Analysis Services
سبانش فلاور تقريبا قصدها المجدرة يادون اللى بتبقى زى الكشرى الاصفر بس بعدس بجبة ومعاها بصل متحمر زى بتاع الكشرى العادى
18-07-1426 هـ, 11:12 صباحاً
 
طب ما ايه رأيك يا لاروز لو تكتبيها بالمرة حتى علشان لما تتجوزى نفتكرك بيها ؟؟؟ انتى حتتجوزى امتى يا لاروز؟
18-07-1426 هـ, 11:20 صباحاً
 
الخشاف

تين- قراصيا – مشمش – بلح – زبيب - سكر للتحلية

الطريقة
نحضر طبق غويط ونضع به كمية متساوية من التين (ممكن ترك التينة زى ماهى وممكن قطعها بالسكينة نصين او اربع) والمشمش (اذا كانت المشمشة كبيرة ممكن قطعها نصين) والقراصيا وكبشة زبيب والبلح (نكسر البلح لاجزاء او انصاص ونرش على وشه كله سكر للتحليه ونضع علية ماء ليغطيه ونقلبهم ونتركه من بليل للصبح حتلاقية نفش وطرى وجاهز للاكل يغرف فى اطباق صغيرة ويقدم عند الفطار او بعد الاكل
وبالهنا والشفا
18-07-1426 هـ, 11:23 صباحاً
 
السلام عليكم و رحمة الله و بركاته

صباح الفل على الكل

ايوة يا دون انا جيت اهه، انا جاية لكم بعيون وارمة و مقفلة و بالعافية شايفة طراطيف الكلام!!! اصل بعيد عنكم كلكم اتدبست في ترجمة 66 صفحة بتوع الدستور ال....... ربنا يجعل كلامنا خفيف على الكل!!!

مين عاوز شاي ياباني؟؟؟ لا لا لا حد يلحقني انا ببرميل نسكافيه هندي!!

لو معرفتش اخطف بصة تانية النهاردة اعرفوا اني نمت عالمكتب، اوكي؟؟

ياللا حد يغطي انسحابي بسرعة!!!
18-07-1426 هـ, 11:23 صباحاً
 
ولا الف واحد يغطى انسحابك يا نودى ياحبيبتى ربنا يعينك يارب طيب بقولك يا نودى بدام المدير بتاعك كدة كدة ما بيفهمش ما تترجميله اى حاجة .يلا اشربى النسكافية وتعالى
18-07-1426 هـ, 11:25 صباحاً
 


الساعة الآن 09:19 .