صباح الخييييييييييييييييييير

دندونة صباح الفل والفول حبيبتى...

نوودى حمد لله على السلامة ولا شكر على واجب فى التلخيص..



هالى القمر على فكرة انا كنت زيك كدة بالظبط اول ما بدأت اشارك فى موضوع دندونة واقرا اكلاتها رحت لماما وقولتلها دة احنا ما بنطبخش حاجة خالص..،حسيت اننا مانعرفش حاجة فى المطبخ ابدا،،

ربنا يخليها دندونة بقى اللى دايما رافعة راسنا..

************MoOnty**********
تسلميلي يارب جزاك الله خير
انا جيت يا دون، و سامحوني لو انا مش مرتبة زيكم بس انا باكتب طرق الفول و المدير قاعد يصرخ مش عارفة الفرق بين المحافظة و الاقليم!!

1- الفول بالزيت و الكمون:
يضاف للفول عصير ليمون و ملح و كمون و زيت (ذرة او زيتون زي ماتحبوا).

2- الفول بالدقة:
تجهز دقة من ثوم مدقوق و ملح و كمون و كركم و ليمون و نضيفها عليه مع زيت و ممكن نضيفله طحينة.

3- الفول بالسلطة:
تقطع طماطم مكعبات صغيرة و بصل و فلفل أخضر برضه مكعبات صغيرة و نضيف لهم ملح و كمون و خل و ليمون و نضيفهم للفول و نحط زيت و طحينة حسب الرغبة.

4- الفول بالطماطم:
تقطع الطاطم مكعبات صغيرة و لما الفول يسخن نضيفها و نتركها إلى أن تذبل ثم نضيف الليمون و الملح و الكمون و الزيت.

5- الفول بالسمنة أو الزبدة:
نضيف للفول سمن أو زبدة حسب الطلب و بدل الكمون بنضع فلفل أسود و ملح.

6- الفول بالبيض:
نقلي البيض عادي و بعدين نضيف له الفول و ملح و فلفل أسود.

7- الفول بالثوم و الطماطم:
نقطع فصوص الثوم بالسكين شرائح بالعرض و نقلبها في السمن أو الزبدة حتى يصير اللون ذهبي و بعدين نضيف الطماطم المقطعة مكعبات و نضع ملح و فلفل اسود و بهارات و لما الطماطم تذبل نضيف الفول و نقلبه كويس.

8- صينية الفول بالبيض في الفرن:
نفس الخطوات السابقة ننفذها و بعدين نضع الفول الساخن في صينية الفرن و نكسر عدد البيضات اللي نحبه عليه بحيث يكون الصفار سليم و بعدين ندخله الفرن ونولعه من تحت شوية لحد ما البيض يستوي و بعدين نولع الشواية من فوق شوية لحد مالوجه يكون ذهبي.

9- البيض بالسجق:
نجيب السجق و نقطعه و نحمره في السمن و بعدين نضيف الفول و الملح و الفلفل الاسود.

10- الفول بالباذنجان:
لو باقي عندك شوية مسقعة أو باذنجان مقلي أو بابا غنوج قلبيه مع الفول و ضيفي ليمون و ملح و كمون و زيت بيبقى طعمه روعة.

امممممم، مفيش حاجة في دماغي دلوقت تاني يا دندونة بس لو افتكرت حارجع لكم تاني
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

الفول المدمس

اولا طبعا نقي الفول وفي نوع في مصر الفول كبير شويه

تحطي كبايه ونصف في ميه من العصر مثلا
وبعدي ن تحطي في قدره الفول طبعا الصغيرة اللي موجوده في اي سوبر ماركت تحطي الفول بعد ما تغسليه وعليه ميه تقريبا ضعف الفول وبعدين انا بحطه على النار يغلي الاول وبعدين بكون مشغلة السخان الكهرباء الصغير
المهم بعد مايغلي غلوة على البوتجاز بحطه على السخان واضيف 1-فص ثوم
1-
واحده طماطميه+ 3 معالق عدس اصفر+ او ربع معلقه بيكنج بودر اوكربوناته
وطبعا ده عشان القشره بتاعت الفول متتعبش القولون
وتغطيه من بليل لحد الصبح على السخان واول ما تفتحي القدره حطي معلقه زيت اي زيت
واقفليه وبعدين حطيه في علبه بلاستك مقفوله وطبعا اول ماتفتحي القدرة شيلي الثوم زي ما هو وارميه وبعدين خدي على قد الي عاوزة تعمليه يوميا
بالنسبة للفول المدمس

يفضل طبعا انك تنقعى الفول لمدة ساعتين قبل ما تعملية
و نحطى معاة طماطماية و شوية عدس اصفرضغيرين و حيطلع هايل

و ممكن لما تحطية فى الثلاجة تخطية فى علبة بلاستيك و نعصرىعلى الوش لمونتين او ليمونة و تبقى تاخدى منة بالملعقة كل ما تعوزى حيبقى زى ماهو





دون صباح الخير وحشتوني اوي
المهم انا جبت لكم طريقة ارز جنان وكمان سهلة وما بتاخدش وقت (دقيقتين واقلب ههههههه)
الرز المبخر بعد اذن دندونة القمر
يتم عمل الرز عادي يعني يغسل ويوضع على الزبدة او السمنة (مع اختلاف ان احنا هنحط توابل ملح وفلفل وبهارات وشعرة جوزة الطيب) وتوضع الشوربة وتكون مغطياة ونتركهم على النارحتي يتشربها الرز ثم نضع كمية متوسطة من البصل المفروم على الارز ونقلبه ونتركة حتى ينضج وعندما ينضج نجيب قطعة فويل صغيرة ونعملها زي الكوباية و نغرزها في وسط الارز ونحط فيها حتة فحم مولعة وعليها شوية زيت ونغطي الارز بسرعة ونتركة دقيقتين بيبقى طعمة تحفة زي ما يكون معمول على الفحم
معلش اكيد وصفي مش زي وصف دندونة بس اعمل ايه هي حببتني في المطبخ ولازم افتح صفحتها كل يوم
مليون بوسة ليكي يا دون ولسلمى عشان عيد ميلادها كل سنة وهي طيبة
اللهم اهديلي زوجي واحفظلي ابنتي وابني ويسرلي حالي وارزقني بحلالك واغفر لي ولوالدي وبارك لي في ذريتي امين يا رب العالمين


الساعة الآن 11:44 .