السمبوسة ادهنيها بزيت من الجهتين مسحة خفيفة وحطي الصاج ع نار واطية خليه يسخن مضبوط وامسحيه بزيت مسحه خفيفة بطرف منديل وحطي السمبوسة لين تتحمر واقلبيها وبعدها اكتميها بحافظة او بكيس عادي تطلع روووووعة كنها مقلي جربيها قبل رمضان واحكمي تراها اطعم من حق الفرن بكثيييير الصاج لا تدهنيه الا بأول دفعة فقط وخلي ع نار واطية ماياخذ معك الا دقايق وبالتوفيق
02-08-1433 هـ, 01:56 صباحاً
 
اقتباس مشاركة  (وله الاماني)


كيفكم يالغوالي
عندي كم سؤال وابي منكم تجاوبوني عليهااا
..

السوال الاول
ناويه برمضان ابعد عن القلي لاني حامل وتعرفون الحموضه والحرقان تجي بالذات من المقالي
واهل بيتي يحبون السنبوسك مره
وابي احطها بالفرن
بس بعرف وشلون اخليها لينه يعني ماتطلع يابسه
كنها مقليه
ابي طرقكم تكفوون
وهل في جهاز ممكن اسويهااا فيه غير فرن الكهرب
(اول ماتطلعينه من الفرن دخليه في حافظه فيه مناديل واكتميه هذي سنبوستي المفضله في رمضان ماحب المقليه لا وبعد بعض الاحيان اعصر عليه ليمون قبل اكتمه وربي يطلع طعمه وريحته تجنن مثل المطبق )
...
ثاني سوال
انا سمعت وقريت عن جهاز اسمه
جهاز الجوزيه خمسه في واحد
كيف جربتوه حلو او لاااا
وكم سعره تقريبااا
وكيف المعجنات تلصق فيه مثل الدونات
....
(ماجربتها صراحه لكن سمعة وحده تمدحه وناويه هي تشتريها عني ماعتقد بشتريها لاني ماحب لا المعمول ولا الجوزيه ولا الاشياء الى مثل كذا )


وثالث سوال
زوجي يجب الشربه الحب
مايحب الشوفان

بس تتعبني سوتهااا يعني تاخذ حول ساعتين علبال تستوى وتروب

ابي طرق تختصر علي الوقت بالشربه
هل انقع كميه بمويه حاره الين تلين الحبه
وبعدين اوزعهااا باكياس وافرزهااا ؟؟؟؟؟


..
(شوفي انا ماعرف ولا قد ذقة شوربة الحب لكن انا اعرف وحده تسوي كشنة الشوربه بكميه كبيرها وتقسمها في اكياس وتحطه بالفريز وكل ماحتاجة تطلع وتطبخ وعلى طول بدل الممواعين والريحه توفر وقت وجهد )

هاه حبيباتي ابي حلول تنفعني وتنفع اي وحده غيري
لاتبخلون علي
ربي يسعدكم دنيا واخره
02-08-1433 هـ, 02:38 صباحاً
 
ايه اختي بعد ممكن تحطين السمبوسه في اله اشوايه
الى مثل حقة التوست لكن هي شوايه
يطلع شكل السمبوسه مره حلو تكون مفححه عشان شكله
02-08-1433 هـ, 02:40 صباحاً
 
زي ماقالوا البنات بعد ماتحمرينها بالفرن اكتميها بحافظه وتحتها مناديل او ورق الزيت بتطلع لينه وطعمه

اما الشوربه قدر الضغط يختصر لك الوقت

الله يبلغنا واياكم رمضان وحنا باتتم الصحه والعافيه
02-08-1433 هـ, 03:59 صباحاً
 
الله يخليكم يارب
طرقكم نفعتني كثير
ماقصرتم ..

طيب اللي عندها الة الجوزيه بكم اشتريتيها ؟؟

والشروبه الحب مو لازم تقليب كل شوي
وشلون احطها بقدر الضغط ؟؟
اخاف تنحرق <<<
02-08-1433 هـ, 10:04 صباحاً
 


الساعة الآن 12:04 .