Analysis Services
  • «
  • <
  • 1
  • 2
  • 3
  • 4
  • 5
  • >
  • »
الشحن حطي خيارات افضل لك واريح لك
زاجل رخيص بـ 10 و15 لكن بطيء وممكن تضيع البضاعه او تتأخر .. الخ انتي هنا اخلي مسؤليتك للي تبي شحن رخيص وتختار زاجل ,
اختاري شركه ثانيه مثل الما اكسبريس وارامكس لانهم يوصلون للبيت وطبعا اغلى تقريبا بـ 50 و60

الرقم طلعي شريحه بدون اسم بـ 10 ريال واشتري اي جوال نوكيا اغلب الجوالات يشتغل عليها الواتس اب مو لازم ايفون وانا ضد انك تستخدمين رقمك الخاص اذا كان مهم عندك

المعلومات مايحتاج الا تاخذين منها اسم المستلم ورقم جوال او رقمين جوال ومنطقتها

ورقم الحساب الي بتحول لك من نفس البنك عطيها رقم الحساب بس
اما الي بتحول لك من بنك ثاني لازم ايبان مافيه بنك يقبل حواله الا بايبان لبنك ثاني

داخل المدينه التوصيل عن طريق مندوب مايحتاج شركات شحن وحوسه
اتفقي مع مندوب وياخذ 30 ريال اغلبهم من الزبونه طبعا اذا وصل لها الغرض ياخذ قيمه التوصيل
وطبعا اذا بنفس المدينه اغلبهم بيطلبون سلم واستلم ماراح يقبلون بالحواله وهذا شي سهل مره
المندوب ياخذ الاغراض ويعطيها الزبونه وهي تعطيه قيمه الاغراض والتوصيل ويوصل لك المبلغ هذي الطريقه المعتمده عند اغلب التاجرات اذا الزبونه بنفس المدينه لانها هي الكسبانه وبتجذب الزباين بشكل اسرع من التحويل كثير من الناس ترأ تستصعب التحويل يبون يد بيد واذا مومقتنعه بسالفه مندوب
تقدرين تتفقين ع الاستلام في مول او محل وانتي تستفيدين من قيمه التوصيل
14-08-1433 هـ, 11:15 مساءً
 
الله يجزاكم خير ويفتح لكم الرزق من اوسع ابوابه
14-08-1433 هـ, 11:43 مساءً
 
ماقصروا البنات ماشاء الله
وبالنسبه لزاجل اذا عطور او قزاز او بضاعه غاليه وخايفه تضيع اشحنيها فزاحل بس سوبر
ب٣٠ ريال واذا عاطيه شحن عادى ب١٠ حسب مبلغ الطلبيه والزبونه تختار الشركة الماكسبرس يوصل للبيت ب٥٥ ريال واى قريه او محافظة ماتعرفينها تشحنى على البريد السعودى ب٢٠ ريال فقط
والله يوفقك يارب
15-08-1433 هـ, 12:42 صباحاً
 
نسيت اقولك البريد ياخذ نفس المعلومات الاسم والرقم والمحافظة او القريه مايحتاج رمز بريدى ولاشي
نفس شركات الشحن
اهم شئ مايكون سوايل بس الباقي يشحن
15-08-1433 هـ, 12:49 صباحاً
 
زاجل ارخص شركة تسلم هي 10 ريال اذا استلمت
وفيه زباين مايبون زاجل , يبون شركات شحن ثانيه
خبريهم ان الشحن عليهم
طبعاً عليهم مو عليك
خصوصا لو صارت بضاعتك من الربح البسيط

تعطينهآ رقم الحساب
واسمك للتاكد

الرقم الخاص ابداً مو حلو
نصيحتي لك اشتري جهاز لو مستعمل
وحطي شريحة وحملي الواتس
لان بعد ممكن الزباين يعطون رقمك لزباين ثانيه

داخل المدينة يكون مندوب
تسليم يد بيد

ان شاء الله ماتشوفين الا التوفيق ولا تخافين
التجارب تعلم وتوك بالبدايه
ربي يوفقك انتي وكل البنات يارب
15-08-1433 هـ, 04:58 صباحاً
 


الساعة الآن 03:22 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏