السلام عليكم جزاكى الله خيرا تستاهلوا بليون بوسه على الحاجات الحلوه دى طلب لو سمحتم صغير قوى عن طريقه صنع السوبيا و تكون مجربه ياريت انا عمرى ماشربتها لكن جوزى يحبها قوى فاممكن؟؟؟
10-07-1426 هـ, 05:10 مساءً
 
سمكه شقيه يا اهلا وسهلا بيكى وليكى بوسة كبيرة مننا وبالنسبة للسوبيا احنا كتبناها قبل كدة والصراحة كل البنات اللى عملوها عجبتهم و الحمد لله ونظرا لان مازالت فية اخوات بيراسلونى على الخاص و بيطلبوها تانى فأنا حنزلها لكم هنا تانى بس لما تعمليها تقوليلنا عجبت زوجك ولا لآ ؟*****الله حتعجبه
10-07-1426 هـ, 05:21 مساءً
 

السوبيا


كوب لبن نيدو بودرة ( بدون ماء من العلبة على طول)
كيلو سكر
2 ظرف فانيليا
1/2 كيلو لبن سائل
نقطة واحدة روح جوز الهند
20 كوب ماء
الطربقة :

هاتى اناء كبير زى حلةاللى حنعمل فيها السوبيا
ضغى فيها السكر و بودرة النيدو والفانيليا و افضلى اخلطيهم بمعلقة
او بعصاية كويس قوى قوى على الناشف
(ودى اهم خطوة فى الموضوع كله لمدة 1/4 ساعة ما تقلش ابدا )
ضعى الحليب السائل و نقطة ريحة جوز الهند و قلبى كويس قوىلمدة 5 دقائق
ضيفى الماء كله واخلطى كله مع بعض كويس بالتقليب برضه وبالهنا والشفا
ملحوظة :
ريحة جوز الهند عبارة عنزجاجة صغيرة بتتباع فى السوبر ماركت او محلات الجملة وسعرها جنية و نص بس
ممكنوضع كمية مناسبة للاستخدام فى زجاجة فى الثلاجة و الباقى حطية فى اكياس نايلون فىالفريزر و اسحبى منهم سواء فى رمضان او الايام العادية و طعمها هو هو كانها لسةمعمولة
10-07-1426 هـ, 05:27 مساءً
 
ازيك يا دون

انتوا كتبتوا البيتزا قبل كده؟
ممكن اكتبها؟
10-07-1426 هـ, 05:46 مساءً
 
فينك يا رانيا ؟كنتى فين ؟؟اة يا حبيبتى كتبناها لكن لو شايفة ان بتاعتك حلوة و سهلة نزليها يا حبيبتى وازى جومانجى ؟ منورانا والله يا رانيا ابقى ارمى السلام
10-07-1426 هـ, 06:29 مساءً
 


الساعة الآن 04:01 .