هااااااااااااااااااااااااااااااى

مساء الخير جميعاً ازيكو

دون عندى حاجة هى مش اكلة هى فكرة للى عاوزين حاجات سريعة من الفريزر ويشتغلو على طول

احنا فى البيت بنعملها من زمان

وهى للى بيحب سلطة بابا غنوج ممكن تشوى الباذنجان كمية يعنى كيلو او اكتر بدل ما تشوى واحدة او اتنين كل مرة

وبعدين تقشرى كل الباذنجان بعد ما يطلع من الفرن ويبرد طبعا

وتقسميه وجبات يعنى مثلا لو كان حجمه كبير يبقى كل واحدة لوحدها فى كيس بعد ما تتقشر وتتحط فى الفريزر

وبعد كده لو عاوزة تعملى بابا غنوج والباذنجان مش متوفر فى السوق ممكن تطلعى من الفريزر

وتعملى عليها باقى مكونات سلطة البابا غنوج الطحينة والليمون وكل الباقى وكانك لسه عاملاه طازة

وعلى فكرة لما بيتحفظ فى الفريزر الباذنجان فقط بدون اى حاجة عليه بتكون نتيجته احسن كتيييييييييييير من انه يتحفظ بابا غنوج جاهز لاننا جربنا الطريقتين

طبعا انا افتكرته النهاردة لاننا لينا فترة مش بنعمل بابا غنوج وعملناه النهاردة فقلت اقولها واهى حاجة تفيد الشباب العامل اللى عندنا

دون هاتضربينى !!!!!!!!!

انا بصراحة ما اخدتش بالى ان كان حد كتبها قبل كده ولا لا

06-07-1426 هـ, 06:41 مساءً
 
دون عندى فكرة بس مش عارفة حد هايستفيد منها ولا لا

ممكن لو ينفع تقولى ايه اللى تقدر الواحدة تعمله لو اتبقى عنها من الغدا

يعنى قصدى مثلا اننا فى البيت لما نتغدى ونلاقى باقى مثلا فراخ فيه حد ما اكلش كل نصيبه بنحطه فى كيس بلاستيك وفى الفريزر ينفع مع وجبة تانية

يعنى بمعنى اخر تقدرى تقولى عليها افكار اقتصادية

يعنى برضه فى البيت احنا لما بنجيب الفراخ مش بنطبخها كلها كده مرة واحدة لان اساسا وجبتنا قليلة

فبنعمل من الفرخة 3وجبات يعنى :


* الفرخة نفسها طبعا دى وجبة


* الرقبة والجوانح من 4 او 5 فرخات او اكتر بتتعمل فى وجبة تانية وبتكون معاها


* اجزاء الفرخة اللى قلت عليها قبل كده حد يسيبها من نصيبه وتتحط فى الفريزر


* الكبدة والاونصة والقلب لحوالى 8 : 10 فرخات دى بتكون وجبة تانية ،


* ودى بتتقطع ونتبلها بالبصل وملح وفلفل وتبات فى التتبيلة من بالليل لتانى يوم

* تتحمر قبل الغدا ومعاها بطاطس محمرة شيبسى وكاتشاب وسلطة طحينة
* يعنى زى وجبة غدا خفيف

وطبعا كل واحدة تنوع بقى زى ماهى عاوزة وزى ما بتحب

هى دى فكرتى يا دون وعارفة انى دوشتكوا وهلاقى حاجات كده عمالة بتخبط فى دماغى

اااااااااااااااااااااااى

انا قلت انى لمحت حاجة طايرة فى الجو
06-07-1426 هـ, 06:59 مساءً
 
مساء الفل عليكى يا دندون
حاول ابعتلك على الخاص مش عارفه بتظهر رسالة لم يتم تفعيل الخدمة اتأكدت من اختيار الخدمة وبرضه مش نافع معلش وانا فى انتظار الجديد
وبالنسبة للحلوانا بعمل من غير مقادير بس حاحول اكتب مقادير وياريت تراجعيها معايا

طريقة المكرونة بالمهلبية
1/4 كيلو مكرونة قلم أو اسباكيتى متكسره صغير جدا ومسلوقة كويس
1 كيلو لبن
4 ملعقة كبيرة نشا
سكر للتحلية
فانيليا
جوز هند وزبيب (حسب الرغبة)

الطريقة
يتم اذابة السكر فى اللبن والنشا على البارد ثم وضعها على النار ويتم التقليب المستمر حتى الغليان (مهم التقليب المستمر) ثم إضافة الفانيليا
يتم خلط المكرونة مع المهلبية جيداً وأضافة جوز الهند والزبيب
يتم دهن صينية أو طبق بيركس بالسمن ثم يصب بها الخليط
توضع فى الثلاجة لمدة من ثلاث لأربع لساعات
ثم توضع بالفرن بالرف العلوى حتى يحمر الوجه
وبالهنا والشفا

مساء الفل يا ERA فكرة حلوة اننا نكتب افكار لبواقى الأكل وبالنسبة للفراخ المتبقية
ممكن تفرم ويتم عمل كفتة الفراخ
أو يتم عمل شربة الكريمة بالفراخ والمشروم
أو يتم عمل الأرز بالكارى والبسلة والفراخ
أيه رأيك يا شيف دون انفع صبى مساعد فى المطبخ
06-07-1426 هـ, 08:45 مساءً
 
الله ينور يا ايرا و ام ياسمين ليكم نفس فى المطبخ حلو ..بالنسبة للاكل البايت لو تفتكروا كنا كل ما بنكتب اكلة وتنفع تتعمل بالاكل البايت كنا بنقول فى ساعتها زى كفتة الفراخ وزى المكرونات الباقية عندك تعمليها باى نوع من اللى سبق وقلناهم زى اللى بالجبنة و اللى بالزيتون وااللى بالمشروم وكزلك الارز زى ما قلنا فى الارز بالبسلة والخضار و الطاجن فى الفرن والكفتة ممكن تروحى عمللها صلصة والسمك تروحى عملاله صلصة بالتوم والخل والطماطم وتسخنية فيها

ايرا حكتبلك طريقتين لاجنحة الفراخ ممكن تنوعى وتعمليهم مع ارز ابيض ومع بطاطس محمرة و بالنسبة للكبد والكلاوى كتبنا قبل كدة طريقتين تقريبا
07-07-1426 هـ, 09:52 صباحاً
 
الاجنحة بالسمسم

اجنحة متجمعة او كيلو اجنحة
معلقة طحينة
ربع كوب سمسم
بصلة مبشورة
ملح و فلفل و ربع معلقة بودرة زنجبيل
بيضة
بقسماط ناعم
الطريقة
اغسلى الاجنحة و شيلى الجزء الرفيع اللى فيها
اخلطى الطحينة و البصلة و الملح
ضعى كل البهارات على الاجنحة وادعكيها كويس
ضعى خليط الطحينة على الاجنحة وسيبيها ساعتين ثلاثة
ضعى السمسم على البقسماط واخلطيهم
شيلى الاجنحة من التتبيلة وحطيها فى البيض المضروب ثم فى البقسماط
ضعى الزيت على النار لحد ما يسخن
حمرى فية الاجنحة وطلعيها على ورق ماص الدهون
وبالهنا والشفا
07-07-1426 هـ, 09:56 صباحاً
 


الساعة الآن 12:26 .