هلا حبوبة بنت كيفان .. اها فهمت عليك .. خلاص اقول لها .. يعطيش العافية هذي كانت اسألتها ..


هلا غناتي ام حسين .. ينفع ينفع .. خلاص قولي طريقتش وانا رااح أخبرها ..
يعني الروبيان يكون حِلى يعني زي السمك الحلى اللي يحطوا فيه ملح وييبسووه في الشمس ؟!! <<<<<<<<< وصف انتكه خخخخ


مشكورررين عزيزاتي على المشااركة وتعليمي أأأأأأأقصد تعليم أمي المموش خخخخخ
18-07-1426 هـ, 03:56 مساءً
 
هلا حبيبتي والله شهيتيني على المموش

اذا ممكن بس اقول لك طريقتي

تجيبن الماش وحبتة مثل اللوبة ولونها اخضر صغييرررررررره يا اذا حبيتي تغسلينها وتنقعينها في ماي وبعدين تسلقينها أو على طول تطبخينها (طبعا نص سلقه ) براحتش ( امي الله يحفظها تحط لنا اللوبه ما ادري شتسمونه اليي فيه عيون سودة تحطه بدل الماش شي فظييييييييييييييييع )

وفي قدر ثاني تفرمين بصل وثوم وتحمصينه مثل المجبوس وتضيف عليه طماطم مقطعه صغار وفلفل حار وشوية فليفله وبهارات وماجي وممكن ربيان طازج وتخلطهم شوي مثل المجبوس وشوية أعشاب مثل سبنت وكزبرة (تابل) وبعدين تضيف ماء ولما يغلي تضيف باقي الماش والعيش المنقووووع وتسويه مثل الجبوس

وممكن مثل ما قالت أم حسين تاخذين الربيان المجفف وتغسلينه وتنقعينه في ماي قبل لا تشتغلين وبعدين تكملين الطبخ بنفس الخطوات

وذبحيني على مموش وي دقوووووووووووووس حااااااااار ولومي حرام عليش شهيتيني بشتري لي لوبه وبسوي لي باجر خخخخخخخخخ

وبالعافيه وسلمي على الوالده

ونسيت اخبرش ان في ناس يحطون خضرة مثلجه في الحماص بس شخصيا ما أحبه
18-07-1426 هـ, 06:17 مساءً
 
حلوة طريقتك ام فيصل شهيتيني ...... باسويها باكر ان شاءالله عالغدا.
18-07-1426 هـ, 09:43 مساءً
 
اني اللي سعاابيلي ( ريريي ) خخخخخ بطييييح الحين من فمي ..

والله اشتهيتها .. تسلمين عزيزتي أم فيصل .. الله يسلمك وتقول لك تسلمين ..

تقول لييي اطبعيها لينا خلينا نجرب .. شكلها كل يوم بتسوي طريقة وحده فيكم ..



تسلمووووووون ماتقصروووون حبايب قلبي ..
19-07-1426 هـ, 02:30 صباحاً
 
هلا اختي chord ابي اعطيج طريقة الموش على اصوله وكل الي اكل منه عندي ارد مره ثانيه وقولي سويلنه موش يعني تخصص بس ركزي معاي لانه دوخه اشوي
المقادير وكلها على حسب الكميه الي انتي تبينها يعني على البركه:
ربيان يابس
عيش
ماش
طماطه وحده صغيره مو تكثرين من الطمام
بصل مقطع مكعبات صغيره
بهارات ملح ليمون اسود
ماء
الطريقه :
انتبهي معاي على طريقة عمل ربيان هني سر طعم ونكها
اول شي نقي ربيان ونضفه عدل من شوائب وتحاولين انج اتشيلين القشر ربيان عن طريق فركه بيدج مع بعض وبعد تنظيف نحطه بجدر ونسلقه شوي وبعدين تشخلينه من الماء ناخذ الربيان وبالهاون الي نطق فيه الثوم ونطق ربيان لحد مايتفت معاج موايد تفتتينه خلي قطع من الربيان ظاهره خلي ربيان على جنب الحين حطي البصل بمقلات على نار وخليه من غير زيت طريقه مهمه جدا جدا خليه لحد ماينشف معاج وصير بالمقلات لون بني مثل الكراميل وبعدين صبي عليه قليل جدا من الماي وحركي راح يطلع معاج لون بني وكرري هذا حركه كذا مره يعني كل ماينشف الماء ويعطي لون بني حطي ماء وكريري لين اصير البصل لونه بني بس مو محترق يعني لون مقبول وبعدين حطي ربيان وحطي زيت وطماطم وبهارات وحمسيه عدل وحطي فلفل حار اذا بقيتي وحطي ثوم مدقوق وليمون اسود مطحون وحمسيه عدل وحطي ملح حسب رقبه راح اصير لون ربيان بني على ذهبي يعني لون اشهي عاد طريقه انتي ورقبتج يا اتحطين كل حميست ربيان او اتشيلين شويه وتحطينها فوق العيش مثل الحشو ادري انج مافهمتي نقطه هذي الحين افهمج بعدين اتحطين ماء على حميست ربيان وتخلينها يقلي وتحطين العيش وتحطين الماش وتكونين ناقعته بماء قبلها بوقت وتحطين ملح حق ماء سلق العيش بس لازم تضوقينه يعني على حسب رقبتج وتسكرن الجدر وتخلينه يتخدر انا قتلج على ربيان انج تشيلن شوي يعني قبل لا تحطين الماء على ربيان تشيلن شوي منه وبس تحطين العيش ويشرب الماء وقبل لا يتخدر تحطينه على وجه العيش على جنب وتسكرين القدر وتخلينه يتخدر عدل وتقدمينه مع دقوس والصبار هذا هذي طريقة الموش الكويتي على اصوله ترى مو صعبه بس كلام وايد واسهل منه مافيه وسريع بتحضير بس كلام وايد عشان تسوينه صح ولا اتقولين عطتني شي قلط واذا تبين طريقة الصبار انا حاظره وسامحيني على القصور
19-07-1426 هـ, 03:45 صباحاً
 


الساعة الآن 11:14 .