صباح الفل والجمال

انا داخله اصبح عليكم جميعا

شكرا يادندونة تعبتك معايا


والله يادون ده جوزي اللي هايطلع غلوه فيه اما هايلاقيني مش طابخه التهارده اصلي مستنيه التلخيص (واحده بتتلكيك)
من فضلك يادون اكتبيلي وصفة عجينة الطعميه يتاعتك احسن انا فشلت مع الطعميه وانا بخليها رفيعه جدا والنار مش بتكون عاليه خالص ولا الزيت حامي يبقى مافيش غير العجينه فيها حاجه غلط
خضار مشكل محشى

نص كيلو بطاطس صغيرة
نص كيلو كوسة صغيرة
نص كيلو بصل قاورمة (الصغير خالص)
كوب عصير طماطم
ربع كيلو عصاج
ملح وفلفل
الطريقة
نقشر البطاطس ونقورها ونغسلها
نكحت الكوسة ونقورها ونغسلها
نقشر البصل ونضعة فى ماء مغلى يا دوب دقيقتين ونشيله من الماء ونقورة
نحشى البطاطس والكوسة والبصل بالعصاج ونرصصة جنب بعض فى طبق فرن بس رتبيه
يعنى ترصصى الاول البصل داير مايدور وبعدين ثم الكوسة
داير ما يدور ثم البطاطس فى النص داير ما يدور
ثم نضع عصير الطماطم ونغطى الطبق و نضعه فى فرن متوسط الحرارة
وممكن كل ما يعوز سائل تزوديله شوية شوربة او ماء لحد ما يستوى تشيلى الغطاء علشان وشة يحمر
وبالهنا والشفا





دندونة، بعد اذنك، عاوزة اسألك على اكلات خفيفة سهلة تنفع مريض السكر، سواء كغداء او فطار و عشاء، مش لازم تحطي الاكلة بالطريقة و المقادير، بس قوليلي قائمة اكلات و انا لو مش عارفة حاجة فيهم حاطلب منك الطريقة. معلش حاتعبك معايا بس اصل الدكتور مشدد ان اكل بابا لازم يكون صحي و الخيارات ادامي قليلة و هو بيزهق بسرعة، و من يومين بس مشي فيهم عالنظام زهقان و بيتملل و مش عاجبه حاجة. هو الدكتور قاله ياكل كل حاجة الا الكبدة و المخ و الكلاوي و الحاجات الدسمة و الحوادق و الحلويات و الحراق. حتى الاجبان و البيض انا مش لاقية حاجة اكلها له الا القريش و الجبنة البيضاء العادية و مش عارفة انوع له تاني ازاي

معلش زهقتك و حاتعبك معايا، و لو اي حد عنده اقتراحات يا ريت يضيفها
يا رب لك الحمد كما ينبغي لجلال وجهك و عظيم سلطانك

اللهم اغفر لي و لوالدي و للمؤمنين و المؤمنات يوم يقوم الحساب

اللهم احفظني و زوجي وولدي من كل سوء

ايه الجمال ده يادندون حلو المحشى ده تسلم الأيادى
انا رديت عليكى فى صفحة رمضان وبعتلك على الخاص كمان ومردتيش عليه
وفعلا المنتدى الصحة بتاعته بتطلع عينى علشان ادخل فيها او ابعت رد مش عارف من ايه

صباح الخير يانودى اليمون وصلك ولا لسه
وصباح الخير يا ناتالى


الساعة الآن 06:10 .