السلام عليكم ..

أخواني طالبة منكم طلب ..

أمي تقول لي اسألي الكويتيات اللي معاش في المنتدى عن طريقة المموش

امي نفسها في المموش تعرف من ايش يتكون ..عشان تسويه لنا ..

إذا ممكن لا تبخلوون عليها ...
15-07-1426 هـ, 09:02 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
هلا يا الغالية ياغالي والطلب مموش!!
شوفي اولا اهو عبارة عن الماش الاخضر. وموجود بالجمعيات صوب العدس والبقوليات الناشفة. اقولك طريقتي انا وامي ويمكن في بنات يحطون لك طرق ثانية بس لا تحاتين كل الطرق تؤدي الى روما ...... قصدي للمموش.
تغسلين الماش وتحددين الكمية اللى تبينها وكتجربة حطي قد بيالة صغير او اكثر . واسلقيها بالماي وانا اضيف مكعب ماجى وفلفل بارد وملح طبعا . الى ان يستوي ياخذ من ربع لنص ساعة, تقدرين تمسكن حبة الماش وتهرسينها بايدك اذا ذابت وصارت لينة خلاص يكون الماش استوى. تكبسين الرز عليه. وتتركينه الى ان ينضج عادي.وتقدمينه مع الروب وبالهنا والشفا
15-07-1426 هـ, 09:50 مساءً
 
هلا اختي مشكووورة جزااك الله ألف خير ..

أسألة أمي لك ..

تقول لك تخلط الرز بماااي الماش ؟!!
والرز مو مغلي قبل يعني مو محطوط في ماي على النار حتى يصير لين ؟!!
والماش يكون تحت الطنجرة والرز فوقه ؟؟! وله نخلط الماش والرز مع بعض ثم نضعهم على النار ؟!!


ولكِ ألف ألف تحية ... ومشكووورة مرة ثانية .. .
17-07-1426 هـ, 01:25 صباحاً
 
هلا قولي لامك الرز بس تغسله وتكته على ماي الماش والماش يكون موجود بالجدر ما تطلعه يعني تكبس الرز عليه. واهما راح يختلطون مع بعض .... عرفتي قصدي يعني احسبي حسابك ان الماي اللى تصبينه للماش يكفي الماش والرز مع بعض....... واي اسئلة انا حاضرة
17-07-1426 هـ, 12:05 مساءً
 
والبحرينيات ما ينفع ؟؟؟؟

عموما


احنا نسوية مموش على روبيان يابس والله ان الطعم عذاب
17-07-1426 هـ, 11:42 مساءً
 


الساعة الآن 05:21 .