Analysis Services
هنونه : حياك حبيبتي بس ما عندي فكرة عن الفرن الي تقولي عليه .. احنا فرننا مو بوتجاز يعني ماله عيون فقط الي له باب .. الله يعينك والبنات مارح يقصرون

اهداب حبيبتي ..
انا عادي انظفه بالصابون والموية بس للحين جديد يعني ما توسخ بزيوت وكذا لأني ما استخدم فيه الا الفطاير والخبز يعني للحين ما تعمقت بالاستخدام وربي يكون بعونك
25-07-1426 هـ, 10:37 مساءً
 
اقتباس مشاركة  (رهوفة)
اختي مشاعل

هلا فيك حبيبتي انا بالنسبة لي احسه مو حلو هالفرن ما ادري ليش ما ارتحت له يمكن شكله ما ادري بس ان شاء الله ناوية اشتري فرن كهربائي المربع تعرفيه ما ادري وش تنصحيني .؟؟

بعدين بغيت اسألك الكفتة والكباب والهمبرجر بأنواعه والشاورما كيف تسوينها بالفرن بالتفصيل اذا مافيه كلافة عليك ومشكورة يالغالية ..
واذا عندك اكلات تتفرزن لرمضان بالثلاجة من الحين اكون لك ممنونة
والله ياقلبي انا هذا اللي عندي الدائري لكن الاشكال الباقيه ماعندي خبره فيها

وبالنسبه لطرق الاكلات ابشري..

تقريبا طرقها متشابهه..

استخدم لحم او دجاج مفروم..

1/ بالنسبه للكباب

اخلطي اللحم مع بصل وثوم مفروم وبقدونس وكزبره وممكن لو عندك شوية لية

مفرومه يطلع احلىوبهارات مشكله احلى شي تحطين كزبره ناشفه وكاري وبس

شكليها بالشكل اللي تبين اصابع او كور ورصيها بالصينيه وغطيها بالقصدير

واتركيها بالفرن تقريبا نص ساعه بعد كذا شيلي القصدير واتركيها تتحمر وممكن

تقلبينها يعني اللي فوق يصير تحت وبس..

2/ الهمبرجر

اخلطي اللحم مع بصل وثوم مفروم وبيضه وشوي بقسماط

وملح وفلفل وبهارات مشكله وبعدين شكليه اقراص ونفس الطريقه حطيه بالصينيه

بس انا للهمبرجر احط شوي زبده وزيت في الصينيه عشان معاه بيض واخاف يلصق

ونفس المده تقريبا..

3/ الشاورما

دجاج مقطع قطع صغيره بدون عظم..

بعدين جيبي الخلاط حطي بصل+ثوم+فلفل رومي+شوي سفن أب+زبادي

ملح وبهارات واخلطي وبعدين صبيه فوق الدجاج واتركيه طول الليل احلى

وفي الصبح حطيه بالصينيه ودخليه الفرن مغطى بالقصدير اتركيه تقريبا نفس المده

بس شيلي القصدير بعد نص ساعه واقعدي حركيه كل شوي بملعقه عشان لاينحرق

وبس احشيه سندوتشات مع شوي صلصة زبادي وطحينه وثوم وشوي مخلل..

والف صحه وعافيه..

معليش انا كتبتها على عجاله لو في اي سؤال تفضلي..واكيد الاخوات عندهم

طرق افضل..
28-07-1426 هـ, 12:47 صباحاً
 
تذكرت طريقة اكله سهله انا اسويها دايم

بطاطس بالفرن نوع من المقبلات بس مره لذيذه



جيبي بطاطس العدد اللي تحتاجينه..غسليه زين وافركيه بفرشاه

وبعدين غلفي كل واحده لحالها بقصدير وصفيهم بالصينيه ودخليهم الفرن

اتركيهم لمدة ساعه لاتقل ولاتزيد حطيهم وانسيهم وتعالي بعد ساعه طلعيهم

الحين جيبي زبديه او صحن عميق حطي جبن شيدر مبشور+شوي ثوم مفروم

+زبده+ذره+ملح+فلفل اسود+اوريجانو (الزعتر البري)

بعدين شقي البطاطس من فوق بسكين وطلعي كل البطاطس اللي داخلها لاتتركين

الا القشره وطبعا شوي بطاطس اللي لازق بالقشره

حطي كل البطاطس اللي طلعتيه على المقادير السابقه وحركيه

اضيفي شوي حليب سائل او قشطة الخفق اذا كانت موجوده..وبس رجعي المقادير

هاذي مره ثانيه في البطاطس واخر شي حطي زيادة جبنه على الوجه ودخليها الفرن

بس تذوب الجبنه وقدميها مررررررره لذيذه..

ممكن تضيفين مع الحشوه شوي مرتدلا او هوت دوغ مفروم يعني حسب الرغبه..

وممكن تستغنين عن الذره لو ماتحبينها..

والف صحه وعافيه..
28-07-1426 هـ, 12:54 صباحاً
 
حلوه هادي الوصفه يامشاعل السعوديه حسويها باكر لاهلي واشوف رايهم وخبرك بالنتيجه طيب عندي سؤال مابتنخزي البطاطا عشان تستوي من الداخل واذا عندك وصفه للبطاطا الحلوه اكون شاكره الك
28-07-1426 هـ, 01:00 صباحاً
 
يسلمو مشاعل

من جد طريقه تستاهل التجربه لأني اعملها دايم ومره لذليذه
28-07-1426 هـ, 04:21 صباحاً
 


الساعة الآن 08:09 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏