فخدة فى الفرن


فخذة ضانى- 2 ملعقة كبيرة صلصة طماطم- ملعقة كبيرة بهارات لحم
2ملعقة كبيرة خل- ملعقة صغيرة فلفل أسود- ملعقةكبيرة ملح 5- فصوص ثوم صحيحة – بصلة كبيرة مقطعة حلقات2 ملعقة كبيرة زيت او سمنة
الطريقة:
اغسلي الفخذة ونشفيها
اعملي بعض الخروم بالسكينة فى لحم الفخذة
ضعي في طبق الملح و الفلفل – و البهارات – و الخل – و اخلطيها جيدا
ضعى فى الخروم من خلطة التتبيل وفص ثوم صحيح فى كل خرم وبباقى خلطة التتبيل ندعك بيها الفخدة كلها كويس
نضع الزيت او السمن فى صينية كبيرة على النار ونحمر فيها البصل
نضع الفخدة فى السمنة ونقلبها كويس فيها لحد ما تحمر من جميع الجهات
نتركها على النار ونغطيها مع اضافة الماء كلما احتاجت الى ان تستوى تلت ارباع سوى
غطى الصينية بورق الألمنيوم،و ضعيها فى الفرن
لحد ما تستوى وقبل ما تخرجيها شيلى الورقة الفويل من عليها وادهنيها بصلصة الطماطم
علشان وشها يحمر و بالهنا و الشفا
08-07-1426 هـ, 11:56 صباحاً
 
احلى صيباح على احلى دون فى الدنيا ..

صباح الخير لكل الشيفات اللى موجودين هنا..

معلش يا دندونة انا قعدت احاول ابعت فى الملف اليومين اللى فانوا معرفتش ابدا السرعة عندى فى البيت زى الزفت عموما انا ها ابعتهولك على الايميل بتاعك دلوقتى...
08-07-1426 هـ, 12:12 مساءً
 
صباح الخير يا دينا
الفخذه شكلها تمام
نانى عملت الكوارع امبارح وشربت الشوربه فى الحر ده هى كانت كوارع صغيره لذلك كانت خفيفه جدا وكانت رائعه ميرسى يا نانى.
08-07-1426 هـ, 12:12 مساءً
 
صينية فراخ بالزبادى


فرخة حوالى كيلو ونص
بصلتين متوسطين مبشروين
عصير ليمونة-معلقتين خل
علبة زبادي- ملعقة كبيرة ثوم مفروم
ملح – فلفل - بهارات فراخ – نص معلقة سماق
الطريقة:
تقطع كل فرخة إلى أربع قطع او نفتحها من ضهرها
بالطول بالسكينة وتغسلها كويس
تدعك الفرخة بالبصل المبشور وعصير الليمون
والملح والفلفل والبهارات ونغطيها ونسيبها
من نص ساعة لساعة
نضع السماق وزرة ملح و الثوم على الزبادي
نضع خلطة الزبادى على الفراخ ونضعها في صينية مدهونه
او طبق بايركس ونغطيها بورقة فويل ونسيبها اما من بليل
او لمدة لاتقل عن ساعتين
ندخلها فى فرن متوسط الحرارة لحد ما تستوى وتحمر
وبالهنا والشفا
08-07-1426 هـ, 12:19 مساءً
 
يا صباح الفل يا مووتى الف شكر احنا كان عندنا برضة بطىء قوى اعتقد دى بقت شكوى عامة . طيب لو وصل الايميل بتاعى ادينى رنة يا مووتى طيب جربى كدة ويارب يوصل يا صباح الفل يا هبهوبتى بالف هنا وشفا الكوارع
08-07-1426 هـ, 12:22 مساءً
 


الساعة الآن 03:53 .