Analysis Services
صباح الخير يا قمرات

ما شاء الله يا ابله دون الصفحات بتركض ركض

ممكن يعني اقتراح لو كل واحده تقدر تساعد فيه
انك تحاولي تعملنا سفره متكامله على الافطار في رمضان مش ضروري الوصفات احنا نبحث عنها لكن يكفي الاسماء علشان متتعبيش

وجزاك الله خير وجعل كل حرف استفادت بيه البنات في ميزان حسناتك وبارك لك في صحتك واولادك
21-07-1426 هـ, 11:56 صباحاً
 
يا صباح الفل يا ام حبيبة والله وانتى كمان وحشتينى ربنا اللى يعلم انى اد اية انا مفتقداكم و اتبسط جدا بدخولك ودخول ام زياد ربنا يديم المحبة بينا

اهلا يا هالة القمر ان شاءالله ياهالة قبل رمضان بشوية حنعمل كدة ان احنا نحط قايمة يومية او قايمة لعزومة وفعلا مش شرط ان نكتب الوصفات لان كله تقريبا حيكون مكتوب عندنا يكفى بس للاختيارات
وكل عام وانتم بخير
21-07-1426 هـ, 01:44 مساءً
 
اقتباس مشاركة  (mooty)
مساء الخير يا بناااااااااااااااااااااااات //

عاملين اية يا حلوين ///

انا لسة راجعة من بردة من شوية يا دوب غيرت هدومى،،،

وحشتونى وحشتونى وحشتوووووووووووووووووووووووووووووونى,,,
انا مش حعلق لان الجواب بيتعرف من عنوانه كفاية بس لما اشوف كلمة وحشتووووووووووووووونى اللى انتى كتباها فهمت منها كل حاجة ..ربنا يهنيكى ويسعدك
21-07-1426 هـ, 01:48 مساءً
 
كوسة محمرة

كيلو كوسة كبيرة
معلقة صغيرة ثوم مفروم
معلقتين كبار دقيق او بقسماط(ممكن معلقة ومعلقة)
ملح وفلفل و كمون
معلقة صغيرة نعناع اخضر مفروم
الطريقة
نكحت الكوسه بالسكينة المشرشرة وقطعيها بالطول
شرائح متوسطة التخانة و تغسل
تبليها بالثوم والملح والفلفل والكمون والنعناع
وضعيها فى الثلاجة لمدة نص ساعة
نضع الدقيق او البقسماط فى طبق
ونضع فيهم الكوسة ونقلبها كويس
نحمرها فى زيت غزير ونشيلها على الورق الماص
وتقدم وبالهنا والشفا
21-07-1426 هـ, 01:53 مساءً
 
كوسة بالمشروم
3 كوسات كبار
1ملعقة متوسطة زبدة.
بصلة متوسطة مبشورة
2 فص ثوم مفروم
1 كوب عش غراب ( مشرووم) مقطع شرا ئح.
طماطماية متوسطة الحجم مقطعة صغير
1 ملعقة صغيرة بقسماط
1/4 ملعقة صغيرة بقدونس.
2 معلقة كبيرة جبنة موزاريلا
الطريقة:
تقطع الكوسة إلى نصين بالطول و فضيها من جوة( الاحتفاظ بقلب الكوسة).
نضع الزبدة على النارو شوحي فيها البصل و الثوم لحد ما يصفروا
يضاف عش الغراب وقلب الكوسة.
يقلب الخليط لمدة دقيقتين وبعدين شيلية من على النار.
تضاف الطماطم والبقسماط والبقدونس والفلفل.
ترص الكوسة في صينية ثم يوضع هذا الخليط على الكوسة.
تغطى الصينية بورق الألومنيوم وندخلها الفرن لمدة نص ساعة
قبل ما نخرجها من الفرن بثلاث دقائق يوضع جبن الموزاريلا
لحد ما يحمر الوش وبالهنا والشفا
21-07-1426 هـ, 02:00 مساءً
 


الساعة الآن 04:05 .