تبين الصراحه انتي الي مسببه المشاكل
و اخذيها درس
لا تسالين وين رايح وين جاي طلع معشي اهله بكيفه
هذا شي ما يخصك لا تدخلين نفسك و تخلقين مشاكل
لا تلاحقينه وين راح وين جا شيسوي
فكي راسك هذا باب المشاكل
تبين تعيشين حياه هاديه ابتعدي عن الاسئله الي مالها معنى هذه نصيحه نصحها ابوي لي و ماشيه عليها
و ياما ناس تطلقوا و طفشوا ازواجهم بسبب الاسئله الي مالها معنى و تجيب المشاكل
و طوله اللسان تجيب الهم قصري لسانك و اذا شفتي شي ما عجبك سكتي و فكري بعقل بعدين ناقشي

برأيي

الغلط راكبكم الاثنين

اكبر غلطه سويتوها دخلتوا اهلك بهواشاتكم

عزيزتي الاهل مايتدخلون الا بالهوشات الكبار
اما على سالفة احترمني ماتحترمني طويل لسانك ولسانك قصير هالشي اهلك ايش بيسوون اذا تدخلوا اكثر شي يسوونه يكلمونكم وبس

والكلام انتوا الاثنين تقدرون تتفاهمون فيه بدون تدخل من احد اتوقع انكم كبار وفاهمين وتعرفون شلون تتناقشون
ومن عذره ابوك يقفل بوجهه مسخت مو كل شوي زوجك يدق على امك ولا على ابوك عشان يوصلك

يدق عليك مارديتي خلاص مو يروح لامك وابوك وبعدين يروح لعمك حتى عمك ماسلم ؟؟!!

وهو غلط كثير لما قال لامك زوجك مو رجل يحمد ربه ان اهلك مافصلوك عنه بأي حق يقول لامك كذا ويقول على ابوك هالحكي هذا بمثابة ابوه

بصراحه وعلى بلاطه احس حركاتكم حركات مراهقه وما كانكم مستعدين للحياة الزوجيه وانتي تبين تدخلين نفسك بكل امور حياته

الرجل مايحب يحس ان زوجته او الي بيتزوجها تدخل نفسها فيه بسرعه انتي مفروض بتفكير ورواق وبدون مايحس تدخلين بحياته لكن مو بصيغة اسئلة وتحقيق واوامر

الرجال اغلبهم كذا

احس تصرفاتك عفويه وانفعاليه مباشره ماتفكرين قبل ماتسوين الشي وتقولينه

فكري براسك قبل ماتطلع بلسانك وافعالك

بالنسبه لزوجك مفروض يروح يحب راس ابوك وامك

تتفاهمين انتي وياه بدون انفعال ورمي تهم على بعض وبهدوء ورواقه

وتقولين له مايكلم اهلك الا بالشي القوي والمصايب الله يبعدها عنكم

بالنسبه لتقلباته افضل حل جربته انا اني اسكت واداري انفعاليته واهدي الوضع بعدين اذا روق وهدا اتناقش وياه

وحبه حبه بتلاقينه تغير

الله يوفقكم

عزيزتي مشاكلكم بسيطه لو تفكرين فيها بالعقل

اصبري لما تروحين بيته ساعتها بتشوفين المشاكل اللي جد

فلا تخلين اشياء بسيطه مثل هذي تأثر عليكم واستغلي هاللحظات بانك تقربينه منك اكثر مو تنفرينه منك

الله يسخركم لبعض ويسعدكم