رفع

بيلسان

ماافكر بإبرة الظهر أبدا لأن لها أضرار بعد الولادة وكمان مؤلمة جدا .. اتحمل الم الولادة بدل ماتحمل ألمها :(

تسلمي

حبيباااااتي لييييه الخوف دا كله

لا تسمعوا لتهاويل الحريم كل وحده تختلف عن التانيه مو بس كدا لا كل حمل يفرق عن التاني
لا تشيلوا هم كل شي بتيسيييير من رب العالمين

حبيباتي انا ما اقول مافي الم بس مو لدرجه الرعب الي انتو عايشينه الحمد لله الان كل سبل لراحه وتخفيف الالم متوفره

مافكرتوا كيف كانو زماااان الوحده تولد الصبح وبعد الظهر تقوم بخدمة نفسها وبيتها



اسمعوا كلامي ولا تقروا حكاوي الولادات ولا تسمعوا للي حولكم
ولا تقولوا لاحد عن موعد ولادتكم لان الناس حتهلكم بالسوال الي يوتر كل حامل على وجه ولاده لسه ماولدتي

من قال لك ان ابره الظهر منها مخاطر

ابدا مامنها شي

المستشفيات الحكوميه متل العسكري وغيرها تعطيها


ثقافه الرعب عندنا ماراح تتغير

قالو ابره الظهر تسبب شلل وصداع ووفاهومدري شنووو


وكل شي بامر ربي

انا بكيرة بالاسبوع التاني من التاسع واكيد خايفة زيكم مرره بس ماححس بالخوف صح الا وقت الجد دحين احنا تقريبا على عمانا ..

واستفدت حاجات كتيره من النت .. عن تجارب بنات بالتجمعات والقروبات ..

اول شيء ابرة الظهر ابدا مو مرتاحتلها الم الولادة الطبيعيه مجرد تولدي ترجعي فله شمعه منوره *_^

لكن ابرة الظهر يجلس الم ضهرك يلازمك 4 شهور غير مخاطرها غير انو ماتقدري تدفعي وبرضو الاستخاره اهم شيء ..

تصدقو انو للان محتاره فين اولد ؟؟

_________________

المهم بقولكم ايش استفدت من النت .. من تجاااااااارب ..

وانا دايمن ادور الحاجات اللي ماليها ضررر يعني ان مافادت ماضرت مااحب اغامر وببطني في روح ونونو بنتظرو بفارغ الصبر .. يارب اشوف بنتي سليمه يارب وافرح فيها وانتو وجميع البنوتات الحوامل يارب ..

1- دلكي حلمة صدرك بزيت زيتون لمدة 2-3 ساعات دلكة الحلمى اليمنى وبعد ربع ساعة انتقلي لليسرى وارجعي لليمنى وهكزا .. :)

الفائدة .. (( ينفتح الرحم الصدر يرسل شيء للرحم يفتحو << انا بالشرح مو شيء هههههههههه )) وطبعا وحدة جربتها بتجمعنا وقالتلنا عليها الله يجزاها الف خير ..

2- وقت مايفتح الرحم 3 سم شمي حلتيته واشربي خروع بالفواكه تللاقي بالصيدلية بس الخروع لاتاخدوه الا بعد ماايفتح الرحم عشان مايسببلك طلق عالفاضي والرحم مقفل وكدا حتضري جنينك..
والحلتيته يابنات مرره تفتح الرحم شوفت تجارب كتيره ونصحت وحدة فيها بتجمعنا وشمتها وولدت وبرضو ان ماافادت ماضرت .. بس برضو بعد مايفتح رحمك 3 سم .. لانو لو الرحم مقفل ماحتفيد ابد ..

3- بعد ماتروحي المستشفى وتوصلي ورحمك فاتح 3 او 4 حاولي بأي طريقة تستفرغي .. بس لاتعملوها بالبيت عشان ماينزل عليكم النونو بالبيت وتتورطو ..
هدي الطريقة قالت عليها وحدة برضو بالتجمع وتقول قالتلها هيا داية وحملت 3 مرراات وكل ماينفتح الرحم عندها 3 او 4 تستفرغ يسير 8 بسرعه (( ماشاءءالله )) ..
وانا شوفت تجربة لماما بااختي اكلت واستفرغت بالبيت وخرج راس اختي عليها بالبيت بس ماكونت افكر من الاستفراغ طلع السر الاستفراغ ..

4- من بداية الشهر التاسع جماع وخلي زوجك ينزل جوا ولاتغسلي عشان يبقا السائل جوتك لانو في مادة بالسائل تفتح الرحم نفس المادة اللي بتحاميل فتح الرحم .. انا للان موقفه جماع من الالم بس من بكرا ببدء واتحمل باذن الله ..

5- رطب - موية زمزم مقري فيها ورد الولادة مرررره مهم ورد الولادة وسهل لكتيرررررر اعرفهم اشربي وامسحي بطنك .. + عسل طبيعي .. ( من بداية الشهر التاسع الين تحسي بالطلق يعني جهزيهم بشنطة المستشفى ) .. والدعاء والاستغفار والصلاة عالنبي والصدقه ..

6- تمارين جلسة القرفصاء عشان ينزل راس النونو بالحوض ..

حبيت افيدكم بللي جمعتو خلال جلستي عالنت 24 ساعه واستفيد من البنات الله يجزاهم الف خير ..

ادعولي ربي يسهلي ولادتي ويطمني ع بنوتي واشوفها بصحة وسلامة وربي يسهلكم يارب ويطمنكم على اطفالكم ..