السلام عليكم ورحمة الله
حبيابتي بدون مقدمات انا متزوجه لي سنتين ونص ماربي رزقني بحمل
في البدايه كشفت وكان عندي هرمون حليب واخذت ادويه وزوجي طلع عنده صديد واخذ مضاد وبعد فتره اعتدل هرمون الحليب وزوجي اكتشفنا معه دوالي ونصحه الدكتور حمود الصفيان بتلقيح صناعي استغلال للوقت
رفضنا وفكرنا نسوي عملية الدوالي رحنا للدكتور محمد الشمري في عيادة دوالي وكانت مكلفه استخرنا وماتيسر العمليه
بدا زوجي ياخذ خلطة العسل من وادي النحل ومن حريم يعالجون طبعا مو باستمرار فتره ويترك
وكثير حريم يعالجون انصوني مايسوي العمليه
المهم قررنا نبدا في مركز ذريه تلقيح صناعي
حجزت بدليه شهر جماد الاخر/6 عند الدكتوره هدى ابو شامه وقالت لي على يعض التحاليل اسويها وقت الدوره
اضطريت اسافر وجاتتني الدوره وانا خارج الرياض وسويت التحاليل بمستوصف واخذت النتليج
رجعت للرياض وزرت الدكتوره وطمناني ان كل تحاليلي سليمه الحمد لله
قالت مانبي نستعجل فالتلقيح بنبدأ خطوه خطوه
قلت اوك بدأت في حساب ايام التبويض ومتابعة البويضه عن طريق الاشعه في اليوم الرابع عشر من بداية الدوره قالتلي اليوم البويضه في فتره نضج خلاص يتم الجماع لثلاث ايام متتاليه
ركزوا حبيباتي
(قالت بس رحمك فيه ميلان شوي لازم لك وضعيه معينه اللي هي وضع السجود وبعدها اضم رجولي بنفس الوضعيه خمس دقايق
بعدها انام هلى بطني خمس دقايق
بعدها انام ع الجنب اليسار نص ساغه(لان البويضه المستعده للتلقيح فاليسار)
وبعدهل انام على الجنب اليمين نص ساعه)
بديت في الوضعيه ثلاث ايام متتاليه وكررناها بعد كذا
والله لاحظت شي غريب كنت بالوضعيات الثانيه ينكب موية الرجل برا وهالوضعيه ولا قطره
طبعا التزمنا الصدقه كنا نلف الساعه 2بعز الشمس نوزع ع العماله مويه وعصير ولبن
الله يكتب لنا الاجر حبيت اذكرها لارياء ولا سمعه بس عشان تعرفون وش كثر حولنا محتاجين وباوقات معينه يمكن ربي يفتح لنا ابواب الخير لو استغليناها وفكرنا فيها
المهم جلست انتظر دورتي
وافكر اقول للدكتووره ببدأ تلقيح هالشهر مستعجله
كان المفترض دورتي في 7/22 رجب قبله بيومين كالعاده بديت احس بالمها اسفل بطني
وتممر الايام ولا نزلت 22-23-24-25
طبعا 26هو موعد دورتي الاساسي هي تقدم اربعه ايام
كل هالايام والالم بيقطع بطني وكل شوي اروح الحمام احسها نزلت
في يوم 26طرا علي اسوي تحليل منزلي
والله اول ماسويته بينت خطين واضحه
طبعا فرحتي لاتوصف مشاعر متلخبطه ابكي واضحك وادعي وارجف واسجد ....
قلت لازم اتأكد رحت المستشفى سويت تحليل دم وفعلا طلعت النتيجه ايجابيه
الله لايحرم هالاخساس وهالفرحه لاي بنت واي محرومه بهالدنياااا
حبيباتي لاتيأسون يمكن يكون السبب بسيط ووضعيه معينه وحنا ماندري
جربوا وتوكلوا على ربي. والصدقه الصدقه
والله كان زوجي متحطم وبحس انه ماراح يخلف ابد
بس رحمة ربي واسعه
حاليا لي شهر واسبوع
ماحبيت احرمكم من تجربتي
واي استفسار انا حاضره ودعواتكن ربي يتمم لي ويحفظه لي ويجمعني فيه بعد تسعه اشهر سليم معافى
يلزم عليك تسجيل الدخول أولًا لكتابة تعليق.
ماشاء الله الله يبارك لك ويقومك بالسلامه انتي والبيبي
بس عندي سوال اخذتي منشطات قبل التلقيح ؟
بس عندي سوال اخذتي منشطات قبل التلقيح ؟
الصفحة الأخيرة
الله يتمم لك ولي وكل بنات المسسلمين على خيرر ..