ساعة القدر بيعمى البصر يا دون..
10-07-1426 هـ, 12:49 مساءً
 
صباح الفل على دون وموتى وتونى وأم عتريس وعليكم جميعا علشان منساش أى حد
ايه ياجماعه الواحد كل يوم يحتار يجرب آنى أكله تسلم الأيادى ياموتى
على فكره يا دون أنا كنت عند دكتورة تخسيس بس فعلا هايله كل الناس مصدقش اللى حصلى والحمد لله كل اللى عملته هيضيع من الأكل الجميل اللى بتكتبوه أنا كنت حارمه نفسى من أى أغراء فى الأكل بقالى سنة ربنا يستر
على فكره أنا عندى أكله تركى تنفع لرمضان وظريفه لو تحبو أبقى اكتبها هى كبيبه باللحمة بس مش زى اللى بنعملها بدل اللحمه الخارجية اللى بالبرغل (برغل فقط) فكروا وقولولى
وصباحكم زى الفل
10-07-1426 هـ, 12:56 مساءً
 
egypt-jasica
صباح النور حبيبتى


طبعا قولى ((بعد اذن دندونة)) التغيير حلو برضة

ومنورة الموضوع..
10-07-1426 هـ, 12:59 مساءً
 
ازيك يا دون

ياريت تجربية ال كتبتة وتقوليلى رايك

انا بحط الخلطة دى مع السمن وبعدين اشوح الرز معاهم وبعدين المية

وعلشان خاطر نودددددددددددددى حكتبلك على كذا طريقة تغيرى بيها طعم الارز بدل الرز ال بالشعيرية دة المعتاد

انواع مختلفة للارز من باب التغير

يعنى مثلا (((((بس معظم الرز الجى دة بيكون عنبرى او بسمتى بيبقى احلى )))))))))

عندك الرز بالكارى:_

دة بنفس الطريقة بتحطى السمن او الزيت ومعلقة صغيرة كارى وبعدين الرز متكتريش الكارى لانوة مشطشط

الرز بالقرفة:_

ودة كنت كلتة مرة برة وجربتوة حلو جدا برضة نفس الطريقة تحطة معلقة او معلقتين قرفة وبعدين الرز تقلبية معاهم لحد ما ياخد لون وبعدين المية

ودة طعمة حلو وينفع مع الحمام والفراخ

الرز بالكركم:_

نفس الحكاية والكركم كترية منة براحتك لانة بيدى لون بس مش طعم قوى زى الكارى وبضيف معاها زبيب وعيدان قرفة برميها فى ميتة وساعة الاكل بشلها ارميها بتدى بس ريحة للرز

وهى فكرة مبسطة للكبسة


ملحوظة


لما تحطى زبيب مع الارز متكتريش الملح علشان طعم الرز ميبقاش ف تناقض يعنى مملح ومسكر فى و قت واحد خلية معتدل

الرز بلون ولون ((ابيض فى اصفر ))مثلا


دى بقى علشان تعملي الرز حبة بلون ولون

مثلا حتقسمى الكمية للاتنين وتخطى جزء تعملية بالكركم مثلا من غير اضافة مية يعنى يتشوح ياخد لون بس

والجزء التانى بيكون ابيض عادى وشوحتية بالسمن وتحطى دة على دة وبعدين ضيفى المية للكمية كلها

هيطلع لون ولون

مش قولتلك يا نودى جوزى بيقولى بطلعى الوان غريبة للارز

chiness rice:_بالخضار والفراخ

الرز الصينى بيعتمد على وجود خضار فية((بسلة-فاصوليا خضرة-جزر-كرنب)))

عن نفسى مش بحب اضيف شرائح الكرنب
((بس هما بيضفوة مع الرز الصينى)))

المهم تسلقى طبعا الخضار دة نص سواء وبعدين تتضفية على السمن وتحطى معلقة كركم وبعدين الارز برضة وبعدين المية

ولو رز بسمتى ميزة انوة مبيعجنش حتى لو كترتى المية علشان كدة كتريها علشان الخضار يستوى اسرع يعنى كل كوبية رز قدامها كوبيتين مية صدقينى مش حيعجن

وممكن تضيفة معاهم قطع فراخ بانية مقطعة صغير اوى مع الخضار


وممكن تعملى رز بالفراخ لوحدها

او رز بلحمة لوحدة

ارز السمك:_

كتبتة ف الصفحة ال فاتت انى بحط شرائح طماطم وفلفل اخضر مع البصل

او رز باضافت خارجية زى ميلرز (((موجودة بالاسواق))

(((او بهارات كبسة للارز))) موجودة بالاسواق برضة

جربى يا نودى حاجة من دول لعمة حبعجبوة لانى مش فالحة غير ف الرز

واى خدعة

سلالالالالالالالالالالالالالالالالالالالالالالام
10-07-1426 هـ, 01:23 مساءً
 
ازيك يا دندون عامله ايه وكل الشيفات الموجودين
دندون اكيد عندك طرق جديده للبطاطا
نفسى اعرفها اصلى بموت فيها ونفسى اعرف طرق جديده غير الشوى فى الفرن
طبعا اذا ممكن
10-07-1426 هـ, 01:28 مساءً
 


الساعة الآن 04:28 .