اقتباس مشاركة  (ملاك سدير)
ياقلبي اذا كلش مضطره اتفقي مع وحده من جيرانكم تمونين عليها تسوي لها مع فطورهم اعتقد حرمه وحده مو مكلفه عليها وكافئيهابمبلغ تتفقون عليه مسبقآ
امي مشاءالله عليها عندها اخواني بالبيت وابوي وانا بسوي كذا عشان ماتتعب بالمطبخ
وهي تبي تستغل وقتها بطاعه ربها
والله يسعدك ماقصرتي
12-08-1433 هـ, 09:08 مساءً
 
اقتباس مشاركة  (توتو@@@)
حبيبتي فرزني وتوكلي ع الله


حنا كل سنه نفرزن موب عشان نرتاح

بالعكس اصلن لان مايكون عندنا وقت

لان رمضان عندنا ضغط وزحمه ويومين فيه ضيوف ورجال يفطرون

ف مانقدر نلحق

بقولك طريقتنا وتوكلي ع الله وماتضر ابد وبالعكس كانك توك مصلحتها

الفطاير وخلية النحل

نسويها ونحشيها
ونحمرها بس من تحت بعدين نخليها لين تبرد ونغلفها كويس اهم شي التغليف
وندخلها الفريزر. حنا نفرزنا بصيانيها لان مانحتاج صيانيها
ويصير اذا تبيهم بس تطلع قبل الفطور بساعه بعدين تحمرها من تحت وفوق وبالعافيق ع قلبها
وكمان السبرنق رول نحشيه ونلفه ونغمسه في بيض وبقسماط ونحطه ع ورق القلي وندخله الفريزر ساعه لين ينشف بعدين اخذ علب بلاستيك واحط فيها ورق قلي واحط طبقة السبرنق رول وكمان ورق قلي بعدين بهالطريقه عشان مايتلزق ف بعض
والسمبوسه اللحم والدجاج
نلفها ونعبيها في بالعلب البلاستيك وع الفريزر
وسمبوسة الجبن
جبن السايل ماينفع يتفرزن اذا قليتيه يصير ناشف

حنا ناخذ من بنده جبنة هنقاري بالكيلو ونحط معها بقدونس ونحشي تعمها خيااااااال

والطماط نطحن كيس كبير طماطم يكفينا رمضان كله
ومعه شوي ملح عشان مايتغير طعمه
ونعبي باكياس اللحم الصغار
وتكون الكميه مثلن تكفي للشوربه وع الفريزر

وكذا والبصل نفرمه بفرامة البصل ونعبيه بالاكياس

والثوم نفس الطريقة

يعني امك اذا بتطبخ يصير كل شي جاهز عندها بس تحمس


والله يخليها لكم
ويطول بعمرها

ويارب اكون افدتك

واذا طبقتي طريقتي
خلي الوالده كل ماجهزت فطورها وهي صايمهـ تدعي لي بالزوج الصالح اللي يسعدني عاجلً غير اجل
تبشرين بقولها تدعيلك والله يرزقك ان شاء الله بزوج الصالح عاجل غيرا اجل
12-08-1433 هـ, 09:53 مساءً
 
اقتباس مشاركة  (رمش العيون2)
الله يجزاك خير تفكرين فى امك
شوفي ياقمر
اولا الشوربا اطبخيها عادي بس تبرد وبعد كذا احفظيها داخل علب بلاستيك وعلى الفريزر
الادامات كذلك ماتتغير ابدا مع الفرزنه
اما بالنسبه للسمبوسه سوي كل المعجنات اللى تخطر فى بالك ولكن لا تدخلينها الفرن لا
لفيها وصفيها فى تبسي ودخليها الفريزر وبعد ماتجمد دخليها فى اكياس
والله يكتب لك اجرها
امين الله يسعدك ماقصرتي
12-08-1433 هـ, 09:55 مساءً
 
اقتباس مشاركة  (شموخ 91)
الله يسعد قلبك اعجبني اهتمامك بأمك .. انا ماعمري فرزنت والا كان افدتك
ياعمري اسال الله يسعدك وماقصرتي
12-08-1433 هـ, 09:56 مساءً
 
اقتباس مشاركة  (بـداية جديدة)
الله يسعدك ويبارك لك بامك قولي امين
امين وياك وكل مسلم والله يجزاك خير على الدعوات
12-08-1433 هـ, 09:57 مساءً
 


الساعة الآن 08:38 .