صباح الخير عليكى يا دون ممكن طلب صغير عايزه طريقة جديدة للفراخ فى الفرن وأزاى بيبقى لونه احمر قوى انا بدهنه ساعات بالصلصة أو صوص الصويا بس اللون برضه مش زى بشوفه ولو فيها غلاسة عايزة اعرف طريقة الأرز الصينى وشكرا ياقمر
05-07-1426 هـ, 11:10 صباحاً
 
صباح الخير علي الكل
أهلا أم حبيبه .. زيت الزيتون عدة درجات فيه درجه منه أساسا ماتقدريش تطبخي بيها أو تسخن معاكي لأتها ممكن تدي مراره في الأكل .. ودرجه منه لو حطيتيها علي النار تعمل دخان ما تقدريش تشميه .. وفيه نوع تقدري تحمري فيه البانيه يدي طعم أجمل من الزبده
المهم تقدري إزاي تميزي نوع عن نوع .. أنا دايما بأجيب الزيت في شهر 11 ومن معصره معروفه بالنسبه لنا ..
05-07-1426 هـ, 11:16 صباحاً
 
نانو
انا عملت السحلب بتاعك وكان خرافى
مش عارفه اقولك ايه عليه
باى
05-07-1426 هـ, 11:24 صباحاً
 
كيكة القرع العسلى

كوب دقيق
كوب قرع عسلى مكعبات
بيضة – نص معلقة فانيليا
ربع كوب زبدة
نص كوب سكر
معلقة صغيرة مليانة بيكنج صودا
نص معلقة صغيرة قرفة
الطريقة
اضربى الزبدة كويس وبعدين ضعى عليها السكرواضربى
ضعى عليهم البيضة و الفانيليا واضربى كويس
ضعى القرفة والبيكنج صودا على الدقيق و اخلطيهم
ثم ضعيهم على المقدار مع القرع العسلى وقلبى كله مع بعض
ادهنى صينية كويس وضعى فيها الخليط ودخليها الفرن
المتوسط الحرارة لحد ما تستوى و تقريبا بيكون نص ساعة
تترك تبرد وتقطع و بالهنا والشفا
05-07-1426 هـ, 11:32 صباحاً
 
صباح الخير يا نانى ((تسلم ايدك حبيبتى بس والله دى فكرة هايلة وكفاية اننا ها ناكل من ايدك..))


دندونة ازيك صباح الفل،،، اخبار المزاج اية النهاردة

انا عاوزة اطمن عليكى ابن عمل فيكى اية ؟؟؟؟؟؟؟

لو ها ينفع تدخل على الماسنجر انا مستنياكى...
05-07-1426 هـ, 11:34 صباحاً
 


الساعة الآن 10:48 .