الحقينى باى حاجه ليها علاقة برمضان انا هبقى عروسة جديده والبيه عايز يورى اصحابه المدام شاطرة وبتعرف تطبخ
يعنى مثلا لو فى عزومة ايه الاصناف اللى ممكن اعملها فى يوم واحد؟؟؟ مع العلم هم ملهومش فى المكرونات قوى والسلطات بياكلو منها كانهم بيشربو مية بالزبط
يعنى مثلا لو عندى 3 ايام عزايم مثلا يعنى
اول يوم اطبخ فيه ايه وتانى يوم ايه وتالت يوم ايه وايه اللى ينفع اجهزه من بللليل؟
وطبعا حفظ الخضار فى الفريزر مستنياه
معلش طماعه بقى بس اختك هتكون مزنوقة ومفيش ماما ولا غيره تساعدها

رواء الشوفان اللى هو الشعير المنخول
جهزى الخضار قبل رمضان وضعية فى الثلاجة

البسلة

فصصى البسلة واسلقيها فى ماء مغلى لمدة 3 دقايق ثم شيليها وضعيها فى مصفاة واشطفيها بالماء البارد لحد ما تبرد وحطيها فى الاكياس النايلون النظيفة




الجزر

اكشطى الجزر بالسكينة و اغسلية وقطعية اما اصابع طويلة رفيعة او حلقات واسلقية فى ماء مغلى لمدة 3 – 5 دقايق ثم شيليه وضعيه فى مصفاة واشطفيه بالماء البارد لحد ما يبرد وحطيه فى الاكياس النايلون النظيفة







الفاصوليا الخضراء


شيلى طرفين الفاصوليا الرفيعين ثم قطعى الفاصوليا بالسكينة بالورب والطول حسب ما بتحبى و واسلقيها فى ماء مغلى لمدة 3 دقايق ثم شيليها وضعيها فى مصفاة واشطفيها بالماء البارد لحد ما تبرد وعبيها فى الاكياس النايلون النظيفة



السبانخ

ياريت لو تكون طازة مرعرعة اغسليها كويس وضعيها فى المصفاة لحد ما تصفى مايتها ثم قطعيها بالسكينة (خرطيها).اسلقيها فى ماء مغلى يادوب مغطيها بس لمدة 3 دقايق وبعدين تشيليها وتبرديها بالماء بسرعة وتضعيها فى المصفاة علشان تتصفى كويس من مايتها وقبل ما تعبيها فى الاكياس اضغطى عليها برضة بأيدك علشان مايبقاش فيها ماء خالص





الملوخية
اغسلى الملوخية كويس وقطفيها وافرشيها على جرنال فى الشمس علشان تنشف ثم خرطيها بالمخرطة المخصوصة بالملوخية (اظن كلكم عارفينها اللى عاملة زى القارب ) نضع عليها من 3 ل 4 معالق كبيرة اما ماء او شوربة وقلبيها كويس يعنى كأنك بتفكيها ثم تعبى فى اكياس وتبططيها بأيدك علشان تبقى زى الاكياس اللى بنشتريها او ممكن فى علب بلاستيك

ملحوظة ...لكل نص كيلو ملوخية من 3 ل 4 معالق كبيرة شوربة او ماء



القرنبيط
شيلى الراس الكبيرة الجامدة وقطعيها وردات صغيرة منفصلة عن بعضها واسلقيها فى ماء مغلى لمدة 3 دقايق مع وضع عصير ليمونة الى الماء المغلى حتى يفضل لون القرنبيط ابيض زى ماهو تشيلية من الماء وتسبيه لحد ما يبرد وتعبية فى الاكياس





ياااااااااة تسلم ايدك يا دندونة فعلا انا كنت محتارة اعمل اية ولا اية قبل رمضان,,,
وكدة تطلعيها على النار على طول


جزاك الله خيرا يا دندونة


وربنا يخليكى لينا يا رب..

************MoOnty**********


الساعة الآن 02:34 .