سؤال محرج ومحيرني يانفاااس

انا قبل مااولد كنت متحمسه لللنفاس وكنت مجهزه خلطات واشياء كثيره بعد مااولد وبعد ماولدت تدمرت كل شي يعني يالله يالله عشره ايام بس اهتميت باكلي وبنفسي يعني كنت رابطه بطني وراسي ومدفيه جسمي وكنت ادهن جسمي يوميا بزيت الزيت وبعدها طفشت من الرباط ونومي قليل ويومي كله نعسانه ودايخه وتعب واقوم من الظهر انظف البيت واجري من ورا عيالي وصياحهم وبكاهم تحت اذني ويتهاوشو :06:وفي صوت في اذوني كاني في غابه بزات لمن اكون لوحدي او البيت هادئ هل انتو كمان تحسو بهذا الصوت ولمن جبت الممرخه تقول هذا من الصراخ وقت الولاده وكمان يدخل هوا وقامت هيا مرخت جسمي كله بالزيت وخبطت راسي وكبت عليه زيت مره ريحتني هذي الحركه والمشكله رحمي نازل ومو كل وحده تعرف تمرخ وترجع الرحم مكانه الا اغلب الجاويات في وحده اعرفها في جده مره ممتازه تودي الرحم مكانه ومع تمريخ كامل للجسم ولسه مارحتلها انشغلت وان شالله اروحلها قريب لاني احس بالم في رحمي :06:.... وغير كده كل شويه احس بعطش شديد وطفلي يبكي كثير وارضعه مايكفيه حليبي واسويه له رضاعه وحايسه معاه وقت النوم ومع شغل البيت :06:ماعندي وقت لنفسي بشرتي جاااااافه وفي اماكن مسمره في جسمي مافي وقت اعمل خلطات وكلام فاضي :icon31:ووزني زايد مدري كيف انزله وكل شويه اجوع بسبب الرضاعه واكلي قليل وانا نفسي مااعطيه حليب صناعي بس مره يطفشني يرضع و يبكي.. في بنتي لمن كنت ارضعها ماكانت كده حتا لمن الحليب قليل في صدري ترضع وهي ساكته ترضى بالموجود :Dتربية الاولاد صعبه من صغرهم يرضعو اكثر من البنات .. طولت عليكم وخرجت من الموضوع ...:icon20: يابنات اختي قالتلي لايحصل جماع الا بعد الاربعين يكون افضل وانا قبل 30 يوم الحمدالله نظفت وبدات اصلي وحصل جماع :eek:هل له اضرار وهل من الممكن يصير حمل لاقدر الله .... افيدوني جزيتم خيرا ويسهل عليكم يارب