ازيك يا دون وكل البنات صباح الفل عليكم

توأم مرة واحدة يا دون ؟ هو أنا قادرة على واحد وابوه لما يبقى عندي توأم

عموما ربنا يخليكي انا جيت اهه اساعدك في المطبخ :10_8_9: ها عاوزة حاجة انا في المطبخ انما ايه بلية محترم ممكن اساعدك في اى حاجة ، الا تخريط الملوخية وغسيل المواعين وحياتك احسن طول عمري اكرههم وتنقية الرز بتضايقني قوي ، وبشر البصل بيوجع عيني ويدمعني، انما اى حاجة تانية انا في الخدمة

أنا مصري بناني من بنى

هرمَ الدهر الذي أعيا الفنا

وقفة الأهرام فيما بيننا
...

لصلوف الدهر وقفتي أنا

في دفاعي وجهادي للبلاد

لا أميل لا أمل لا ألين

لكِ يا مصر السلامة

وسلاما يا بلادي
يا صباح الورد والفل والمواعين على النور كله اللى فى الصفحة UMHABEBAوmona_abdelaziz وعاشقة زوجهاوابنها و أم أبيها74 و ronii وموووووووووتى وكل عام وانتم بخير وفى اجمل صحبه حلوة يارب ولو كنت اعرف انى لما افتح الجزء دة حشوفكم كلكم كنا طلسقنا اللى فات بسرعة وفتحناه ربنا يديم المحبه بينا دة احنا اخوات ومفيش بينا غير الحب واللمة الحلوة
رونى ....تسلم ايدك على طبق الفول
ام حبيبة ربنا يبارك فيكى ونورتينا والله وياريت لو تفضلى معانا البيت بيتك والعشرة ماتهونش الا على ابن الحرام وانا بينى وبينكم عشرة جميله ربنا اللى يعلم انا بحبكم اد اية فبمناسبة قرب حلول الشهر الكريم خليكى بقى رمضنى وعيدى معانا وبعد العيد لو حبتينا كملى معانا (ياااااا موتى عايزين كوباية شاى حلوة لام حبيبه هاتيها من عند نودى شاى يابانى ))وطبق حلو الشام لما ندوقها وتسلم ايدك يا ام حبيبة على الفاهيتا
يعنى يا ام ابيها انتى سبتى اية عايزة تعملية ؟؟؟؟معلش احنا مش حنضغط عليكى اكراما للنونو بس وبعد كدة حناكل من ايديكى زى موتى ونودى وهبة ورونى وام ياسمين
عاشقة زوجها وابنها الله يكرمك يارب وانتى بالف صحة وهنا يارب





يا منمن احنا كتبنا قبل كدة السبيط وقلنا ان احنا بنقطعه صوابع زى صوابع البطاطس المحمرة بالظبط وبنتبلة ملح وفلفل ونقطتين بس ليمون عشان مايشدش فى الاكل وتحطية فى الدقيق وتسبيه شويه على ما الزيت يسخن ويبقى جاهز للقلى وبعدين تروحى ماسكاه ونطرة منه الدقيق الزيادة وعلى الزيت على طول وطبعا انتى جربتى السبيط بالزات انك لازم لما تحطية فى الزيت تجرى لانه بيطرقع فى الزيت او غطى ايدك اللى ماسكة الشوكة اثناء التحمير بفوطة عشان اللسوعة واعملية تانى وقوليلى اية الاخبار وبالهنا والشفا





صباح الفل يا موتى انتى امبارح اختفيتى فجأة لانى فضلت اسئلكم واخد رأيكم بالنسبة للجديد ومحدش رد عليا الا نودى وفتحناه ومردتش انزل وصفات الفول على طول الا لما تدخلى الاول وتكتبى افتتاحية لكنك اتاخرتى انتى كنتى فين ؟؟؟؟خير اللهم اجعله خير برضه؟؟؟؟يا نوووووووووووووودى





اطباق قمر الدين

2 كوب عصير قمر الدين
2 معلقة كبيرة نشا
معلقة صغيرة فانيليا
زبيب – مكسرات مفرومة – جوز هند
الطريقة
دوبى النشا فى شوية ماء صغيرين
ضعى القمر الدين على النار لحد ما يغلى تروحى ضايفة النشا المزاب مع التقليب السريع وراء بعض
وتوطى النار يعنى تخليها هادية مع التقليب لمدة 5 دقائق ثم ضعى الفانيليا وتطفى النار بلى الاطباق اللى حنصب فيها القمر الدين بالماء الاول اغرفيها فى الاطباق وسيبيها لحد ماتبرد ثم ضعى رشة جوز هند و زبيب ورشة مكسرات او اى نوع مكسرلت لوحدة يعنى الزواق زى ما انتى عاوزة
وبالهنا والشفا







الساعة الآن 11:42 .