فضفضة مطلقة /فقدت الحماس للزواج .. معدل/ قديم

بسم الله الرحمن الرحيم

السلام عليكم ورحمة الله و بركاته

كما هو واضح أنا عضوة جديدة لكن متابعة قديمة لها المنتدى

أعجبني فيه التفاعل قلت لنفسي سجلي و اعرضي مشكلتك للعلم أنا مشاركة في عدة منتديات

بس حسيت هالمنتدى مميز و متفاعل فطرحت مشكلتي هنا

بداية الموضوع مخصص للمطلقات و لمن يعرف مطلقات لأن ودي أستفيد

طولتها :biggrin2:

فلنبدأ ^_^

أنا مطلقة لي 4 سنوات بدخل الخامسة ما تزوجت مع العلم اني ما أرد أحد إلا نادرا هم اللي يروحون

بدون أسباب أعرفها : :

مو هنا المشكلة :19:

المشكلة اني كل ما أتقدم سنه تفتر نفسي عن الزواج أو حتى فكرته ما عاد يهمني لدرجة بديت أقلق

على نفسي - مع العلم ان صفة البرود عن الزواج صفة في العائلة - أول سنه كنت أدعي بالعوض واتحمس للخطاب
ومع تقدم الوقت موضوع الخطاب صار ينرفزني لأني أحس أغلبهم يسولفون مو جادين

و الحين حطيت شرط اللي بيتزوجني ما بي أهله يجون يجي بنفسه الله يسلمه مليت من فرجه الحريم علي :unhappy:

و اذا رفضوا انهم يرسلون ولدهم بسلامتهم >>> ما عندي وقت :biggrin2:



بأقول كم موقف : :

مرة بنت خالتي جايبة لي خاطب : : و أكلمها ببرود مع شوية ابتسامات في الأخير قالت لي

أصلا إنت ما تبين تتزوجين صدمتني في نفسي قلت أبغى أتزوج وشروطي مو صعبة بس ما الله كتب

أشوف بنات خالتي اللي مقاربين لسني لما تزوجت غارو لدرجة شنيعة لدرجة اني جاني عين في جلدي وقعدت

أتعالج منه بالرقيه الى ان شفيت ولله الحمد

طبعا زواجي ما تم سبعة شهور و طلبت الطلاق لعدة أسباب كبيرة ولله الحمد تيسرت أموري و أنا مرتاحة

على الآخر :40:

نفس ينات خالتي ألحين تزوجوا لو كانوا تاركيني ما عطلت رزقهم :( المهم اني أشوفهم مع أولادهم

و أشيل أولادهم و بعد ما عندي غيرة ولا يهمني وبالعكس بعد ما تزوجوا وصلحت نفسياتهم زانت العلاقة

أقرب موقف لما كنت بالحرم هالسنه كنت ناوية أدعي لنفسي بالزوج الصالح لكن نسيت في البداية ولما

تذكرت ما دعيت بإلحاح :(

و أكثر شيء ينرفزني لما يدعون لي الناس بالزوج ما أدري ليش أحسهم يسبوني

مع إني أأمن معهم و أقولفي نفسي لو ما يبون الخير لي ما دعوا لي : :

و الحين اختي اللي أصغر مني بست سنين بتتزوج و أنا فرحانه أكثر منها

أحس إني منزعجة من نفسي ما أدري أنا طبيعية ولا لا :)

أمي تقول ان اللي فيك رضا بالنصيب الحمد لله الرضا حلو بس خايفه اني أكون تبلدت مثلا :eek:

أو شي ثاني


الخلاصة مما سبق ذكره هل انت مطلقة متبلدة لا حماس لك للزواج مثلي أو هل تعرفين أحدااااا

أبي أشوف أحد مثلي : : ولا أنا شاذة :29:

عذرا ان كان الموضوع غير مرتب من ناحية الأفكار أو به تناقضات فهو مجرد فضفضة تحتاج الى استشاره

وصلى الله على محمد صلى الله عليه وسلم