شكرا يا don وتسلم الأيادى على سلطة الكرنب تعبتك معايا وعلى فكره انا عملت النهاردة المكرونة بالجبنة وصينية البطاطس بالبيض وطلعوا حلوين قوى تسمحوا لى اقول صنف حلو بعمله وبيطلع جميل
قالب البسكويت بالشيكولاته
كمية من البسكويت المربع الساده فى نوع اسمه لوكس لو تعرفوه
حوالى كوب لبن بارد ولكن ليس مثلج
مقادير كريمة الشيكولاته
1/4 كيلو زبده
2/3 كوب سكر بودره
1/3 كوب كاكاو خام
من 3: 4 بيضات
فانيليا
1/4 كيلو كريم شانتيه

الطريقة
يتم ضرب الكريم شانتيه بقليل من الماء المثلج حتى تتكون كريمة متماسكة ثم تترك
ويتم ضرب الزبدة + السكر ثم يتم إضافة باقى المقادير والكريمة المضروبة ويضرب جيداً وممكن إضافة قليل من اللبن اذا كان متماسك جدا

نحضر قالب بيركس ويتم وضع بسكوته بسكوته فى اللبن بعد تحليته بقليل من السكر
ويرص فى القالب طبقتين من البسكويت ثم طبقة كريمه ثم طبقتين من البسكويت ثم طبقة كريمة وعلى الوجه ممكن نزوق بمبشور الشيكولاته ثم يتم وضعه فى الثلاجه

أرجو ان تكون الطريقة عجبتكم والأولاد بيحبوها جدا جدا وبالهنا والشفا
04-07-1426 هـ, 09:10 مساءً
 
egypt-jasica والله جميلة وتسلم ايديكى وفيها شبه من بتاعتنا اللى فى الجزء التانى مع اختلاف ان انتى سيبتى البسكوت سليم لكن احنا كسرناة وعملناه صينية مرة و سويسرول مرة ودى طريقة تالتة وعلى فكرة احلى نوعين بسكوت فى انواع التورت اللى يالبسكوت اللوكس و بسكو مصر وتسلم ايديكى بس انا عاوزة منك طلب انك تسهليلنا اسمك شوية او نقولك اية ؟؟؟
04-07-1426 هـ, 10:06 مساءً
 
[glow=CCFF99]الف مبروك الجزء الثالث

وعقبال المليووووووووووووووووووووووون
[/glow]
04-07-1426 هـ, 11:05 مساءً
 
egypt - jasica
شفت تاني طريقتك في عمل الكوارع ..
دي نفس طريقة عمل الكرشه ؟؟ صح ؟؟
04-07-1426 هـ, 11:45 مساءً
 
مساء الفل عليكم ومساء الفل يا نانى 5 انا عارفه انك موجودة دلوقت سهرانه زيي يارب تكونى تمام وبتفكرلنا فى اكلة جميله من اكلاتك
ازيك يادون ايه رأيك فى اسم أم ياسمين سهل وله فيه حد تانى اسمه كده انا اصلى أول مره اشارك فى منتدى ومشتركة من فترة بس مكنتش عارفة اتكلم ازاى انا بحبكم كلكم وبحكى عليكم لأهلى انا بحب الناس واللمه والعيله والصحبة الطيبة ودايما بأدعو الله سبحانه وتعالى يرزقنى بالصحبة الصالحة فى الدنيا والآخره اللهم آمين

بالنسبة للبسكويت
فيه كمان بدل كريمة الشيكولاته كريم شانتيه بدل ماتضربيه بالماء المثلج يضرب بماء مضاف اليه نسكافية ومثلج طبعاً ويزوق الوجه ببودره خفيفه من النسكافيه
أو
يغطى البسكويت بطبقة من المهلبية الدافئة وفى هذه الحالة لا يسقى البسكويت فى اللبن ويجمل الوجه بقليل من رشة القرفة

وبالنسبة للكوارع يانانى
لأ ده مش زى الكرشه بصراحه انا مش بحط فى الكرشه توم انا بعملها بطريقتين أما مسلوقة مع بصل كتير متخرط ومدعوك بالملح والفلفل
أو بعد ما بتسلق بعمل لها صلصة طماطم بحمص الطبيخ واكمل سواها مع الصلصة
يارب مكونش طولت عليكم وتصبحو على خير وسعاده
05-07-1426 هـ, 01:58 صباحاً
 


الساعة الآن 11:00 .