صباح الخير معلش اتاخرت عليكم
الكنالونى
2 كوب دقيق +1 كوب لبن + 2 بيضه وملح وفلفل فى الخلاط وممكن تزودى او تقللى الدقيق حسب السمك اللى تحبيه
هتبقى عجينه سائلة
بالكبشه الغويطه خدى مقدار فاعملى اقراص فى الطاسة التيفال واقلبى القرص كأنك بتعملى اومليت بالزبط
تكونى مجهزة العصاج ومسوياه وعليه ممكن معلقة بشاميل ومعلقة صلصة وخضار سوتيه بس مش كتير
او ممكن تقطعى فى العصاج حتت طماطم مكعبات وبقدونس وفلفل روحى يعنى كل واحده وزى ما تحب
تحطى معلقة عصاج على طرف القرص وتلفيه يبقى رول طويل كده بس متمليش الحشو قوى عشان ميقعش من الجناب
رصى الوحدات فى صينية وممكن تمسحى على وشهم بطماطم خفيف او زبده وتحطيها فى الفرن 10 دقايق بس تاخد لون وبالف هنا
وعلى فكرة ممكن تعملى الاقراص دى قبلها بيوم مثلا وتحطيها بكيس فى التلاجه وقت ما تستعمليها تطلعى وتحشى على طول
دينا انا عندى كبده وقناصه بتاعه فرخه فى الفريز ورز بسماتى ومعنديش شوربة اعمل الكبده ازاى؟
ادفنها فى الرز وهو بيستوى تستوى معاه ولا اسويها لوحده ببصلة وتومة واحطها على الرز وقت الغرف هيكون احلى
محسوبتك قعدت فى البيت بقى وهى اللى عليها المطبخ
سويهم لوحدهم يا لاروز بس تحطى القوانص قبل الكبدة بشوية لانها بتاخد سوى اكتر من الكبدة وبعدين عند الغرف تحطيهم على وش الارز حيكون احلى والمفروض تقعدى فى بيتك وبعدين تكلمينا من هناك





يا جماعة بعد اذن دينا فتحت لينك فى ملتقى الاحبة المغتربين ياريت ميتحذفش و نشارك فيه
اللى من مصر أومغتربة خارجها يللا تدخل علشان نسأل بعض و نستفيد
http://forum.hawaaworld.com/showthread.php?t=365661
ادخلوا هنا " منتدى العروض التجارية للمصريين"
بنات مصر تعالوا نجدد أيامنا الحلوة
ولدتك أمك يا ابن آدم باكياً و الناس حولك يضحكون سرورا
فاجهد لنفسك أن تكون إذا بكوا يوم موتك ضاحكاً مسروراً
دندون شكراً ياجميل وبالنسبة للرجيم كانت الدكتورة منعانى تماما من أى دهون بس الحمد لله انا ثبت خلاص ورجعت آكل عادى بس مع كنترول بسيط فعمل ***** الله بنصيحتك بس انا فى انتظار انواع اكل الرجيم اللى مش زى الدواء
La rosa ممكن تعملى بالرز والكبد والقوانص رز بالخلطة
بعد أذن دينا ممكن اقول طريقتى

مقاديرالأرز

بصلة مفرومة
5 فصوص توم مفروم
رز بسمتى وممكن رز عادى
ملح - فلفل - قليل جدا من القرفه
ملعقة صغيرة صلصة

الطريقة
يتم تحمير البصل والثوم حتى يصبح دهبى غامق ويضاف الماء والملح والفلفل والقرفه والصلصة حتى يغلى ثم يتم إضافة الأرز (الماء يغطى الأرز) حتى يتشرب

الخلطة
كبد وقوانص
بصله مفروم
5 فصوص توم مفروم
زبيب - صنوبر أو اى مكسرات حسب الرغبة

يتم تحمير البصل والتوم حتى يصبح دهبى غامق وتقطع الكبد والقوانص وتضاف إلى البصل وتترك حتى تسوى مع قليل من الماء وإضافة ملح وفلفل وبهارات وقرفه
عندما تقترب من الانتهاء يضاف الزبيب ونطفى

نضع الأرز فى سرفيس التقديم وعلى الوجه الخلطة متوزعه مع المكسرات المحمصة
أرجو تعجبكم ومتكونش اتكتبت قبل كده


الساعة الآن 06:30 .