صباح الخير يا دندون
ميرسي علي ذوقك يا جميله
بس بقولك ايه متكتبي طريقتك برضه؟علشان يعني لا يفتي و مالك في المدينه
صوص الجبنه
انا عندي هنا فيلادلفيا العلبه 200 جم باخد نصها يعني 100 جم او كيري
2 كوب سكر -صباع زبده
فانيليا
و بضربهم في الخلاط و لو عايزه تخفيها شويه باضيف شويه لبن
03-07-1426 هـ, 04:40 صباحاً
 
صباح الفل عليكم جميعا
دون ونانى الف مليون مبروك الصفحة الجديدة ، معلش هي متأخرة شوية
03-07-1426 هـ, 09:17 صباحاً
 
صباح الخير يا بنات

نانى كنت عاوزة اعرف كريمة الطاطار دى الاقيها فييين بالظبط
لاحسن انا دخت عليها..؟؟؟
03-07-1426 هـ, 10:28 صباحاً
 
يا نانى لما نعمل البيكنج بودر بالمقدار ده نحتفظ بيه فى ايه عشان ما يبوظش

ميرسى على الرقاق واكيد القشطه هتخلى الطعم هائل تسلم ايديك ممكن بقى تقولى لى الطريقه الصح لسلق الكوارع امبارح لقيتها فى هايبر اشتريت واحده عشان اسلقها لانى بموت فيها افتكر حضرتك كتبتى لنا مره فته الكوارع بس يا ترى كتبتى سلق الكوارع اروح ادور يعنى ولا استناها؟؟
ميرسى يا نانى ربنا ما يحرمنا منك

ممكن اعرف بقى ما بقتيش تيجى عندى فى البشره ليه؟؟
03-07-1426 هـ, 10:35 صباحاً
 
يا صباح النووووور اهلا يا عواطف وحمد الله على السلامة

سيبونى بس اتخانق الاول مع مشمش اللى بتقول حيطنشونى ... خليكى فكراها يا مشمشة ....احنا بنطنش حد ؟؟؟وعقابا ليكى حيكون لك طناش قريب مخصوص
بصى يا سيتى ....بالنسبة لمحسن الدقيق بتحطى معلقة صغيرة على كيلو الدقيق ......تمام ؟؟لكن الخميرة بتقل النص طالما استعملنا المحسن ...يعنى لو نفترض حتستعملى كيلو دقيق..+ معلقتين خميرة ..ok لكن لو حتستعملى كيلو دقيق + معلقة صغيرة محسن دقيق يبقى فى الحاله دى حتحطى معلقة واحدة خميرة بدل معلقتين ....فاهمة؟؟؟نقول كمان لو انتى طبيعى (حتستعملى الدقيق بدون محسن يبقى تحطى الخميرة بتاعتك كلها ) لكن لو حتستعملى المحسن يبقى تحطى الدقيق + المحسن + نص مقدار الخميرة اللى كان المفروض تحطيها ....يعنى المحسن والخميرة بيكملوا بعض .....تمام ؟؟؟ لو مش فاهمة قوليلى يا مشمش اعيدلك تانى مفيش مشاكل ....وعلى فكرة المحسن و الخميرة لما بيشتغلوا مع بعض بيدوا نتيجة حلوة
03-07-1426 هـ, 10:40 صباحاً
 


الساعة الآن 12:47 .