يا جماعة انا عندي مخ ومش عارفة اعملة ازاي كل مرة بيطلع شارب زيت وطعمة كدا مش حلو انا نفسي اعرف طرق عمل المخ وخاصة المقلي ويكون كدا مقرمش وطعمة لذيذ وكمان ياريت طريقة قلي الكبدة علشان بردة نفس الحكاية بحس فيها بطعم الخروف يعني ريحة فذة كدا وتكون مشربة زيت مش زي الي بتتباع في السوق حلوة ومقرمشة

انا اسفة للاطالة
16-07-1426 هـ, 03:51 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اتفضلى وكل الاكل اللى بتسئلى عليها موجودة فى الاجزاء اللى فى توقيعى



المخ البانية
مخ مسلوق _ملح _ فلفل _بيض مضروب_دقيق _ بقسماط ناعم ._سمن

الطريقة :
نقطع المخ اما قطع صغيرة او شرائح
نضع المخ فى الدقيق حيغطية وبعدين نحطة فى البيض و بعدين فى البقسماط
نضع السمن فى مقلاية بس يكونالسمن غزير يعنى كتير و نحمر المخ

و بالهنا و الشفا
17-07-1426 هـ, 03:06 مساءً
 
الكبدة المحمرة
نص كيلو كبدة _ملح _فلفل _عصير ليمون _ سمن للتحمير

خلى الجزار يعطيكى الكبدة متقطعة شرائح وتبليها بالملح و الفلفل وعصير الليمون
و سيبيها شوية فى التتبيلة
نضع السمن فى مقلاية ولما تقدح

احمر الكبدة الاول مرة على الوش الاول و مرةعلى الوش التانى

وبعدين حطى عليها شوية فى شوية ماء لحد ما تستوى

و بالهنا والشفا
17-07-1426 هـ, 03:07 مساءً
 
الكبدة بالفلفل و الطماطم
نص كيلو كبدة _ملح _فلفل _فلفلة رومى كبيرة _بصلة كبيرة _طماطماية كبيرة
معلقة زيت او سمن _ معلقةصغيرة خل .فصين ثوم.
نقطع الكبدة قطع صغيرة و كذلك الفلفل و البصل و الطماطم .
نضع السمن فى حلة و نشوح فيها البصل و الفلفل و فصين الثوم لحد مايصفروا
ثم نضع الطماطم و الخل و نقلب

ثم نضع الكبدة و نقلب نقلب لحد ما تاخدلون محمر
اضع ربع كوب فى ربع كوب ماء لحد ماتستوى و يكون فيها صوص بنى.
و بالهنا و الشفا
17-07-1426 هـ, 03:10 مساءً
 
متشكرة جدا جدا علي سرعة الرد انا اول مرة اعرف ان الكبدة والمخ بتتحمر في السمنة علي علمي انها بتتحمر في الزيت علي العموم في السمنة اكيد هتطلع احلي هجربها بكرة واقولكم

مشششششششششكورة جدا يا دون يا عسل نفسي اكون شاطرة كدا وعندي اطباق منوعه زيكم بس انا بحاول اخد من هنا وصفة ومن هناك طريقة ووالله كل الي بجربة لغاية دلوقتي جوزي بينهبل عليه
والسلام للجميع
17-07-1426 هـ, 03:36 مساءً
 


الساعة الآن 06:36 .