قضيت وياه سنة و نصف مخطوبين ، و كنا بنتزوج بعد أربع أشهر
في الأول كان طاير في طيران
و آخر فترة أصبح لا يرد على الهاتف
و يتعذر مشغول بالعمل .. مشغول بكذا ..
قلبي كان حاسس إنه متغير ..
و في يوم من الأيام بطل يرد على الهاتف و لا يشوفني !
حسبت صار له شي أتصلت عند أمه قالت لي لحظة و أسمعها تناديه و تخآنق.. و رجعت للهاتف و قالت لي نايم
بعثت له رسالة قلت له شوف أنا ما أبغى أكلم أهلي و أهلك و أكبر السالفة إذا تبغى تقول شيء قول ..
تم مطنش كذا أسابيع و أنا صابرة و ما أبغى اضايق أهلي بالموضوع و أقول يمكن مشغول يمكن عليه ضغط
و في يوم من الأيام كنت رايحة مكان مع رفيجتي و أشوفه طالع السيارة مع واحدة :(
بغيت أموت :(
الله لا يوريكم انهرت في السيارة و أصيح رفيجتي تسكتني
سكتت و رديت البيت و بعد ما صحت زين بعثت مسج قلت له أنا كنت في المكان الفلاني ... و شفت وحدة وياك
و ضغط عليه و هنا إنهار
و إعترف
بس يا ليت إعترف و سكت ...
سألته ليش قام يوصفها
يوصف جمالها و أنوثتها و إغراءها
قال لي هي تقطر أنوثة .. أنتي باردة
:(
(لأني ما كنت أعطيه شي و ما أتجاوب و إياه )
و أنا مب باردة جنسيا بس كنا أول شي مخطوبين و ثاني شي كنت أستحي منه
و قال لي هي تعرف تغريني :( و تعرف تسوي كذا و كذا
و قال كلام كثير يجرح و أنا ساكتة و آخر شي قلت له يعني تبغى نفسخ كل شي قال هي أنا ما أقدر أعيش بدونها أموت في الأرض إلي تمشي عليها
ااااااااه
و هنا الصدمة أسمع صوت واحدة تقول يا بعد قلبي يعني جالسة وياه و هو يكلمني حتى يسمعها أنه قال لي خلاص ( و يعني دارية أنه خاطب و بيتزوج بعد أشهر )
قلت له الله يهنيك و إن شاء الله تكون بنت حلال و تملا عينك و سكرت و نفس اليوم بعثت الخاتم و أهلي و أهله و كل الناس تسأل و قلت أني ما تفاهمت و إياه .. و طبعا بطل العرس و كل الناس اللي كانو معزومين يسألون ويش فيه بس أنا سآآآآآآآآآكته
تميت أكثر من سنة مصدومة ثقتي في نفسي أصبحت عدمممممممم و رفضت خطابين كثار بعده و كنت ناوية ما أتزوج خلاص ..
كملت الدراسة و بعدين الله رزقني بأحلى إنسان في الدنيا رجل مثقف وسيم محبوب لطيف ذكي خفيف دم عاقل سوي كامل و الكمال لله
و الله ثم و الله إني أشكر الله و أحمده أنه الثاني صار معاه كذا لأنه خلالي فرصة إني أتخطب لحبيبي و كتبنا كتابنا و ما شاء الله إنسان سوي ما عنده حركات
المضحك :)
أنه بعد سنوات من ذلك اليوم كنت جالسة على النت و جاني إيميل من واحدة تقول لي أنا فلانة .. هي نفسها البنت اللي كان يكلمها .. :)
قلت تفضلي ؟ صارت تترجاني أسامحها قلت لها يا بنت الحلال أنا نسيت الموضوع و عايشة أحلى عيشة و مرتبطة و حياتي كاملة ما شاء الله
تقول أنه تزوجها بعد ضغط من أهلها بس أهله ما كانو قابلين و تم الطلاق في ظرف سنة اللهم لا شماتة
كان يضربها كل يوم و سكب عليها ماء سخن أحرق نصف وجهها و دخل السجن فترة قصيرة لأنه على حسب القانون معذور بحكم أنه عمل ها الشيء لأنه مسكها مع واحد أصغر منه في نادي ليلي :) (ما أدري ويش كان يتوقع يعني)
و أخذ مهرها على أساس بيساعده في قضاء ديونه و إشترى به سيارة جديدة
وما جاب بيت و لا قاعد في شغله إتقلع في ظرف سنة .
قالت حظك حلو أنك خلصتي منه ... قلت أدري :)
و للحين تبعث لي و في أغلب الاوقات أتجاهلها.. و للحين تطلع مع الرجاجيل بدون زواج و لا حتى خطبة.........
و الشاب إتصل بعد ما عرفت القصة منها و سكرت في وجهه فبعث لي إيميل يقول قريت الكلام الي قالته فلانة هذي تبي تخرب بيني و بينك عاد أنا ضحكت من قلب و ما كنت أبغى أرد بس لما قال هالكلمة رديت تخرب إيش ؟ في شي بيني و بينك و أنا ما أدري؟ قال أنا دوم أتكلم عنك و أقول لها إني ندمان و أنك أحسن منها و و و و و بطلق و برآويك ورقة الطلاق و وعد مني أنا تغيرت قلت له أنا لو ما كنت مرتبطة ما أفكر فيك كيف و أنا ألحين مخطوبة و فستان زواجي عند المشغل انصدمممم إتصل مرة ثانية و مرة أخرى سكرت في وجهه رجع بعث إيميل يسأل كيف ليش و من ذا الكلام و ما تلاقين حد يحبك مثل ما أنا حبيتك هههه وش عنده ذا رديت عليه عنده الرجولة :) و يا ليت ما ترد و لا أشوف منك رسالة أو إيميل أو أي محاولة إتصال
رد بعث لي قال لي أنتي ألحين زعلانة (بعد خمس سنين زعلانة) و صدقيني أنا ندمان و هي سوت لي سحر و ما كنت أحس شي و ما كنت أحبها و و و .. و تم يجي كل يوم في نصف الطريق اللي أمر منه فغيرت الطريق .. و قلت لخطيبي و قال لي إذا رجع كلمك أعطيني التلفون و خليني أنا أرد عليه ، و إتصل بعد كم يوم فأول ما شفت خطيبي أعطيته التلفون و رد دق عليه و قاله بكل برود إنه إذا دق علي مرة ثانية بيروح فيها و صار يتأسف و يقول له إنه كان شاكك إنها كذبة مني.. يعني اتغنج عليه مثلا قاله خطيبي خليني أشوفك و بيروح منك الشك و بيصير علم يقين هههههههههههه يا الله تبهذل بهذله و لليوم تجيني إيميلات إنجليزي مكسر على إيميلي على أساس عروض عمل ههههههه عروض عمل و أنا ما قدمت مطلب يا زين حظي ..
المهم القصة و ما فيها أنه يا بنات الله يمهل و لا يهمل حتى لو مرت سنوات ... لو بعد مئة سنة الله بياخذ حقك و بينصرك على ظالمينك .. و الله ما شامته فيه و لا فيها و لو أني في البداية كنت أضحك و أشمت من قلب بس ألحين لا .. نسيت كل شي و حسيت إني أخذت حقي و زيادة و الحمد لله
فلو فيكم واحدة اليوم مقهورة و حاسة بظلم.. أدري أنك اليوم ما تشوفين أي أمل من الدنيا بس تذكري أن الله كبير :)
103
16K
يلزم عليك تسجيل الدخول أولًا لكتابة تعليق.
وعليكم السلام ورحمة الله وبركاته
احب اسمع قصص مشرقة مثل قصتك
الله ينصرني على من ضلمني آآآآآآآآآآمين
احب اسمع قصص مشرقة مثل قصتك
الله ينصرني على من ضلمني آآآآآآآآآآمين
الصفحة الأخيرة
ان الله مع الصابرين
وحسبنا الله ونعم الوكيل
وشكرا لك