هبه
أعذريني أنا مش فاكره إني قلت بأن الكوارع عارفه لها كذا طريقه
أنا بأعملها بالطريقه إللي كتبتها وبس ..
بالنسبه لزيت الزيتون أنا بييجي لي من مكانين من سيناء ومن سيوه ومهم يكون زيت بكر ممتاز .. بكده يكون مضمون بإنه أول عصره للزيت الطازج .. مش عصير تفل الزيت
والزيت تلات أنواع .. وكل نوع عدة درجات .. بكر .. بكسر الباء
05-07-1426 هـ, 08:20 مساءً
 
الأرز الصينى بالخضار

3 كوب ارز طويل الحبة
نص كيلو صدور فراخ مقطعة صغير

جزرة واحدة مقشرة ومقطعة قطع رفيعة

بطاطساية كبيرة مقشرة و مقطعه مكعبات صغيرة

كوب كبير
كرنب مقطع شرائح رفيعة جدا
فلفلة رومي مقطعة شرائح صغيرة

بصلة خضرا مقطعة دوائر رفيعة
مكعب ماجي - 3 بيضة مسلوقة

فلفل اسود -كمون -3 فصوص حبهان -ملعقة صغيرة كركم -
ملعقة صغيرة ملح ليمون - ملعقة كبيرة صلصة صويا -
ملعقة كبيرة كاتشب - فصين ثوم
ملعقة صغيرة زعفران منقوعة في نصف كوب ماء
الطريقة:
اغسلى الارز وانقعية فى الماء لمدة نص ساعة
صفية من الماء واعملية بالطريقة العادية
ضعي الزيت في حلة على النارو حمرى البصل و بعدين شيلية ثم ضعي البطاطس و حمريها فى نفس الزيت و بعدين شيليها وبعدين الجزر حمرية برضة فى نفس الزيت و شيلية
وبعدين ضعي فى نفس الزيت ا لثوم و قطع الفراخ وقالب الماجي و قلبيهم لمدة ثلاث دقائق ثم ضعى كل البهارات وقلبي ثلاث دقائق كمان وضعى صلصة الصويا و الكاتشب و كوب واحد ماء ساخن و نصف كوب الزعفران المنقوع و غطيه و اتركيه خمس دقائق اضيفي البطاطس وغطيه لمدة عشر دقائق كمان وزودى شوية ماء ازا احتاجت ولما تلاقى عندك الفراخ استوت واتفضل عندك شوية صلصة صغيرين تروحى حاطة البصل وتقلبى دقيقة ثم الجزرو تقلبى دقيقة ثم الفلفلة الرومى وتقلبى دقيقة و اخر حاجة تحطيهاالكرنب و سيبية دقيقة واحدة على النار ثم اغرفي الارز في طبق التقديم و ضعى الخلطة على وش الارز وقطعى البيض المسلوق انصاص وحطية على الوش و بالهنا والشفا
06-07-1426 هـ, 02:52 صباحاً
 
السلام عليكم و رحمة الله و بركاته

صباح الفل عليكم

قبل ما انسى، فتحنا جزء جديد في ساعدوني، تعالوا نورونا

بنات و مدامات مصر ام الدنيا تعالوا نورونا تاااااني

دندونة، انتي محطتيش المصيدة لسه؟؟!!!!
06-07-1426 هـ, 10:01 صباحاً
 
السلام عليكم

دون واحدة قريبة مروة عملت البسبوسة بتاعتك اللي كنتي وصفتيها لenna والبنت مذهولة من طعمها بتقول انها فعلا احلي من الجاهزة

بس انا عايزة اسألك نوع السميد اللي بتجبيه ايه يعني سايب واللا جاهز؟؟؟ وبعدين القرع اللي عملتيه ده هو هو اللي بالبشاميل واللا مختلف مش فاهم انا
06-07-1426 هـ, 10:38 صباحاً
 
صباح الفل يا نودى وتماتيا منورين بدرى النهاردة بالنسبة للمصيدة يا نودى ..مصيدة مين يا بنتى ؟؟؟احنا عندنا ابطال يعدوا فى الحديد

بالنسبة لدقيق السميد يا تماتيا انا بشترية سايب بالكيلو وبيكون الناعم مش الخشن وبرضة بشترية من المحلات اللى بتبيع مستلزمات الحلويات والتورت
وبالنسبة للقرع العسلى الاخير لأ دة من غير بشاميل لن نودى كانت عايزة انواع تانية لاخوها وعلى فكرة انا منزلتش اللى بالبشاميل عشان اينا كانت كاتبة طريقتها حلوة فى الجزء الاول ..بالمناسبة هى اينا فين ؟ اخبارها اتقطعت مرة واحدة لية ؟؟
06-07-1426 هـ, 11:10 صباحاً
 


الساعة الآن 11:15 .