Analysis Services


02-07-1426 هـ, 01:38 صباحاً
 
ألف شكر لأم العلاء .... مبروك .... حلوه كتير بتاعتك
ما نتحرمش من مجاملاتك الحلوه يا رب
02-07-1426 هـ, 01:44 صباحاً
 
يا سلام يا ام العلاء انا كنت متاكدة انك حتدخلى تباركى بحركة جميلة من حركاتك وانا بصراحة كنت مستنياكى وحفتحلك كل يوم جزء جديد وانتى بقى عليكى تنوعيلنا بالكلمات الجميلة بتاعتك. تسلمى وكلك زوق

داليا بالنسبة للتلخيص حاضر و بالنسبة للى بالى بالك التانى ابعتيلى على الخاص .اهلا يا ايرا يعنى حتى الجزء عيزاة مدمر ؟؟؟ كلة عندكم بالتدمير والافران والخطف ...ماشى
بالمناسبة يا ايرا هى رواء ولدت بالسلامة ؟؟؟
02-07-1426 هـ, 09:48 صباحاً
 
على فكرة يا بنات ان شاءالله وبمناسبة ان شهر رمضان الكريم قرب كل سنة وانتم طيبين ....فربنا يسهل حنحاول ننزلكم حاجات تنفع مش شرط للعزايم لأ ولكن لمائدة رمضان وتكون حاجات حلوة وسريعة فى العمل علشان تتفرغى اهم حاجة للعبادة لانه شهر بصراحة ما يتعوضش وربضة بأزن الله لو ربنا أحيانا وكان لينا عمر حنخلص قبل رمضان وحناخد رمضان اجازة الا ان كان واحدة عندها سؤال ضرورى وسريع حنرد علية بس لكن مش حنقعد بصورة مستديمة على الصفحة
02-07-1426 هـ, 09:54 صباحاً
 
طاجن الارز بالفراخ او اللحمة

فرخة مسلوقة أو نص كيلو لحمة مسلوقة – كوب أرز – كوب شوربة ( مرقة ) –
كوب حليب – 2 معلقة زبدة – ملح - فلفل
الطريقة
بعد ما تسلقى الفرخة شيلى منها العضم والجلد و قطعيها قطع متوسطة
ضعى كوب الشوربة على كوب الحليب و الملح و الفلفل واخلطيهم
هاتى طاجن فرن وادهنية بمعلقة زبدة
وبعدين حطى الارز فى الطاجن بعد ما تغسلى الارز طبعا
وحطى الفراخ او اللحمة على الارز
صبى فوقهم خليط الشوربة بالحليب
دخليهم الفرن متوسط الحرارة لحد ما يقرب من السوى
تروحى وضعة على الوش معلقة الزبدة التانية
وتدخلية الفرن لحد ما يكمل سوى و يحمر و بالهنا والشفا
02-07-1426 هـ, 10:03 صباحاً
 


الساعة الآن 05:21 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏