اهلا بيكى يا ايناس وحاضر حكتبلك الفسيخ وخصوصا ان احنا مكتبنهوش قبل كدة وحرد عليكم بس واحدة واحدة احسن النت عندى بطىء جدا





الفسيخ المصرى

اى كمية من السمك البورى

ملح خشن

لازم لازم لما تجيبى السمك البورى للتفسيخ ميكنش السمك اتحط فى الثلج قبل كدة و لا اتحط فوقة ثلج والا مش حينفع يتفسخ ولزلك لما تكونى عايزة تعملى فسيخ بتطلبى من يتاع السمك انه يجهزلك سمك ما تحطش فى الثلج يعنى بيبقى من مياة البحر مباشرة وهو بتاع السمك بيجبهولك وبيبقى عارف

الطريقة

تجيبى السمك وتحطية زى ما هو على قفص او فى مصفاة تغطية بشاشة علشان الشمس تدخله وتحطية فى الشمس لمدة يومان كاملين او لحد ما تلاقية ورم واتنفخ تماما وحتلاحظى انه نزل المياة والدم بتوعه تماما

تشيلية و تجيبى الملح الخشن وتبتدى تحشى بيه كويس الخياشيم بتاعة السمك و تجيبى الملح و تمشى بايدك على السمكة من تحت من عند الزيل لفوق عند الراس وتدخلى الملح كويس بين القشور بتاعته تماما

وتشيلى السمك فى صفيحة او شوال وترصصية بجانب بعضة راس وزيل وبعدين ترشى ملح علية كويس وترصصى برضة السمك راس وزيل يعنى خلف خلاف وترشى ملح على وشة كويس وتلفى الشوال كويس قوى قوى و تربطية بحيث ما يدخلوش هواء تماما او تلفية فى قطع قماش كتيرة تماما وتحطية فى اى مكان بعيد عن الهواء لمدة 10 ايام او 12 يوم وبعدها يكون الفسيخ جاهز وبالهنا والشقا





يااا رانيا انتى تؤمورى وتطلبى اللى انتى عيزاه والله بصى يا سيتى انا القوالب بتاعتى عملاها عموله مخصوص للعيش من درب البرابرة لان فعلا القوالب اللى بيستخدموها فى العيش بتبقى غير قوالب الكيك بتاعتنا و بتفرق فى السوى وكزلك الافران انا القوالب بتاعتى ويا ريتنى بعرف اصور كنت وريتهملك بتعمل العجينة 2 قالب توست وبالنسبة ليكى اعتقد ان الخميرة زادت شوية وبرضة ابقى اظبطى درجة الحرارة يعنى ساعات بتبقى لازم عالية الاول علشان تحمر و بعدين نخليها متوسطة علشان التسوية انا ما بتطلعش لون الجناب زى اللى بتتباع لكن بتطلع بنى فاتح لكن القالب عند التقطيع بيبقى ماسك نفسه





صباح الفل يا ام ياسمين بالنسبة للسمنة المارجرين هى اساس بيستخدموها برة حتى اسمها زبدة المارجرين وهى بتبقى اخف من السمنة من حيث الكوليسترول وكدة ولكنها بتتباع هنا وبيعملولها اعلانات وهى بتعتبر ما بين الزبدة والسمنة وبتعملى بيها كل حاجة عادى هى كل الحكاية انها اخف بس انا بستخدم او بأفضل الزبدة بتاعتنا اللى بنسيحها لانها طبيعية واهم حاجة مش مصنعة زى باقى المنتجات المعروضة





ميرسي يا دندون
بس انا بيطلع معايا التوست قالب جامد و ماسك نفسه و باعرف اقطعه طر****ت بس انا اقصد الطعم حاسه انه شويه علي الفينو
اللهم اجعل القراءن ربيع صدورنا و يسر لي حفظه
اللهم ارزقني الاخلاص في القول و العمل


الساعة الآن 09:51 .