مااعرف
خذي طريقتي وانا متأكده رح تدعين لي بحول الله وقوته
نسويه وتاخذ منه اختي للجامعه ينهبلون عليها صديقاتها للدرجه وحده قالت بعطيك فلوس تشتري لي من الحرمه هههه تحسبه لطباخه
الموهيم
انا رح اعطيك المقادير لعلبتين لان هذي اقل كميه اسويها
المقادير
بصله كبيره مفرومه تشوحيها في ربع كوب زيت زيتون
وتضيفي للبصل فصين ثوم ناعم مدقوق
وملعقه حلى ملح ليمون
وملعقه ونص للحلى ملح عادي
وبملعقه تحريك السكر قهوه تركيه لانها تركز النكهات
وملعقه طعام دبس رمان
وملعقتين معجون طماطم
ورشه فلفل اسود
ورشه فلفل شطه احمر مجروش قليل بس ضروري لانه يعطي نكهه واو
وضيفي برش ليمونه وبرش برتقال بس قليل ويكون البشر ناعم جدااا
وتضيفي 3 حبات طماطم معصوره
تحركي الكشنه ثم تضيفي
الرز المصري المغسول كوبين وربع بمقدار كوب النوتيلا الصغير
وتحركينه ثم تضيفي عصير ليمون نص كوب
وتقلبينه على نار منخفضه ثم تضيفي حزمتين بقدونس مفرومه
وحزمتين كزبره مفرومه
ونص حزمة نعناع مفروم
تضيفيها على الرز اذا نشفت السوائل منه
وتطفي القدر وتحركي الخلطه بتصير مثل التبوله
اتركي يبرد شوي
جيبي ورق عنب العلالي انتاج تركيا
او ورق عنب حلواني
واغسليه من الخل
وصفيه ثم ابدئي اللف انا استخدم الة ورق العنب
لما تخلصي من اللف استخدمي قدر الضغط
صفي اسفل القدر بطاطس
ثم صفي ورق العنب عليه
لما تخلصي صبي كوب وربع مويه حاره مذاب فيها مكعب ماجي
ونص كوب عصير ليمون ونص كوب زيت زيتون
وحطي طبق زجاجي على الورق يكون ثقيل
ثم غطيه في قدر الضغط واخفضي النار 40 دقيقه على نار منخفضه
وبعد 40 دقيقه شيلي الصفار وممكن تزيدي نص كوب ليمون لو تحبونه حاااامض
ثم ترجعي تغطينه بسرعه عشان لا يسود
واتركيه كم ساعه ثم دخليه الثلاجه لليوم الثاني لحد ما يبرد تماماااا
وجربي رح تاكلي الذ ورق عنب
ولونه بيكون روعه
وحشوته جدا جدا لذيذه

ماشاء الله عليك اختي الوحيده الله يوفقك يارب
من طيب أصلي مآ طعنت بقفاهم ،،، رغم أنهم بـ القفى مآ قصّروا بي 😢
اجل خذي طريقتي وترا مررة انشهرت فيها
اول شي افرمي بصل واحمسية مع ثلاث حبات ماجي
وبعدين جيبي كاس طماط مطحون وكاس زيت زيتون وكاس ليمون وخلية يطبخ بعدين حطي ثوم وملح وبهارات وكمون وبعدين حطي كاسين رز مصري مغسول فقط بدون نقع
وخلية يطبخ على نار هادية جدا وحركية باستمرار واذا نشفت الموية طفية
وبعدين لفية بعدين جيبي قصديرة ورتبي فيها ورق عنب اللي لفيتية وسمري القصديرة بانتظام وترتيب وحطي فوقها طبقتين قصدير عشان مايدخل الموية جوا
انا اقسم العلبة على قصديرتين
وبعدين حطيها بقدر فية موية كثييرة وحطي القصدير فية وخليى يطبخ ساعتين كاملات
واذا نقصت الموية زيدي
وبعدين شيلي القصدير من القدر ودخلية الثلاجة
انتبهي ثم انتبهي تفتحينة وهو حار لانة بيصير اسود مرررة
لازم يبرد واذا مستعجلة حطية بالفريزر
وبالعافية صدقيني ومو لانة حقي بس هذا افضل ورق عنب بحياتي كلها ذقتة
وكثيير ناس يبغوني اسوية لهم
ملاحظة تقدرين تفرزنينة لمدة لاتزيد عن اسبوعين وهو بقصديرتة قبل الطبخ
لا إله إلا الله أستغفرالله وأتوب اليه


بس امانة اذا صلحتية بلغيني بالنتيجة برسالة لي ولو حابة تستفسرين ارسلس لي برضو
لا إله إلا الله أستغفرالله وأتوب اليه




الساعة الآن 06:02 .