سلطة الجمبرى

كيلو جمبرى صغير مسلوق
3 معالق مايونيز – ورقتين خس
الطريقة
بعد ما نسلق الجمبرى ويبرد نقشرة نشيل خط الرمل اللى بيكون فى الضهر
نضع المايونيز على الجمبرى ونخلطهم بالمعلقة
نفرش فى طبق ورق الخس ونضع علية سلطة الجمبرى
ونضع على جانب الطبق واحدة جمبرى بقشرها لتزيين الطبق
وبالهنا والشفا
05-07-1426 هـ, 09:56 صباحاً
 
مهلبية بدقيق البسبوسة


نص كوب دقيق البسبوسة (سميد ناعم )
6 كوب حليب
3/4 كوب سكر
معلقة كبيرة نشا(كورن فلور)
علبة قشطة – معلقة كبيرة فستق مفروم
الطريقة
نغلى اللحليب (ماعدا نص كوب نركنة )على النار و نضع علية السكر
ونقلب لحد ما السكر يدوب
نزوب النشا فى نص كوب الحليب اللى كنا راكنينه لحد ما تدوب تماما
نضيف النشا بالحليب الى الحليب بالسكر اللى على النار و نقلب نقلب بسرعة
نضع السميد على الحليب على النار بس وطى النار لمدة 5 دقايق تقريبا
شيليها وصبيها فى طبق بايركس و سويها كويس بالمعلقة
ودخليها الفرن متوسط الحرارة حوالى عشر دقايق
بعد ما تطلعيها من الفرن خليها تبرد و بعدين ادهنى الوش كله
بطبقة من القشطة ورشى الوش بشوية فستق مفروم
و بالهنا والشفا
05-07-1426 هـ, 10:41 صباحاً
 
حلو اوي عمالين تصبحوا وتندهوا على بعض وناسين الغلبانة اللي بتيجي متاخر (عندي ساعة رضاعة مع اني فطمت شادن من سنه)

ماشي ماشي انا هبلغ عنكو البوليس

قومي يا دينا افتحي البوليس على الباب
05-07-1426 هـ, 11:00 صباحاً
 
يا صباح الفل يا ميرو ..تانى ؟ تانى ؟ البوليس على الباب ..طب دى زعيمة العصابة بتاعتنا لسة مظهرتش ( مووتى )ليكون خدها فى سكته .ماهو العيب ان احنا معندناش محامى عدل يدافع عنهم
05-07-1426 هـ, 11:03 صباحاً
 
مربى القرع العسلى

كيلو قرع عسلى
كيلو سكر
معلقتين عصير ليمون
بشر ليمونة
قطعة صغيرة من الزنجبيل
الطريقة
قشرى القرع و شيلى اللب بتاعه وقطعية مكعبات
ضعى القرع مع نص مقدار السكر يعنى نص كيلو على طبقات
يعنى طبقة قرع وعليها طبقة سكر وهكزا وتحطى معاهم بشر الليمونة والجنزبيل
فى قطعة شاشة و تعقديها وتسبيهم من بليل للصبح او على الاقل 12 ساعة
تحطيه على النار بس تكون هادية لحد ما السكر يدوب خالص وتلاقى القرع بقى طرى
ضعى باقى السكر (النص كيلو التانى )وتسبية لحد ما يدوب و ضعى عصير الليمون
تسبيهم يغلو و تشيلى الريم كل ما يظهر
وتشوفى لو استوت بنفس الطريقة اللى قلناها فى جميع انواع المربات
وتسبيها لما تبرد
وتعبيها فى البرطمانات النظيفة و بالهنا والشفا
هاتى الزنجبيل بس 20 جرام (الراجل حيوزنهالك)
05-07-1426 هـ, 11:07 صباحاً
 


الساعة الآن 03:08 .