السلام عليكم و رحمة الله و بركاته

صباح الفل و الجمال على الشيفات الكبار و الشيفات الصغيرين

وحشتوني جدا جدا

على فكرة الحظر اترفع هناك بس المقفول مقفول، لو عاوزين تفتحوا جديد اتفضلوا، و تلخيص المسكين ابو 24 صفحة حابعته اول ما اظبطه على قدي يعني مش عاوزين تريأة
11-07-1426 هـ, 11:45 صباحاً
 
صباح الفل والخير والسعادة عليكم جميعا
معلش أنا أتأخرت فى الرد كانت ياسمين تعبانة والحمدلله دلوقت بخير
وحشتونى ومتشكرة قوى على ذوقكم وشكراً ياهبه وأنا كمان احب نبقى أصحاب ربنا يخليكى وانا عملت تفعيل للخاص
أيه يامروة الأفكار الجميلة ده أيوه كده تسلم الأيادى أفكاركم أحلى من أى شيف علشان فيها خبراتكم نفسها عايزين أكتر
صباح الفل يانانى أنا فعلا بالنسة للسوبيا بلاقيها بتتباع معموله بالرز بس القرفة والشمر جديدة بصراحه
أزيك يادندون ايه الكوارع الجميلة ده تسلم الأيادى
أزيك يا سبانش أنا متشكرة قوى ولو تسميحلى أنا ممكن أقولك على طريقتى فى المايونيز بعمله على طول مشاء الله بيطلع معايا ناجح وطعمه أحلى من الجاهز

المقادير
2 بيضه كامله (غير مفصوله)
1 معلقة كبيرة مسترده
1 معلقة كبيرة خل
عصير ليمونتين
ملح + فلفل أبيض
زيت حوالى 1/3 زجاجه

الطريقة يتم الضرب فى خلاط قوى ولا يطفئ حتى ننتهى تماما أولا نضع البيض ثم المستردة والخل والليمون ومن زجاجة الزيت نعمل فى الغطاء خرم صغير حتى ينزل مثل شريط زفيع جدا متصل دون أن ينقطع من الفتحة الصغيرة العليا بالخلاط وأثناء الضرب نضيف الملح والفلفل وعندما يتخن ولا نجد الخلاط يلف نطفئ ويتم تعبئة الخليط فى برطمان نظيف معقم وتوضع بالثلاجة
جربى الطريقة ده وقوليلى أيه الأخبار يارب تعجبكم
11-07-1426 هـ, 11:54 صباحاً
 
ميرسي يا موتي و يا ام ياسمين و الف سلامه علي ياسمين الحلوه
ان شاء الله هاجرب طريقتك بس عادي البيضه كامله و لا البياض بس؟طب و لونه بيبقي ايه في الاخر ابيض؟
و معلش ايه هوه الفلفل الابيض؟
و ممكن من غير مسترده؟
ميرسي يا حبيبتي
11-07-1426 هـ, 12:18 مساءً
 
المايونيز

لكل كيلو زيت ....
6 صفار بيض - 2 معلقة خل - 2 معلقة عصير ليمون - 1 معلقة مستردة - نقطة واحدة ماء مغلى
الطريقة
اول حاجة لازم لازم يكون الطبق و المضرب ناشفين تماما من الماء
اضع صفار البيض فى الخلاط + المستردة واضربهم كويس جدا لمدة دقيقتين
ثم انزل الزيت عليهم يا دوب سرسوب رفيع جدا جدا ما يتقطعش ولا يقطع منك
وفى نفس الوقت المضرب شغال ما تطفيهوش لحد ما تخاصى خالص
حنفضل كدة لحد ما حتلاقية بيتخن وتخلصى مقدار الزيت اضع الليمون والخل واضرب
(علشان لونه يفتح ما يبقاش اصفر)ثم اضع نقطة الماء وتقليبة واطفى المضرب
وكدة بقى جاهز عندك وعبيه فى لرطمان نظيف وبالهنا والشفا
11-07-1426 هـ, 12:45 مساءً
 
صباح الفل يا هبة ويا نودى ويا ام ياسمين ورانيا صباح الفل عليكم جميعا انا مشغوله من الصبح فى الملفات السابقة معلش علشان كدة اتاخرت عليكم تسلم ايديكى يا ام ياسمين وياريت برضة يا رانيا لو تجربى طريقتها طالما انها مجربة وبتطلع حلوة وبرضة دى طريقتى ولو عندك اى سؤال احنا تحت امرك.وبالنسبة للفلفل الابيض هو الفلفل الاسود بتاعنا بس لونه ابيض ومتوفر عند كل العطارين هو بس كل فكرته انك بتحطية على الاكل الفاتح يعنى مثلا البشاميل او المايونيز لونهم ابيض فمبيبنش لما تحطية عليهم غير الفلفل الاسود بيبان النقط السودا بتاعته
11-07-1426 هـ, 12:51 مساءً
 


الساعة الآن 08:09 .