كـــنت ع ــانسس يوؤمــا مــآآ..

السلام عليكم ورحمه الله وبركاته

اليوم اول مرة اكتب فيها شي خاص عني بمنتدى عام

لكن حبيت الكل يستفيد من قصتي وما ييأس من رحمة ربي

الله يسلمكم أنا جامعية وحلوة وشيــاكه >> و مو بس هذي الأسباب تخلينا نتزوج

و اجتماعيه درجة اولى

والامهات يعرفوني قبل البنات والجدات يحبوني قبل البنات اللي بعمري

اتقدمولي كثيررر بس مايصير نصيب

لعلمكم انا ما كنت ارفض ابدا اي احد يجيني

لكن ابوي كان يشوف فيهم شي ما يناسب

اما مايشتغل او يعرف عنه شئ :ohmy:

اتزوجو كل اخواتي اللي قبلي

واتخطبت اختي اللي اصغر مني بأربــــــــع سنــوات

مرا كان نفسي اتزوج بس ماكنت اتفرغ لهذا التفكير

كنت اشغل نفسي بوظيفتي

وأحاول اسوي علاقات مع بنات عمري وافلهــا بحياتي

و ما أنــسى اقولكم اني كنت اقوم الليل ووادعي ربنا يرزقنا الزوج الصالح

وكنت مداومة على سورة البقرة بس ماكنت افكر ليش و احاول ما أحــزن

اليـــن عديت الــ 25

بيني وبينكم قربــت أوصل لمرحلــة اني اشيل فكرة الزواج من بالي

و بجد ما مرة فتره على هذي الفكرة -وكنت ادعي ربي يحميني ويحفظني ويعينني - الا و اتخطبت واتزوجت ماشاء الله والحمــدلله

دحين انا متزوجه ومتغربه مع زوجي و مشتاقه لحياتي المهنيه و لأهلي

>> مايعجبنا شي

بنــــات لو قد ايش اتــأخر زواجــك لا تيأسي أبدا

ولا تركزي تفكيرك على شي مو بيدك تتعبي عالفاضي

و حاولي تجمعي فيك الصفات اللي تأهلك للزواج

وهيا مجموعه في قوله صلى الله عليه وسلم : تنكح المرأة لأربع لمالها ولحسبها ولجمالها ولدينها فاظفر بذات الدين تربت يداك )

حاولي قد ما تقدري انك تتوظفي وظيفه مرموقه
وحافظي على جمالك انتبهي لوزنك ولبشرتك ولشكلك بشكل عام لاتهمليه ابدا
ودينك ثم دينك ثم دينك

و عليك بالدعاء في اخر الليل و الصدقه الاستغفار وقراءة سورة البقره


أسأل الله الحي القيوم ان يرزقنا جميعا كل ما نتمناه .