الله يجزاكم خير
ورمضان مبارك على الجميع
انا ابي اعرف كم الكميه اللي اسويها وتكفي كم يوم
يعني اللي خبيره فيها وتسويها دايم تعلمني
18-08-1433 هـ, 10:03 مساءً
 
اذا حابة فرزني

سمبوسة لحم 2-3 كيس بيكفيكم امم الحشوة
اسلقي الحمة المفرومة تقريبا لكل لفة 3_ لحم مفروم انا استخدم شركة ممتاز اسلقيها مع دارسين وكمون عشان تروح الريحة اذا فيها

بعدين حطيها ع التاوة و وحطي علية بصل مفروم وطماطم واتركيها لما البصل يذبل بعدين حطي معجون الطماطم والبهارات وملح وفلفل رومي
واحركيها لما تغطيها البهارات بعدين حطي قبل ما تلفين جزر مبشور و بقدونس مفروم
بتكفي رمضان كلله

ميني سمبوسة بالجبن لفة وحدة بتكفي لانك تقسمين الشرائح لنص

سبنقرول الكيس الصغير فية 20 حبة انتو ع حسب تقريبا 2 -3 بتكفيكم + سمبوسة البف

انا اسويهن نفس الحشوة نفسها وهذا الرابط بالصور http://forum.hawaaworld.com/showthread.php?t=3667969

افخاذ الدجاج


من البف باستري الكيس فيه 10 حبات

انتو على حسب اكلكم هاذي الطريقة

الحشو"
المقادير
دجاج مقطع مكعبات + بصل مقطع مكعبات + ثوم + بهارات + بطاطس مهروسة
نضع في التاوة 2 ملعقة كبيرة زيت ثم نضع عليها الدجاج والثوم ونتركة الين يستوي اذا استوى نضع علية البصل والبهارات نتركة شوي بعدين نضع البطاطس المهروسة
نفرد عجينة الباف بستري بالطول ونقطعة 3 اقسام ثم نضع الحشوة في كل قسم تقريبا ملعقة ونشكلة زي افخاذ الدجاج

نقلب الافخاذ في البيض ثم البقسماط بعدين حطي كل حبة لحالها يعني حطيها في الصحن مثلا وفرقينهن دخليهن للفريزر واذا جمدة اجمعيهن مع بعض في علبة وفرزنيها لما رمضان

* كل كيس بف باستر بتنتجين منة 30 حبة انتي شوفي كم تحطي من كيس



اتمنى اكون افدتك لا تنسن من الدعوة
18-08-1433 هـ, 10:39 مساءً
 
يتبع :

رولات التوست المقلية مررة سهلة ولذيذة

المقادير :

كيس توست افضل شي لوزين
الحشوة

احمسي بصل مقطع صغار لما يذبل حطي عليه طماطم مقطع صغار بعدين حطي 3 علب تونة "تكفي لكيس واحد"
بعدين حطي بهارتك المفضلة { كمون . فلفل اسود . فلفل . كركم}
وحطية عليها شوي صلصلة وفلفل رومي مقطع صغار واتركيها تتسبك

الطريقة :

قطعي حواف التوست بعدين افردي التوستة وادهنيها بالجبن بعدين حطي من الحشوة ولفيها اذا لفيتيها اقطعيها من النص

بعدين غمسيها ف البيض بعدين ف البقسماط

وافرزنيها الكمية ع حسب اكلكم

* اذا حابة بدلي الحشوة بالدجاج



كفتة البطاطس
  • اسلقي بطاطس ف موية وملح واذا استوت اهرسيها
  • اسلقي لحمة مفرومة في ما وملح وقرفة او كمون
بعديت احمسي الحمة اذا استوت في بصل مقطع صغار و طماطم مقطع صغار واتركيها لما تذبل بعدين حطي عليها بهارتك المفضلة وحي عليها معجون طماطم وبقدونس مفروم

بعدين حطي اللحمة ع البطاطس وكانكة تعجنينها وذوقي ملحها لانة يتغير ثم كوريها بعدين حطيها البيض ثم البقسماط وافرزنيها


* الكمية ع حسب
18-08-1433 هـ, 11:56 مساءً
 
الله يجزاك خير
ماشاء الله عليك
ماقصرتي
بس معليش سوال
كفتة البطاطس
كم حبه على كيس اللحم المفروم
19-08-1433 هـ, 01:11 مساءً
 


الساعة الآن 06:16 .