صينية الفراخ بالكاتشب

فرخة حوالى كيلو ونص
3 بصلات متوسطة شرائح
4 معالق كبيرة كاتشب
نص ليمونة كبيرة
معلقة خل – ملح – فلفل – زيت – بهارات – فصين ثوم
الطريقة
نغسل الفرخة و نقطعها من ضهرها بالطول بالسكينة
ندعك الفرخة بالملح والفلفل والبهارات والثوم والليمون والخل
ونتركها ساعة فى التتبيلة
بعد ساعة نشيلها من التتبيلة وندهنها بالكاتشب بالفرشاة كويس
ندهن صينية بالزيت ونضع فيها الفرخة ونضع عليها معلقة زيت
ونغطيها بورقة فويل وندخلها فرن متوسط الحرارة لحد ما تستوى
وبعدين نشيل الورقة ونخليها تحمر و بالهنا والشفا
06-07-1426 هـ, 11:17 صباحاً
 
صينية المكرونة بالفراخ و المشروم
خفيفة وجميلة

فرخة ( كيلو )
كيس مكرونة
نص كوب مشروم
علبة قشطة
بشاميل خفيف
ملح – فلفل – بصلة صغيرة مبشورة
بيضة
الطريقة
نسلق المكرونة ونشطفها و نصفيها من الماء
نغسل الفرخة ونسلقها و بعد السلق نخليها من الجلد والعضم
ونقطعها قطع متوسطة
نضع الزيت على النار وعلية البصلة المبشورةلحد ما تحمر
ثم نضع المشروم على البصلة تقليبة ثم نضع قطع الفراخ
و التوابل ونقلبهم لمدة عشر دقايق تقريبا
نشيلها من على النار ثم نضع عليها علبة القشطة ونقلب كله مع بعضة
هاتى صينية او طبق بايركس نضع فية طبقة من المكرونة وعليها طبقة
من الفراخ وعليها معلقتين بشاميل ثم طبقة مكرونة وعليها طبقة فراخ
وعليها معلقتين من البشاميل ثم الطبقة الاخيرة من المكرونة
نضع البشاميل على وش الصينية ثم البيضة المضروبة
ندخلها فلرن متوسط الحرارة لحد ما تحمر و بالهنا والشفا
06-07-1426 هـ, 11:59 صباحاً
 
طيب واضح ان كلكم اجازة انا حشوف اللى ورايا وكل شوية حدخل ابص على الصفحة وحسيب نفسى اون لاين
06-07-1426 هـ, 12:05 مساءً
 
دندونة ياجميلة الف شكر ليكي
كتر خيرك وصلتني الرسالة علي الخاص
06-07-1426 هـ, 12:46 مساءً
 
صباح الخيريا نتالى العفو على اية ؟
يا نودى هيا موتى مجتش النهاردة ؟؟؟
06-07-1426 هـ, 12:52 مساءً
 


الساعة الآن 01:00 .