لاروز بعتهالك على الخاص
06-07-1426 هـ, 02:24 مساءً
 
حاضر من عنيا أنا قلت أستأذنك الأول ....
06-07-1426 هـ, 02:33 مساءً
 
ايه الجمال ده يادندون متشكرة جدا جدا على الأرز والفراخ متحرمش منك ياجميل تعبتك معايا وتسلم الأيادى ***** الله هعملهم واقولك على النتيجة وشكراً مرة تانيه على ذوقك
وياترى اطمع انا كمان فى الملخص قريب وانا مش بعرف ابعت حاجه على الخاص مش عارفه اعمل ايه وشكرا
وياترى فيه حد بيحب الفاصوليا الخضراء انا عندى طبقين خفاف

الطبق الأول فاصوليا باللحمة المفرومة
1/2 كيلو فاصوليا خضراء مسلوقة
1/4 كيلو لحمه مفرومة
بصله مفرومة
حزمة بقدونس
3 ملاعق كبيرة صلصه
2 فص توم مهروس

الطريقة
نضع البصله تتبل ثم الثوم ونضيف اللحمة المفرومة ونتركها حتى تستوى ونضيف الملح والفلفل والبهارات
يتم أضافة الفاصوليا والصلصة ونتركها على نار هادئة ونقلب حتى يمتزجوا معاً حوالى 1/4 ساعة وقبل ما نطفى نضيف البقدونس ونقلب جيداً وبالهنا والشفا

الطبق الثانى الخضار المشكل بالزبادى
1/2 كيلو فاصوليا خضراء مسلوقة (ممكن بدلاً من الفاصوليا بسلة)
1/4 كيلو جذر مسلوق
عدد 2 بطاطس مقطعة مكعبات ومسلوقة
4 كوب زبادى
3 ملاعق مايونيز كبيرة
2 ملعقة كاتشب للزواق
ملح وفلفل
2 ملعقة زيت زيتون

الطريقة
يتم ضرب الزبادى قليلاً بالشوكة ثم أضافة المايونيز والملح والفلفل وأضافة الخضراوات المسلوقة ويوضع فى طبق التقديم وعلى الوجه يوضع الكاتشب وزيت الزيتون وبالهنا والشفا
أرجو انها تعجبكم

فى طبق حلو يسمى فى المحلات عزيزة أو مكرونة بالمهلبية لو تحبوا الطريقة انا تحت امركم وصباح الفل على الجميع
06-07-1426 هـ, 04:35 مساءً
 
مساء الفل يا ام ياسمين صح النوم كل دة ياسمين مكنتش صحتك... المهم تسلم الايادى واكتبيلهم النوع الحلو ..وبالنسبة للتلخيص حاضر وقربنا على العموم ننزلة ..وبالنسبة للرسائل الخاصة لو تلاحظى فى جنب الصفحة فية اسمى مثلا تدوسى علية بالماوس حتتفتح لك قايمة دوسى بالماوس على جمله ارسال رساله خاصة حتتفتح لك شاشه تكتبى فيها الرسالة وتكتبى اى عنوان وابعتيها ...جربى كدة ابعتيلى اى رسالة ولما توصل حقولك
06-07-1426 هـ, 05:27 مساءً
 
حضرلك الخير يا احلام تسلم عنيكى
06-07-1426 هـ, 06:35 مساءً
 


الساعة الآن 06:45 .